女神老細係我女朋友: 第八十三章

——————————————
黃景霖

「咪行住先，我仲有啲嘢要同妳講」當我正想轉身離開時，uncle截停咗我

「咩事呀uncle?」

「話說早排商場係咪有兩個大品牌舖頭想轉間大啲嘅鋪既？漏尾件事圓滿解決咗係咪？」uncle做咩無無提起既，仲有佢點知？

「係呀，當時係Ada解決咗呢件事呀嘛，唔係咩？」我忍唔住反問Uncle





「其實件事唔係咁既，當其時係妳阿媽係美國返黎解決咗我同呢兩個品牌既紛爭.....」

「下，媽咪佢......」點解會關媽咪事......

「仲有好多好多問題其實係妳阿媽係背後解決，只係佢冇同妳講，但係我都想比妳知道阿媽其實都好緊張妳，關心妳，妳不如同佢好好傾下」

「uncle, 你知唔知媽咪去咗邊？」我想親自問清楚發生咩事呀

「妳阿媽準備今日走啦，搭4:30機返美國.......」





我望一望手錶， 而家已經2點半，睇黎我仲可以趕到見媽咪

「唔該你uncle！」同uncle 道別後，我就同呀明匆匆離開.......

去機場果陣，我係到諗究竟會唔會同個晚WhatsApp有關呢，呀明握實我雙手，係嗰刻我感覺自己個心定落黎

去到機場，望住密密麻麻既告示板，根本搵唔媽咪會搭邊一班機

「唔係.....呀，不如分頭...搵啦」呀明喘住氣咁講





之後我地就分邊兩邊搵，希望可以盡快搵到媽咪

「媽咪，妳係邊呀？」我一跑一路自言自語

我再望一望手錶，已經3點幾啦，就黎冇時間，媽咪會唔會已經提早入咗閘口呢

突然間諗到可以去離境大門既閘口睇睇

搏一搏啦，我直接跑去離境大堂閘口，咦？！ 個背影咁似媽咪既！

「媽咪！媽咪！」我邊跑邊大叫，希望媽咪會轉身，而其他人就當我係怪人，個個望住我，但我唔理得咁多

「媽咪！！！！」我用盡氣力跑過去，但係個背影都係越行越遠，好似聽唔到我叫佢





點解呀.....成日都係咁架..... 最後我都趕唔切截停嗰個好似媽咪背影既人，我望住佢入閘口。當下我終於忍唔住流下眼淚，靠係牆邊，點解又係咁... 我又趕唔切

「乖女？點解妳係到既」突然我聽到一把好似媽咪既聲音同我講野

下？我枱起頭望一望，係媽咪呀，佢好疑惑咁望住喊緊既我

「乖女？」

「媽咪！」我行到媽咪面前攬住佢，不停喊，原來我趕得切呀！

「乖女，做咩呀？」媽咪都攬住我，輕輕拍拍我既背脊

「點..解......嗚...嗚.....妳係背後幫咗.....我地咁多......點解....唔話......比我知呀！」我忍唔住喊得更加厲害

「乖女，我........」





「係咪？妳係咪有野.....講出唔口呀？」我稍為深呼吸，令到自已回復心情

「媽咪，妳有咩就直接講啦，我想親口聽妳講發生咩事」我用啱啱喊到通紅既眼睛，望住欲言又止既媽咪

「景霖，對唔住...我之後淨係識怪妳，而冇去好好關心妳，乖女可唔可以原諒媽咪呀？」媽咪講完之後，再一次攬到我實一實

「媽咪，多謝妳一直都幫緊我地呀，我地都唔好嬲對方好唔好呀」我地互相都攬實對方，我同媽咪好耐冇好好咁傾下計

「好呀！乖女」

「咁媽咪可唔可以唔返美國呀？」我握住媽咪雙手請求佢

「唔得呀乖女，美國個邊公司都要人睇住呀」媽咪摸住我個頭咁講，就好似細個嗰陣佢成日摸我個頭咁





我聽到之後好失望，扁曬嘴

「乖女啦，最多媽咪一得閑就返黎香港啦，好冇？」媽咪安慰我，輕輕拍拍我膊頭

我點點頭，唯有係咁啦

「景霖！伯母！」呀明既聲音係我背後傳出，我轉身望，見到佢啱啱跑到