兩個星期之後,你來到海迪路絲的店舖。

「我返咗嚟喇,不過唔排除我會再出去,歡迎光臨!海迪路絲字。」門旁的字條還畫了海迪路絲在眼睛旁邊擺出勝利手勢,閉上左眼,很可愛的樣子。

你打開門。

「歡迎光臨!係你?」海迪路絲在用布刷着一個閃閃發亮的東西。

店鋪周圍整齊地放着不同的防具,書本,看來在海迪路絲回來後,她整理了一次。





「你有咩想要?定純粹想搵我傾計?」矮小的海迪路絲抬頭望向你。

「我想問你呢排去咗邊?」你搔搔頭髮。

「我咪話咗去搵材料,不過唔係咁順利。」海迪路絲刷着那個閃閃發亮的東西的頂部。

「嗰樣係咩嚟?」你指着海迪路絲刷着的東西。

海迪路絲把布放開,那是一個清藍色,把光線反射得完美無瑕,三尖六角,令人不寒而慄的結晶。





「我呢排就係去咗搵呢嚿嘢,但係途中出咗啲意外,佢崩咗一部分,我應該要去再搵過。」海迪路絲低頭歎氣。

「你去邊度搵?我可以幫你。」你在想如果幫她忙,在未來也許會有用。

「係比呢座城仲北嘅高山,不時都會因為有人爬嗰座山而死,你真係要去?」海迪路絲把結晶放在一個箱子,箱子馬上浮現白藍色的斑紋。

「我冇問題。」你充滿信心地說。

「你女朋友呢,你留佢喺度唔驚?」海迪路絲用諷刺的語氣。





「佢叫雪倫,佢唔係我女朋友,同埋佢最近成日跟班護衛去玩,可能佢依家喺邊度射緊箭都唔定。」你用些微忍無可忍和無奈的心情說。
---------
在某個在城鎮不遠的森林,雪倫拿起弓,用三隻箭射中三隻兔子。

「果然係大家姐!我哋今晚有得食大餐喇!」其中一個有些胖的護衛說。

「各位,我哋再搵大啲嘅嘢射!」雪倫穿着暗黃色的皮革衣服和黑色長褲,拿起其中一隻兔子說。
---------
回到店內,你雖然有啲擔心,但肯定不會有事,畢竟你已經知道雪倫的實力非常強大。

「總之,我可以幫你。」你舉起右手的食指說。

「世界上冇免費嘅肉,你想我做咩?」海迪路絲用輕佻和認真的語氣說。

「呢個人情,遲啲再還都得,我哋應該要點做?」你問。





「由於嗰度比較遠,我哋要借架馬車,但落車之後有好長嘅路要行,回程嗰陣都要拜託馬伕等到我哋落山為止,啲錢我會畀。」海迪路絲捲起一張紙。

「啲裝備,同埋其他嘢我會搞,你要做嘅係做好心理準備,同埋睇下嗰座山嘅地理情況先,嗱。」海迪路絲給了你剛剛捲好的紙。

你收起那張紙,「我寫咗好詳細嘅說明,每一個點你都要睇得好清楚,一唔覺意你就可以喺冰山上面長眠做獨居老人。」海迪路絲用平淡的語氣說。

「係,明白。」你說。「係喇,幫我哋夠食七日嘅嘢食,我哋要留喺座山上面幾日。」海迪路絲搬幾個箱子到角落處。

「唔好死。」海迪路絲突然摸了摸她黃色的短髮。

「吓?」你不知道為甚麼她會突然擔心你。

「作為一個發明家,我嘅直覺好少錯,你會係一個好重要嘅人,至少對我嚟講。」海迪路絲的說話似乎有弦外之音。





「嗯,心領喇,妳都要平平安安咁返嚟,如果唔係我喺座山唔知點落返嚟,真係變獨居老人。」你說。

「咁我哋後日朝早十點會出發,喺呢度集合。」海迪路絲把一個小長盒放在櫃台。

「到時再見。」你離開了店舖。

雖然安杜城是一個寒冷的地方,但在陽光底下總是很溫暖。

你漫無目的地在街道上走,看見人們有些穿着大衣,有些穿着長靴,有些穿着厚褲,大人們都談得津津樂道,小孩們都玩得很開心,老人們都笑得陽光普照,菜檔不斷給不同的蔬菜客人看,雜耍藝人周圍聚集了不少人,馬車慢慢在街道上行走。

走了一會兒,你決定去一所餐館吃午飯。
已有 0 人追稿