搵cc遇著女同事....返工又比你屌，放工又比你屌: 第九章‧逆轉！Youtube 危機。

哩隻靚豬可能真係我人生中既克星。
 
我都唔明，馬仔我縱橫省港澳日韓美澳再加埋星馬泰咁多年，利害既對手我真係見唔少...
 
但一個睇落去咁蠢，又野野打著我上五寸下五寸既靚豬...我真係第一次見。
 
如果o係online game 入面，我好肯定一打開佢技能果個版面，個個職業技能都係得lv1。
 
唯獨係得搞事既個技能就爆lv。野野都係切中要害，下下都係攬住自爆...
 




專業既都無咁專業。
以前有一句說話，我今日真真正正地發現倒古人既智慧。
 
「傻既怕癲既；癲既怕不要命既，唔要命既怕真心膠。」

聖女貞德就係一個真心膠，
 
你知佢係敵人，你都仲可以亳不留手咁收倒皮...但佢真心唔知做緊乜撚野...你都唔知可以點對付佢。
 
以前d人話武功去到一定既境界，就可以做到隱藏自己既弱點，令到敵人搵唔到。





而武功去到化境，就唔會唔點解你望落去明明全身都係破碇，但你篤落去邊度，你都覺得自己會死先...
 
靚豬既on9已經去到哩個境界。。
 
去到哩一步，我已經得罪左好多人。果d 蝗我真係理撚得佢死。。。
 
但果個薯片男。。我真係想打巴佢。
 
係咁講：「兄弟，洗唔洗call 白車丫。」




 
我Call 你老母咩！！幫我Call架豬籠車車走哩隻豬啦，老細...
 
說時遲那麼快，你老味，果邊著住名校校服果件平胸妹，你影乜撚野！
 
你影乜撚野都唔緊要，麻煩你寫標題果時要有d 文化...咪寫「賤男公眾推倒美少女。」
 
要寫：「港男爭氣港女友哭求Cool(筘)煲」，唔係唔得出街ga!!!
 
唔係...痴撚線。應該叫佢唔好影先係。
 
但一百個香港人有一百個都係死小孩，你愈叫佢唔好影，佢老味就愈要影...
 
好彩，香港人十個有十九個都有睇人仆街既心態。只要搞到件事唔仆街...就無人會睇。
 




老味就老味啦！！！
 
當Alice 仲o係個地下到發緊癲，我忽然諗倒條絕世好橋...
 
我一下走埋去個影既女仔身邊，閃左去佢鏡頭既死角，笑住口，好細聲咁同佢講：
 
「妹妹，想影咋嘛，等我比d 正野你影啦！咪成日影埋d 濕鳩野。」
 
正當薯片男都o岩o岩攞左部電話出黎，仲set緊角度同apps時。而個AA校服妹o岩o岩想將個鏡頭轉向我。
我就一下由佢個鏡頭既另一面閃左過去。
 
一野走埋靚豬姐身邊，一踎低，將佢成個人公主抱咁抱起左。
 






佢開頭成個人呆左...
 
估唔到本人都可以做d 咁癲既事哩...
 
點知一抱左起身，佢就開始掙扎...
 
Alice:「你做咩丫！！放低我丫！！！」
 
佢好似癲癎症發作咁撚樣，手舞足蹈。
 
於是我再加多一句：「豬豬，我地走左啦。」
 
當然佢把口就唔會停啦...於是，我就一下錫左落去，封住佢個咀先。
 





 
哩個吻唔長，但應該夠晒震撼。起碼佢收左聲。但隻手仲o係度打緊我。
 
一直抱住佢，用9秒都唔洗既速度衝左出地鐵站。我亦都發現，佢打我果隻手愈打愈細力。
 
大家有無聽過「火事場力」？就係日本仔用黎形容人o係生死之間發出黎既潛能。

我相信今次就係發生左o係我身上。
 
一路抱住佢一路跑出去，我隱約聽倒d 掌聲...

咁就ok la，即係我仲未洗上Youtube做大明星。

因為香港人唔見得人好，好野係唔會幫你廣傳的。





好似o岩o岩個MK仔幫個比蝗打既記者咁，無啦啦比人屈話小事化大。其實就係隻蝗動手打人。
 
一路跑左過天后地鐵站馬路...我既腎上線素終於用完啦...好撚累。
 
做左咁多年人都未試過搞d 咁樣既野...（之後條腰條痛撚左成個星期。個醫生話急性腰筋扭傷。son of the bitch...）
 
我連人都未放低就一野坐左落去個花槽度...
 
休息順返條氣，我先發現左同佢哩個咁尷尬既狀態：我坐o係花槽，佢坐左o係我隻腳上面，雙手攬住我條頸...

就成個新娘新郎影結婚相咁。哩一種咁老尷既狀態底下...我估我有少少面紅。
 
我未試過o係咁近既距離去望Alice...
 
其實佢真係幾靚，當然未必去到d 韓妹人工雕鑿過咁靚咁完美。
 
但係瓜子一樣既面形，杏仁一樣小汪汪既眼加少少mascara，好輕咁樣畫下左一條可愛既眼線。

再加上少少淺橙色既eye shawdow。

原來佢真係幾清純。清純到好似無諗過野一樣。

瞳孔清澈到好似可以望穿佢個心一樣。（對唔住，年紀大，我係識用哩d野去形容一個女仔）
 
不過佢既樣貌都唔係完美，佢右眼下面有一顆小小既墨。面脥有少少斑，唔知用d AA定BB定CC  cream遮左。
 
「多得有缺陷美，身邊景物愈明媚。」by 華仔
 
因為有缺陷，先感覺倒佢係人。

係人，先至會愛上。
 
初音都好完美，甚至把聲仲好好聽tim，但始終感覺唔倒一種人既味道。