搵cc遇著女同事....返工又比你屌，放工又比你屌: 第十四章‧酒吧救美

你地睇完哩件事係咪覺得就算唔可以鬆一口氣，起碼都叫告一斷落？
 
Sor 鳩ry ，哩個就係故事同人生既分別啦。
 
你地上一篇就睇完左，但我哩一日仲未完。
 
經歷完哩一大堆野，先九點幾。

夜，仲未結束....
 




身上既whatsapp 忽然間響。仲連續響左幾聲添。不得都要去睇一睇，邊條蛋契搵得我咁急丫？咁急就打電話啦！柒頭！
 
唔睇尤自可一睇：
Xxxx xxxx (阿芝）
未接來電（3）
 
仲有一大堆whatsapp。
 
內容大概係：大佬，你做咩今日咁早走既？係咪有咩事？我有d野想搵你傾。覆返我。
 




唔通個妹釘有急事搵我？
 
於是我就覆返佢電話。
 
嘟嘟.....你宜家所打既電話未撚接通，請遲d再打過黎啦。
 
屌你老母！鬼唔知個電話無通到咩？多鳩余。
 
Whatsapp返佢：打唔倒比你丫，覆返我。thx
 




過左十零分鐘，阿芝終於打返比我。
 
我：「喂？喂？喂？」
 
電話通左，但係無人應機。
 
我連喂左三百九十六聲之後....正打算cut線。
 
一把懶洋洋既聲響起：「喂～～xxxxx Ma，你～喺～邊～度～丫？」
 
死妹丁.....又飲醉酒.....成日都係咁，又唔飲得，又係要飲。
 
我：「我喺你屋企丫，死妹釘！今次又喺邊度丫？又無人執你返屋企咩？次次都係咁，無聽個柒頭政府官講咩？因住比人輪姦丫！」
 
芝：「上次你唔係話一日屌我三次咩？你今日屌左未丫？哈哈哈哈！」




 
我暈啦，你以為自己係鬼妹丫？五點鐘飲，八點鐘醉，十點鐘醒就返屋企。
 
我：「你喺邊丫？」
 
阿芝：「我喺你屋企囉～」
 
OMFG!!!! 飲醉左既阿芝仲無賴過我！
 
我細心咁聽一聽週圍既聲音，好！聽唔出.....
 
我：「大小姐.....你要我過黎執你都要話我知你喺邊先得ga....」
 
芝：「哈哈，你屋企～你屋企～你屋企。你係咪過黎執我姐？」
 




通常平日抑壓得太厲害既人，飲完酒都會發酒癲.....哩個幾乎係定理......
 
咪住，我忍約聽倒後面有人講野。
 
我：「比個電話個bar tender。」
 
芝：「唔～比～佢攞左我電話～～點算～丫」
 
我心諗，你醉到咁，人地姦你五次你都反抗唔倒啦，仲話攞你電話。要攞你仲打倒比我？
 
我：「比佢啦，乖乖～～快d la」
 
芝：「唔～得，除非～」
 
我：「除你老味咩，快啦」




 
嘟嘟嘟..... Come on James !!! 玩野丫？
 
仲打極都唔聽！
 
唔比我聽到，唔知你醉就算啦.......
 
知左我又唔理我會瞓唔著嫁！
 
正當我唔知去邊度搵佢既時候，阿芝個電話打返過黎比我。
 
我：「喂!o係邊丫？」
 
男：「喂。」
 




我：「你係邊位？果個女仔呢？」
 
男：「哩度係，中環xxxxx，你朋友飲醉左。而家攤左o係bar檯度。地址係….」
 
我：「唔該晒，兄弟。麻煩你幫我睇住佢同個電話先。我好快到。」
 
佢似乎係d 唔多鍾意講野既人，連byebye都無講就cut左線。
 
於是，我就飛的過左去中環。入到去，見倒阿芝攤左o係檯面。好似有個男仔想拉佢走，但個Bar Tender阻止緊佢。
 
於是我就衝埋去阿芝度，抆開佢地，大聲講：「喂~~兄弟！做咩野，放手先。」
 
Bar Tender 哥哥一見倒我埋去，就格開左另一個人隻手。之後走開左。算啦，人地o係度打工，已經算好有雷ga la。
 
哩兩件野，不得不講一講...外貌...其中一個話佢年青才俊都不為過。可能出面已經停左架Masarati ar, 大賓丫之類既野。
可能好多人見倒佢已經出晒水，但阿芝應該唔會。因為據我所知，佢係一個Lesbian，...佢咁講我咁聽啦。
 
青年才俊：「你邊位丫？」睇得出佢都飲得有d 醉醉地。走過黎有d 推推撞撞。
 
高登仔一定叫我出霸氣！打救佢！係咪？你都On9既，哩d 咁既傻佬，依我既經驗，哩d 柒頭未必好打，但一定好膠煩。
 
執屍去台灣啦，你老味。香港唔興ga。
 
我：「我係佢阿哥！」
 
青年才俊用一口唔咸唔淡又懶ABC既口音講：「阿哥？我係佢老豆丫！」
 
我：「咁你快d 返寶福山啦！今日未係清明囉！」
 
「AssHole!!」青年才俊突然發爛。一下想撲埋黎，點知....跣左喺地下......
 
我真係好想講一句：「平身！」
 
但係哩d彩都係唔攞好d。
 
於是，我就找左佢條酒數，咩左阿芝走。
 
找數時，我比多左幾舊個bar tender，同佢講左句多謝。但哩個咁cool既人物根本就無出聲。
 
有時不善言語既人，反而更真心。
幾多人把口講到點點點，做出黎完全係另一套。