搵cc遇著女同事....返工又比你屌，放工又比你屌: 第十九章‧雞蛋仔惹的禍(上)
我：「邊...邊個Marcus ar?」我宜家既心情就好似梁潮偉做卧底，無啦啦比傻強一句隊埋去話：「你係差人！」
Alice：「Marcus Ma!」
去到哩個地步，就算掙扎無謂都要掙扎！
我拎一拎個頭同隔離果舊空氣講：「喂Marcus , 有人搵你丫。」
之後就側側肩喺佢身邊行過諗住走左去。
點知，當我差不多完全經過佢身邊既時候...有一股陰風直襲我的左手！
一瞄之下，嚇然發現這不是江門失傳已久的絕學-小飛機手乎？
Oh∼sorry~~~ 應該係小擒拿手先啱。
小擒拿手前果十年八載成日都比d防身術大師當防狼術咁教比人。所以有女仔識唔出奇。
講多少少，可能由於小擒拿手始創人比較短小(矮小)，所以如果使用者既身高比受襲者的身高矮大概半個頭的話，小擒拿人既威力將會發揮到極致。
當然，佢無再進一步既動作(其實搞左咁耐，只係佢捉住左我既手腕。)
Alice：「Marcus, 你好似爭Snowy一d 野喎？」
我：「吓？哦~ 係丫，仲有二百蚊。宜家比？」
Alice即刻發火：「我地既關係真係淨係得錢咋咩？！」
其實我心中真係好想答…「係丫…女俠」。
正當我唔知答咩好既時候，佢o係個袋度攞左一支野出黎…亮兵器？！殺人滅口？
無錯，你地無估錯，估錯既同我去撞牆。
(定叮定叮…) DaDa 西瓜汁！
Alice:「Marcus 爭我一包雞蛋仔...包雞蛋仔呢？」
Emm...係喎，果日應該有包北角雞旦仔ga...已經完全忘記左哩件事。
去到哩度如果我仲用人地個爺爺黎發誓查出包雞旦仔既去向實在太無恥啦。
唔...包雞蛋仔去左邊呢？Anyway...去左邊都唔食得啦。
我：「佢比人捉左。果日有個黑衣人，蒙住面，打暈左我，我醒返就得返個袋啦。我無用...保護唔倒佢...」
正當我聲淚俱下，打算感動佢...放我走既時候…
Alice:「正經d !我唔係同你玩。就算你對我幾衰都好，但我一直信你係一個守信用既人。有買定無買，你答我一句！」
估唔到有時女仔執著起上黎可以好執著。霸氣！哩d 絕對係霸氣！就好似露飛所講，霸黃色果種。
老實講，我真係唔知去左邊...無奈之下，我唯有實話實說：「唔知你信唔信...但我真係有買。」
Alice:「Marcus...你有無呃我？」講講下，佢又開始眼濕濕啦...又開始儲氣啦...黎啦黎啦！
元氣彈…丫唔係…係眼淚先o岩。
不過夠竟元氣彈勁d 定係靚女既眼淚殺傷力大d呢？唔少人有做過研究…不過研究既人都已經唔o係度啦…
Alice:「我真係唔希望你係呃我... 你話比我聽係真既啦，好無？好無？」
見到佢喊到花容失色咁，作為一個男人多多少少都有好色之心...失色的花，如果可以令佢回復嬌容，係幾咁有滿足感的一件事。
我：「唔好喊，唔好喊，我帶你去買過啦，好無？北角好近姐。」
哩一刻我感覺佢就好似一個小朋友扭計話要買糖一樣，拉住爸爸隻手，係咁揈(音：fing)。
我宜家可以做到的，就係攞張紙巾比佢。
正當我伸左隻手入個袋度摷紙巾既時候… 我隻手摸倒一d 軟霖霖既野…
正當我猶疑緊哩一包熟悉又陌生的東東係咩既時候…
Alice 一下轉身由腰後面抱住我，一面哭訴：「點解你地個個男人都係咁嫁？講就天下無敵！樣樣都唔放o係心上面！一個又係咁，第二個又係咁！連你都係咁！點解我成日都遇到d 咁既人呀？！嗚…嗚…」
我：「等等…等等…如果你真係要果包，我可以比你…」
大家都應該記得Alice係一個一喊就會開始講野無限Loop既人…即係普通人…
所以佢依舊係聽唔倒我講野…
唉…一次一次又一次，重重覆覆都係果幾句說話。(我就咁Copy 我怕比人打…我又未有九把刀咁無恥，可以七句說話霸氣地Close一版，所以你地自己心入面repeat啦，反正都唔係重點。)
打破一個micro environment，只有「大大力」咁「班」落去。
我一下拎轉身，本來想捉住佢個肩頭好似阿芝咁敖醒佢…
但我真係好懷疑佢有學過防狼術，仲要練到有自然反應果隻。
我一伸手埋去，佢好似好下意識咁用兩隻手格開我對手，之後一下閃左入黎我懷入面。身材比較矮既佢，一下正面咁攬住我…繼續喊。
雖然有心算無心，但我都覺得真係好驚訝… 我都叫做食過下夜粥，不過學既唔係佢哩一類咁柔既拳法。
(擒拿手、詠春、太極等都屬於柔拳，以巧制力。)一出手好易傷倒佢，所以我都無特別去反應。
我：「喂喂！女俠，唔好喊住~~喂！！！聽我講！！！o係度！佢o係度！」
哩一鑊到我嗌到好大聲。
跟住我就o係袋入面掏出左一舊軟霖霖，既物體出黎…
其實我唔係特登留的…只係因為阿芝哩幾日o係我屋企…所以我無時間去搞個袋…
Alice呆左一呆，過左三秒左右，佢真係好似細路女咁破涕為笑。又一面喊一面笑…
我真係想講句：小姐骨格精奇，精神力異於常人，如果我無估錯的話，妳應該係……痴線既！
我當然無咁講，媽媽自細就叫我地，唔好同d 傻佬有眼神接觸，如果唔係佢斬埋你ga。
咁我同件豆潤咁上下細個既時候就問媽媽：「咁如果比佢望倒我望佢咁點算丫？」
阿媽就話：「咁就唔好刺激佢啦！」
無錯，去到哩個「貓文」我真係唔敢刺激佢囉！
不過客觀一句…佢真係好靚…有一個好叻既本地作家葉朗程講過，每個人一生中都會出現一個傾國傾城既女仔。
果位大佬將「傾城」哩個名按左比果個女仔。
如果我既一生都會有一個機會可以叫一個女仔「傾城」的話，我哩個位置暫時留比佢先。或者，哩一刻，佢就我既「傾城」。
(原文：http://thehousenews.cloudhosting.com.hk/personal/%E5%82%BE%E5%9F%8E/)
Alice: 「你真係有買喎~~ 抵錫。」佢趌高腳尖，輕輕咁o係我塊臉度留低左一陣淡淡既潤唇膏清香。