說時遲那時快,Alice用雙手揑住包過期雞蛋仔,好似想做一件好危險既事,既事…咬一啖。
 
喂!你食死左點算丫?!
 
於是,為左防止哩個悲劇既發生,我好快手咁想搶走包雞蛋仔。
 
點知佢真係快得好緊要,已經一口咬住左果舊唔知應該叫餅定坺(pack)既雞蛋仔一角。當我一抆走既時候,佢已經咬走左好大既一塊。
 
我為左維護傲嬌既香港人既嬌傲──雞蛋仔既安全系數,以免因為有人食左雞蛋仔而食物中毒,令到香港政府有藉口介入並對雞蛋仔發出黑色食用警告。
 


我決定拚了!!!
 
我銀牙一咬,(唔知點解台灣小說d美型系男主角出超絕拚死一搏之前都會銀牙一咬,不過我肯定係靚仔靚女既專利)箭步一弓,彈到早已移開兩步既Alice身邊。千份之一秒間,以食指同姆指攇住佢既雙脥等佢咬唔倒、吞唔倒。
 
我:「食死你呀,吐返出黎啦。」
 
Alice 臉上唔知係因為我攇得太大力定係咩,淡淡咁出現左一抹潮紅。
 
由於比我攇住左雙脥,佢用含糊既語音抗議:「唔制,放手呀,做咩喎你~」
 


我:「個雞蛋仔既酸味我隔咁遠都聞到,乖啦,吐返出黎先。食死你丫。」
 
於是我用另一隻手好快手咁將塊雞蛋仔o係佢個口中夾返出黎。
 
點知佢竟然露出一個甜甜既壞笑。。。
 
我心想:「大鑊!中計!」
 
其實我地宜家哩個姿勢都咪話唔曖昧,起碼比著我見倒人地o係後巷咁做…第一件事一定係掏出我雄壯既…iPhone黎拍片上YouTube
(諗錯既同我去撞牆!)


 
宜家哩個姿勢,就好似一對情人,一個高既男仔想錫一個矮既女仔。用隻手輕輕咁扶住(其實我係攇住)佢紅卜卜既臉脥。
個女仔水汪汪既雙眼好似同個男仔傾訴住「吻我要及時」。
個男仔就回應女主角既眼神,並偷偷望住佢既乳溝。之後兩人深情地合埋眼,再相擁相吻。
 
咁老尷既情況之下,於是我拿拿臨收手、彈開,一氣呵成。
 
但個天又點會咁易放過我丫,主角黎ga ma。當我退後既時候,唔知係kick倒佢隻腳定咩,我一下子失去左平衝。連帶地拉埋Alice一齊跌左落地下。當然係我墊底啦…

diu la ma…
我地無好似無線劇咁樣嘴對嘴錫埋一齊…
邊有人咁柒ga…
如果無記有人話佢發生過,話我知,我真係甘拜下風。
人跌低時自然反應就係保護對眼…
見到就黎撞野點都會擰開個臉?…柒頭!


 
我:「好痛…喂,你無事嘛…」
 
點知…我睜開雙眼既時候…我見到一個極度可愛既境象…或者…之後發生既事…
哩一幕係其中一個主因…太太太太太可愛啦。
 
佢好似個小妹妹咁,雙手手睜放左o係我胸前,兩隻可愛既小手掌托住紅紅既臉脥,微微側頭咁甜甜笑住咁望住我…太殺食啦…可唔可以可愛少一陣?
 

 
此刻既Alice媚眼之絲、一笑傾城。帶住一對水汪汪既大眼睛,一絲絲幸福的微笑中帶半分狡滑地說道:「做咩丫~你關心我丫?Mar~cus~」
 
「這一刻,我知道,註定難避過一劫~」
 
我:「小妹妹,你知唔知男人身體裡面都住左一隻禽獸,你咁玩好易玩出火嫁…」


 
Alice:「嘻~係咩?咁宜家哩隻禽獸想做d 咩丫?~食左我?」
 
仆你個街…真係仆你個街…我就黎癲啦!!!
如果哩一刻,我地o係一個比較私人少少既空間…
恐怕慘劇已經發生左…
小馬發起癲上黎連我都驚丫!
 
小馬絕對係扯住左一支龍獅旗!!而我地腹部相貼,佢無可能感覺唔倒…囉…
 
Alice:「嘻嘻~你塊面咁紅既?~講笑咋~錫錫我就放過你啦,Mar~cus~。」講完,
佢用佢可愛既手指輕輕咁刮左我個鼻尖一下。慢慢合埋雙眼,輕輕嘟起粉紅色的小嘴,等待我吻上去。
 
我就黎爆炸啦!!!
 


A:錫落去(0分)
B:唔錫落去(0分)
C:想錫又唔錫,最後都錫左落去(-5分)
D:以上皆做,重覆三次( -10分)
 
會考三十分既高登仔,你地會點選?
 
我選左E,因為我唔係一個唔會甘心答人地預設答案既人。
 
要錫,我都要心甘情願咁錫,唔係比你夾住咁錫。
 
於是,我一下攬住佢條腰。佢即刻睜開雙眼驚左一驚。跟住我企左起身,將佢成個抱起左。
 
Alice:「喂~做咩~喂~放低我。」
 


我:「小妹妹,今日你真係好曳!!比著第個一定打你屁屁!」
 
我作狀打落去,佢好似好驚咁緊閉雙眼、合起咀唇等待我打落去。
 
但預期既手掌並無落o係應有既地方,反而兩隻有手既手掌輕托住後腦,唇上深深一個吻吻住了!
 


這一個吻不知道過了多長,但雙方都無再作進一步既行動,並無伸出舌頭或其他的舉動。
 
比起之前既激吻,這個吻更像兩個小學生般純純既愛。
 
Alice或者比哩個突如其來既吻搞到有d呆。
 
於是我就趁哩個空檔,一個轉身好老瀟就走左去。
 
臨走時,我仲留低左一句:「小妹妹,錫你一啖就當係收返你今日玩我既利息先,下次唔好咁百厭啦。」
 
正當我以為佔返個先手,點到即止咁走左去,嬴左哩一場短暫既交鋒時,這一幕便發生了…
 
Alice 突然從後走過黎,一下拉住我隻手,拔足就跑。
 
Alice:「黎丫,我帶你去一個地方~行啦。」
 
於是,我就傻傻下咁,比一個女仔拉住跑向的士站。
 
哩一刻,我心中響起左一首歌。
 
(大家按一按,聽埋首歌去感受下)
http://www.youtube.com/watch?v=-nhw_KuJFuE
我相信 和你的相識不會是偶遇
就像上天施與 造就兩心相遇 我說你是我公主
時光每處 每夜每清早我也記住
望夜星的相遇 望日出多歡愉 送上我永遠的關注

原來只要共你活一天 凡塵裡一切可以別掛念
原來海角天際亦會變 原來生過死過深愛亦無變
原來只要共你活一天 完全去把你所有都發現
原來只要相信便看見 原來給你真愛的我是無悔 是每一天

如果天意 要俗世消失這個故事

就讓大海失意 陸地傷心飄移 放棄每日再開始
如果世界 會尚有真心真意故事
就在我目光內 滴下淚的當兒 告訴你你看到一次

原來只要共你活一天 凡塵裡一切可以別掛念
原來海角天際亦會變 原來生過死過深愛亦無變
原來只要共你活一天 完全去把你所有都發現
原來只要相信便看見 原來給你真愛的我是無悔 是每一天
 
已有 0 人追稿