邊個係Hana?
 
佢係我地班上一個女同學,又或者換個講法:我暗戀咗兩年嘅女仔。
 
聽聞佢爸爸係日本人,所以佢一生出嚟就叫Hana,而非特登改個懶係日系嘅名;其他人通常叫佢Hana,但我鍾意叫佢漢字名:珀奈,俾我一種與別不同嘅感覺,就好似…全校只有我會叫佢中文名一樣。
 
雖然咁講好膚淺,但無論係外貌抑或身材,珀奈都係校內數一數二嘅級數,大約160cm嘅身高襯托住玲瓏有緻嘅身段;不過我最鍾意佢有一把娃娃音,唔好誤會,唔係聽落就想兜巴昇落去嗰種;而係一聽就快要溶化嗰種。
 
順帶一提,最近我覺得珀奈對我有啲意思。
 




唔係我鳩噏,有事實根據架。
 
事源係唔知幾時開始,我同佢幾乎每日都會搭同一班巴士返學,而坐嘅位幾乎每一日都一樣,佢坐上層第二排;我坐上層第三排(即係佢後面)。
 
佢朝早會喺巴士瞓教,呢個時候我就會把握僅有嘅車程去偷望佢嘅睡姿,天氣凍嗰陣,我會幫佢較細啲個冷氣。
 
雖然我地最近零交流,但我覺得佢留意到我。
 
因為喺暑假嘅某一日,佢ig放左張影住巴士空位嘅相,重點係相下面句caption寫住「想念你」。
 




所以,係咪有機先?
 
唔扯太遠,我見到珀奈都會去之後,即刻覆咗張廷宇一個字:
 
去!!!!!
 
幾秒後,佢覆我:
 
嗱嗱聲嚟,遲到嘅你埋單。
 




於是我即刻鳩衝去同小悠講:「小悠!我有啲好緊要嘅野要做,你返屋企等我…唔係喎你冇屋企喎。」
 
我求其塞咗五舊水俾佢:「你去食吓野又好買吓野又好,今晚十點鐘喺返呢度等我!」 
 
講完之後我即刻截咗架的士上車。
 
「阿帆!」小悠拎住我嗰五舊水,表情有啲無助。
 
我隔住車窗同佢揮揮手,無事嘅…今晚十點鐘,我一定會準時返嚟。
已有 0 人追稿