《我追咗一個女仔好耐，最後...》: 第十一章

我悶，要人陪
你被拋棄，需要關心
很合襯

我相約好思思各自休息後一起過聖誕，尼加拉瀑布車程不遠，我小時候就想去一次，奈何這幾年的聖誕都自己一個，沒什麼動力。長話短說，小睡之後我帶了點食物到思思房間。

「嚟咗啦。」她沒精打采地說。

「係呀，我仲買咗donut 同咖啡，啱唔啱？」



「我無乜胃口，不過多謝你先，俾返錢你？」

「吓，唔好咁客氣啦搞到我好唔自在，同埋妳食少少嘢先好唔好，我覺得飲完酒一定要食啲嘢。」

「好啦。」她拿紙巾包住一個焦糖甜甜圈，像倉鼠一樣小口小口啃，一口氣吃清光。

「我哋等陣不如去Niagara Falls咯？我未去過。」

「哦我無所謂，反正我又無人約又無嘢做。」



「咁而家出發啦，好少時間咋！」我聽到她沒有拒絕我，立即變得似是腎上腺數飆升的狀態，異常亢奮。

「哦...我去換件衫先。」

坐車路上，我們沒太多話說。我這種人太木獨，思思又失戀，兩個人自顧著看手機。我強逼自己找點話說。出於好意，我希望思思能從失戀中好起來，對今天盤算了計劃。

「係呢思思，我哋識咗幾個月都淨係講功課，我好似唔係好了解妳添，不如我問吓妳嘢吖。」

「好呀。」



—————————————
袁生努力去找話題，分散我注意力，幹着他不擅長的事。往日談論功課時我們只會專注於工作，未曾閒聊過。可是我處於低潮時期，還未真正接受到分手這個事實。

「我連妳全名叫咩都未知呀，真係唔知點解，哈哈。」

「姚亦思。」

之後他問我一些關於我的問題，又講了點自己小時候的糗事去惹我笑，說著說著便到達了目的地。

今天又是一個雪天，我喜愛有雪襯托的浪漫，同時討厭失落時雪給我的痛苦，很刺骨。

「今次呢我係第一次嚟咋，好彩有妳陪我，妳知啦一個人好悶㗎嘛。」袁生表現得像個來旅遊的外地人。

原來他害怕自己一個人，也正常吧，我記得第一次來的時候都只自己一個。兆然一直都想親眼目睹瀑布的美景，叫我必須要替他去，初到景點，我被由瀑布形成的彩虹吸引。雪天下的瀑布雖然沒有彩虹，但也毫不遜色，要是跟我來的是兆然就好了。



「思思，我一定會儲好多錢飛過嚟同妳一齊睇！」
「思思，妳讀完書返嚟之後不如我哋訂婚吖～」
「思思，我一定會等妳。」

兆然對我下過的承諾，在我腦中築起一個城堡，為我抵禦相思之苦，化作動力。

為什麼要分手...

「我睇夠啦。」袁生一句說話停止我的回憶。

「咁快，你唔想留喺度耐啲咩？」我問。

「其實一眼睇晒啦，美景會留喺個腦入面，得閒攞出嚟回憶下咪夠囉，唔需要成日諗住㗎。」他聳了聳肩，直接離去。

我來不及思考他話中暗語，只能跟上已經在小鎮上遊走的袁生。