《我追咗一個女仔好耐，最後...》: 第二十九章

「冇啊！冇啊！我由頭到尾鍾意過妳咋！」Eddie大叫。

我放下了牽著他的手，心中忐忑不安。在這個時候向我表白，絕不是一個好時機，得知他從來沒拍過拖後我不僅沒有感到慶幸，反而更是令我擔憂。

現在我看著Eddie，不知如何反應。
「Christy妳聽我講，可能一直以嚟妳都覺得我好受歡迎，講嘢風趣幽默好得人鍾意，一定成日追女仔。其實唔係㗎，我冇對佢哋仼何一個人動過心。我嘅爸爸媽媽喺我細個嘅時候就離咗婚，將我扔去孤兒院。所以我已經失去咗親情，我唔連愛情都冇埋。我同自己講過要搵一個好愛嘅女仔，廝守終身。」

「雖然我哋認識嘅時間唔係好長，亦都冇咩深刻經歷。但係我哋唔係每日都一齊上堂食飯，一齊玩咩？過得好平淡，但係呢半年係我最幸福嘅時間。」
他捉住我雙手，放在他心臟上。



「妳feel唔feel到啊，我個心而家跳得好快。由第一眼見到妳開始就已經好鍾意好鍾意妳，半年嚟嘅相處唔通妳對我一啲感覺都冇咩？」他一臉誠懇地說。

「做我女朋友，好唔好？」
.......
我早已被他打動，滿臉淚水。
「我唔知啊！」我甩開雙手。

「唔通妳...對我冇感覺咩...」

「有！我都一樣超級鍾意你，成日都諗你會有啲咩表示，但係你知唔知我同時都好怕分手。好似我個Ex咁以前都好鍚我㗎！最後咪又係俾我發現佢出軌！我已經冇辦法百分百信任一個人啦！我哋而家唔係幾好咩...」



Eddie聽到我真心說話後，只是笑了笑，然後一把抱住我，力量大得我怎麼也掙不開。

「終於聽到妳講真話啦。」他笑一笑。

「衰人，放開我呀...」我口不對心。

「其實我哋而家當然好好，但係我貪心少少，想有個對我好好嘅女朋友，就下我得唔得？」他在我耳邊輕聲細語。

我想一再拒絕時，內心的愛意早已按捺不住，放空身體享受擁抱，算是默認了Eddie女朋友的身份。



「我咩家務都唔識，煮嘢仲好難食，你介唔介意㗎...」我問。

「我要嘅係一個女朋友，唔係一個家務助理。」

「但係我仲有好多缺點㗎，又易呷醋啦又會唔講道理...」

「我耐性好，脾氣好，絕對唔怕妳。」

「你真係咁想我做你女朋友咩...」

「Christy妳錯晒啦，係我想做妳男朋友。」
我被他的甜言蜜語哄笑，不再執著於會否分手這個問題，重要的是給予他時間證明自己。

「Eddie～」我嬌聲呼喚他。


「做咩啊～」
「我愛你。」說完我就捧著他側臉，深深一吻。

「唔...唔...！」親吻了許久後他主動放開。

「做咩呀。」我再靠上前索吻時，他卻及時用兩隻手指封住我雙唇。

「哎呀！妳就咁奪走咗我初吻，點算呀！」他笑著大叫。

「喂呀！你男人老狗怕咩喎，我都未怕羞！」我用力拍打他胸口。

「咁我而家唔怕羞啦，快啲錫多啖先。」這次到我避開他，轉身跑到別處，直接掀起一陣追逐。不料Eddie這個運動能力片刻就把我捉回來，又再次將我抱在懷裏。

「我都愛妳。」他說。



「點證明啊，你又成日蝦我又有咁多女仔埋身。」我扁嘴道。

「係！我蔣日新發誓，絕對唔會再蝦妳！李芊月！見到有女仔想媾我就即刻扮gay產，趕走佢哋！」

「哈哈！咁又唔洗，信住你先啦，話時話我哋今日正式拍拖去邊到好呢～」

「夜晚啦，妳仲想有咩地方去啊。」

「咁我又唔知喎，不如你幫我諗吓啦，我想黐住你呀。」

Eddie思索了一會兒後，突然靈機一動。
「就去妳屋企啦！」