《我追咗一個女仔好耐，最後...》: 第三十章

「去我屋企？」我問。

「係呀，妳屋企人應該唔介意妳拍拖啫，介意我都照去㗎啦。」他現在是自信滿滿，未完全征服我就先要奉承我家人。

「咁...好啦。」這種進取倒也不討厭，反而令我甜絲絲。

於是我打電話通知父母有朋友陪我回家後，Eddie非要換一套衣服再去我家，之後再與我會合。

先回到家的我，已經抱著又期待又害怕的心態去面對。媽媽得知我拍拖後應該會欣然接受，把Eddie當作女婿一樣看待。至於我爸爸一直都非常疼愛我，可能會故意為難他，測試誠意。



「阿女終於帶朋友過嚟玩啦？多啲帶過嚟啊嘛。」

「啊...係囉...下次再嚟。」我敷衍回應。

這時候門鐘叮噹一聲響起，媽媽走去開門。

「妳好啊伯母！我係Christy嘅女朋友，今日專程過嚟拜會世伯伯母㗎！呢到小小禮物，請你哋收咗佢！」Eddie竟然身穿整齊傳統西裝過來，而且緊張得把男朋友說成女朋友，真不知他為何要選擇在這個時候見家長...

「哦...係阿女嘅男朋友啊...入嚟先啦。」媽媽似乎還未消化到。



爸爸看到Eddie後只是打了招呼，並沒有多說什麼。四個人坐在餐桌上一言不發，爸爸收起了平日對我稀鬆平常的態度，轉為嚴父模式，直到媽媽率先發話。

「Eddie啊，你哋拍咗拖幾耐啊？冇聽阿女講過嘅？」

「我哋今日先一齊㗎，我應承咗要永遠都咁錫Christy，所以今日過嚟同你哋講。希望你哋可以相信我會俾佢幸福！」他甚至來了個九十度鞠躬，以表真心。

「哈哈，其實你唔洗咁拘謹㗎，後生梗係要拍下拖㗎啦！記得多啲上嚟食飯啦喎，老公你話呢？」媽媽說。

「老婆，我吸收完啦。唉想當初我哋父母反對我哋拍拖不過我哋一樣可以白頭到老，證明只要有信心同堅持就得。雖然將個女咁快交俾第二個男人好唔捨得，不過我俾你哋拍拖啦！爹哋你記得對我個女好啲啊，佢咩都唔識做有世俾我哋寵到大。」我想同我爸爸居然這麼容易認同我們的關係，喜事真是一浪接一浪。



「多謝世伯！」Eddie笑得比以前更開懷，更幸福。

「喂我個女咁正，今日仲好似著曬泳衣喎，你唔好忍唔住要我咁快抱孫呀，哈哈！」爸爸又開始胡言亂語，這一點和Eddie比簡直有過之而無不及。

「唔準亂講嘢呀！」我和媽媽同時說道。

自此，便是我和Eddie相識到相戀的故事。

之後因為Eddie嚮往香港的生活，我們就決定回到香港定居幾年再決定去向。某一次我收到一個宴會的邀請，遇上一個我幾乎忘記的人。

兩年未見的袁哥哥...
我早早和Eddie到達會場，打算參加之後的跳舞比賽。
我心想著可以和愛人共舞，心情特別歡快，和他拍拖一年半時間，Eddie對我的愛就只增不減、事事遷就。

對我父母是愛屋及烏，把他們當作自己父母一樣。



知道我愛煎炸食物，他非旦不會過份阻止，而且會親自煲湯給我，即使他廚藝不佳、笨手笨腳。

我未有心理準備與他交歡，他可以忍，從不怨言，尊重意願。

多虧了Eddie，我不會再對未來有任何懼怯，因為他完全做到表白時的承諾。

「妳今日好靚...」他又讚我。

「乜你成日都讚我靚㗎，唔通我日日都讚你靚仔咩。」

「妳可以㗎～真話怕咩講喎，唔係點媾到妳呀！」

「係啦傻佬，唔好咁大聲啦，全場都聽到啦！」



「嘻嘻，我去個廁所先！」

趁著他上洗手間的空擋，我遇到以前認識的師姐，閒聊了幾句。就是這片刻的時間，我竟然見到袁哥哥。

從遠處看到他穿著禮服，噴上發膠，造型和第一次見面有天嚷之別，看起來成熟穩重。

可是我無面目面對他
回憶開始湧現...