Ada的說話讓Elven感覺到自己的腦內好像有東西被炸開了一樣。 他有想過Ada可能想埋怨他大家相處時間少, Long Distance戀愛很辛苦, 又或是想長遠點討論關於大家將來的打算, 甚至是會不會想告訴他有很多狗公想追求她,但他真的從沒想過會是分手這選項。 也許是大家一起太久, 也許是Ada一直對自己很好, 這一切都讓Elven失去了危機感, 他真的從沒想過Ada會想離開自己, 以至於聽到後的數十秒裏, 他腦海都只能一片空白。 他知道自己錯了, 而且還錯得很離譜…
 
「原因?」Elven略帶口震地說道。
 
Ada:「我其實一直都覺得好辛苦好孤獨, 好多個夜晚當我一個人做功課做到好夜好累, 想搵人陪搵我傾計, 我發覺我係搵唔到你, 你亦無可能係我身邊陪住我。 我知你都好忙, 大家生活都唔同左好多,我唔可以怪你, 事實上我都仲好鍾意你, 但我真係唔想繼續咁落去, 我唔想有男朋友等於無男朋友, 我覺得好辛苦好唔開心。 我掙扎左好耐, 亦都好唔捨得, 但最後我覺得自己真係需要改變現狀…」Ada邊哭邊說著。
時間確實會讓人變得善忘,就連一些最基本應該要留意的事,時間久了也會讓人自動被忽略掉。

 
Elven:「對唔住…我一直唔知你原來有咁大的感受… 係我疏忽, 我衰, 關心你唔夠, 一直忽略你感受… 點解你唔早D同我講, 要到直接下左決定先講呀…」
 
Ada:「我有想同你講, 不過你成日好忙, 到你臨近比賽或者考試我又驚影響到你, 結果就一直無講… 不過你諗真D, 我係咪真係完全無同你講過? 知唔知點解我會張自己Xanga同Email的password比你?」




 
“我好掛住你…”
“趕左幾晚通宵終於做完啦, 你幾時得閒同我傾下計呀~”
“Honey, 我好累好辛苦想放棄喇…”
 
好多當時不為意的message突然浮現在Elven腦海當中。 對, 原來alert一早己經出現, 只是自己習慣了安穩,危機意識太低所以一直沒有為意…
 
Elven:「我會改, 我真係會改, 我以後會好好對你, 唔會再比你孤單一個架! 你信我比多次機會我啦! 求下你,我地經歷左咁多野唔好咁易放棄呀…」Elven很焦急地說道。
 
Ada:「太遲喇… 本身我諗住同你開開心心過埋衣十日, 等返香港之後先再同你講, 不過衣家… 點都好, 我仍然好希望大家可以好好珍惜餘下的日子, 繼續開開心心過埋衣幾日, 留個美好回憶比大家, 好唔好?」




 
Elven:「唔好! 我唔要分開…我唔要呀!」
 
Ada沒有立即回應。 隔了數十秒後, 她還是打破沉默:「我估你都要D時間消化下, 我都要, 我地今晚都係冷靜下先啦…」
 
之後, Elven 和Ada再沒有說過話。 洗過澡後兩個都靜靜躺在床上睡覺。 過了不知多久, Ada睡著了, 但Elven睡不著。 他下床打開了Ada的notebook, login了Ada的Xanga, 然後發現這幾個月, 原來Ada有很多的private posts, 只是自己太久沒有login, 所以一直沒有發覺。
 
“是不是熱情過後總會回歸冷淡?”
“不打擾是我的溫柔”
“誰來愛我”




“真係傾兩句都咁難?”
“疏離未必是最可怕, 習慣了才是”
 
每看一句, Elven都覺得自己的心臟被割了一刀。
 
“點解對我咁好嘅唔係佢”
“他真的緊張我嗎?”
“壞女孩”
 
再看下去, Elven突然發現了近一個月Ada開始有一些自己看不懂的private posts。
 

 「有第二個男仔想追我你會點?」
 
突然間, Elven醒起了之前Ada曾經有日問了他一句。




 
「我咁好, 你點會捨得唔要我~ 我信你唔會鍾意第二個架」Elven那時話自信滿滿地回了一句。
 
Ada:「咁如果我同你講我對佢都有好感呢?」
 
Elven:「傻妹, 有我相信你都會為左我懸崖勒馬將佢扼殺於無形嘅。」
 
 
(白痴! 我到底係邊到黎嘅自信! 點解果陣我咁都留意唔到架… 原來7年真係會令我完全無晒危機意識…)
 
Elven突然明白了甚麼。 其實有幾次, 他都有想過login Ada的xanga 看看, 不過每次拖著拖著最後就不了了之。
 
(如果我對佢真係多D關心, 少D大安旨意, 就唔會去到衣個地步先發現… Ada比左咁大安全感我, 但我又比左D咩佢?)
 
Elven陷入深深的自責。




 
(真係有第二個出現? 到底係邊個?)
 
Elven很想叫醒Ada問清楚, 但話去到嘴邊, 又不忍心叫醒她。 又或是因為一日未確認, 一日Elven還可以欺騙自己, 不用接受這個殘酷的現實。