不久,Susan約了Elven和其他中同吃晚飯打算派帖。其實近幾年自從Susan做了空姐又開始拍拖後,Elven和Susan已很少見面和聯絡,在中同聚會裏,Susan亦很少出現,所以這次Susan主動吹雞,大家反應十分踴躍,基本上從前一起玩開的同學都有出現。
 
「Paul,你昔日女神結婚喇喎,有無咩感受發表下呀? 」Susan未到Elven取笑Paul道。
 
「我想哭但是哭不出來,等到思念像海…. 」Paul作勢一邊哭一邊唱。
 
「扮咩呀,人地衣家同女主播拍拖不知幾幸福,調返轉應該要多謝Susan無睇中佢呀~」另一中同阿Rex插口。
 
「係呀係呀,前排電視先見到佢報導緊咩尖沙咀上空出現怪異的天文現象,勁靚女喎!」中同Jimmy和應。
 




「不要去羨慕 不要去妒忌~ 」Paul又唱。
 
「傾緊咩笑得咁開心呀?」這時Susan到步見大家笑得很開心問道。
 
Rex: 「無呀,講緊Paul要多謝你當日唔接受佢咋嘛~」
 
Susan: 「阿Paul 唔駛客氣架,想多謝我比多D人情得架喇~」
 
整餐晚飯在輕鬆愉快的氣氛進行。散席時因Elven和Susan同路,所以一起走了一段路。
 




「Elven呀,我結婚前講個秘密你知呀~」望了望Elven,Susan突然開口。
 
Elven: 「好呀,請講。」
 
Susan: 「其實中學果陣,我暗戀過你一段好長的時間架,不過果陣你同Ada感情咁好,所以我只可以收係個心入面…」
 
Elven: 「你隱藏得好好呀,我本身真係一直都唔知架,多謝你… 不過咁你都應該好似Paul多謝你咁多謝我喎,唔係你都搵唔到衣家衣個未來老公,跟住我實無幸福架~」
 
Susan: 「咁你又唔好咁講… 我地無緣啫~ 咪住! 本身唔知? 即係之前知道左? 唔怪得你個樣好似一D surprise都無!」
 




Elven: 「係呀…因為之前有人講過我聽囉…」
 
Susan: 「Rachel?」
 
Elven: 「係呀…」
 
Susan: 「死女包! 係喎,咁你地衣家點? 仲有無聯絡?」
 
Elven: 「佢果陣都係想安慰我,唔好怪佢啦~  無呀… 五年前開始都無左聯絡喇…」因為尷尬,那件事後Elven都沒有再和Susan談起Rachel,當然,本身Elven和Susan這幾年的聯絡也少得可憐。
 
Susan: 「係? 我記得幾年前佢同我講過嬲左你,之後我地都無乜特別再講過你lu,就算我間中有提下佢都係無咩特別反應。」
 
「嬲左我? 嬲咩?」Elven略帶驚訝問道。
 
Susan: 「好似話嬲你叫佢同男朋友分手,唔太記得了…」




 
(原來係咁… 睇黎佢真係好鍾意佢男朋友…)
Elven突然明白多了為何之後Rachel那麼決絕。
 
「黎緊你地都有機會見啦!」Susan見Elven在發呆沒有回應後道。
 
「係啦,唔知果日會點呢…」Elven像自己回應自己說道。
 
 
終於,Elven苦等已久的日子終於來到。