那天後,Elven每天仍會關心Rachel和她說說話,不過過了兩天,Rachel突然像消失了一樣並沒有回覆Elven的message,直至又過了兩天,Rachel突然send了一段片給Elven,片中Elven看見自己當晚的惡行,凝望著Rachel很久後偷偷親了她的臉龐…
 
Rachel: 「前日有個hallmate比我…我地唔係講清楚有共識? 點解要咁做呀…」
 
「對唔住…我見到你訓左係我膊頭望下望下一時忍唔住…」無從抵賴,Elven只能坦白認錯。
 
Rachel: 「我以為我地已經講清楚,我以為我地可以一直做好朋友…但衣家知你咁,我唔知點可以同你相處落去呀…」
 
Elven:「係我衰係我唔好控制唔到自己… 我承認我根本無可能放低你,反而仲越黎越鍾意你添…其實衣一年我一直都好辛苦… 見住你同第二個一齊,我個心都好難受,我有諗過離開,但我又好唔捨得,同埋我知衣段時間我嘅支持會幫到你…」
 




Rachel: 「係我諗得太簡單,sorry… 其實明知你鍾意我我係唔應該同你咁熟…係我自私左想留你係身邊…」
 
「係好辛苦,但有時亦都好開心… 我真係好鍾意好鍾意你,同你相處好舒服好開心,係你將崩潰左嘅我拯救返出黎…其實一直我都只係好老土咁諗住默默係你身邊守護住你,如果有一日你同你男朋友散左,我先會再諗其他…. 但要做到咁偉大真係好難…有時見你男朋友對你唔好,我真心覺得你deserve 一個更好嘅男朋友,我好肯定自己會比佢更錫你對你更好… 其實…你可唔可以考慮比個機會大家?」去到這地步,Elven決定不再隱瞞,把一直想說的都一口氣說出來。
 
Rachel: 「係我唔好,可能有時會同你呻男朋友D野比左個咁嘅錯覺你… 佢對我其實唔差,只係大家有時難免仲有D爭執啫… 衣兩日我都諗左好耐,一方面我好唔捨得無左你衣個好朋友,但另一方面我都覺得我地唔應該再咁close,我更加唔會想你等我,咁對你好唔公平,亦好似仲比緊假希望你咁, 我唔應該再咁做…」
 
雖然早就能預計到答案,但在確實聽到後Elven還是有種萬念俱灰的感覺,除了離開他不知睝己還能做甚麼。
 
「我明白喇…事實上你比賽完左都應該唔再需要我,或者我都可以功成身退,安心離開啦…」
 




Rachel: 「我估咁對你係最好選擇,我都唔應該再咁自私喇,亦唔想因為我令你唔開心,多謝你一直以黎對我嘅好…」
 
Elven: 「我都好多謝你係我大學最後一年比左個咁難忘嘅回憶我…」
 
Elevn沒想過當日一個為了逃離Ada的決定,會讓他跌入了另一個深淵,事實上這一年他的感覺亦真的不好受,他很不喜歡自己的情緒這樣容易受其他人的影響,終於在今次的失望和打擊下,他毅然下定決心要抽身。
 
之後兩個星期,Elven和Rachel再沒任何聯絡,但Elven過得並不好,明明很掛念Rachel,但他知道自己不能再找她,他像從前一樣失去了靈魂和動力。冷靜過後,他很後悔...
 
(衣家嘅痛苦仲遠遠超過知佢同男朋友一齊果種痛苦… 點解我又會咁沉唔住氣架,真係完全唔識吸收教訓… 難得搵到一個同自己咁夾咁鍾恴嘅女仔,點解要咁快放棄? 或者有日自己會感動到佢? 又或者有日佢地真係會散? 係辛苦,但如果有日真係等到佢,一切都係值得,而且我會更珍惜佢的一切… 當然如果佢地最後真係去到結婚果步我會更加傷心,但唔博我又點知結果? 留係佢身邊我仲就有機會,但衣家咁斷絕左來往,我就一定無機會… 而且本身我唔係都係諗住係佢身邊守護佢架咩? )
 




這些想法不斷在Elven腦海中徘徊,亦讓他陷入無盡的後悔中,想找回Rachel繼續做她的好朋友。不過當他告訴Racehl自己會好好控制自己,想和她像早前一樣保持好朋友關係時,Racehl卻覺得他覺得他應該放低自己而拒絕了。雖然之後Elven不時還會send message給Rachel,但Racehl 的冷淡或是不回覆也讓Elven慢慢心息了。若對方態度那麼明顯而自己還繼續死纏難打,那麼只會完全催毀這段本來大家尚算還留有美好回憶的關係,Elven不希望這樣,所以慢慢地他亦沒再找Rachel,漸漸習慣了Rachel從他的生活中離開。
 
人總要犯相同的錯誤,三年前他因一時衝動提出了分手結果永遠失去Ada,三年後再次因自己一時衝動而失去了Rachel。
 
流水很清楚 惜花這個責任
真的身份不過送運
這趟旅行若算開心
亦是無負這一生
水點 蒸發變做白雲
花瓣 飄落下游生根
淡淡交會過 各不留下印
但是經歷過 最溫柔共震

 
如是者就這樣過了五年,也許是因為得不到,所以成為了最美好,這五年裏Elven也試過和幾個女孩子交往,但感覺總是不能投入,最後分手收場,因為每次Elven總會拿她們和Rachel比較,然後發覺自己最愛的始終只有Rachel。五年來,就算和另一個在一起,他還是會想她,掛念她,懷念著大家從前美好的回憶… 初時,Elven以為自己可以放低,可以忘記,但原來有D人真係會一世都忘記唔到… 理性上,Elven知道這可能只是自己美化了Rachel的一切,而五年的轉變,Rachel亦很可能已經改變,不再是他熟悉的Rachel… 但他就是走不出來,控制不了自己的思念。為了悼念這段回憶,他把自己和Rachel的故事寫成了一篇短篇小說,然後把每個難忘的畫面畫了出來成為了插圖,他把這本自製的故事書放進一個特別的盒子,然後封存到床下的抽櫃裏。
 




想到這裏,Elven亦從回憶回到現在。 五年,他一直希望有一天能再見到她,而今天,他知道這一天終於出現了。