幸好還沒send出去,下意識Elven立刻delete了這個message,然後望望四周,問了司機日子,Elven確定了這是他足球隊Champion那晚,他真的回到了過去。
 
(我係咪又發緊夢? 莫非我成為左歷史上第一個可以時光倒流的地球人?)
 
「啪!」一聲清脆的掌摑聲加上臉上傳來的刺痛讓Elven明白到這不是夢境。
 
(好痛… 雖然唔知發生咩事,不過既然上天比機會我返黎,我一定要做D野改變過去,唔係我下半世又要係傷心中渡過!) 冷靜過後,Elven默默在想。
 
回到hall,沖完涼後,Elven在床上默默思考自己該怎樣做才能改變未來。經歷過之後6年的痛苦經歷,Elven很清楚自己想要甚麼,他只想要和Rachel在一起,至於甚麼搶不搶人女朋友他已經不再care。愛情從來是自私的,他這樣說服了自己…
 




(首先我要整理好自己已有的資訊,然後先可以制訂好之後的策略
 
1 衣家表白係死硬
2 將來佢地係至少會分一次手
3 佢講過唔鍾意D人對佢太好
4 下年佢會輸波outpool
5 點都唔可以講類似叫佢分手嘅野
 
歸納完衣五點,黎緊大方針都應該係要繼續維持好朋友的關係,最worst case係要等到佢地幾年後散然後就做野,但自己衣幾年點捱呢? 同埋佢地之後又好快一齊返,所以果個就算係一個契機,但衣段時間又要不停幫自己刷分增加好感值先有機會… 頂,攪到好似打機咁… 最難係佢唔鍾意人對佢太好,which is可能係我以前一直犯緊嘅錯,但唔對佢好又點刷分呢? 真係唔知點做好… 唉,保持住大原則再慢慢諗下啦,暫時隨機執生先啦…)
 




想了整晚,Elven大概有點頭緒。不過無可否認,在那次錯誤表白前,是他們最能暢所欲言的日子,這亦是為甚麼Elven那時潛意式衝入了這幕的洞口。那個表白SMS 應該是Elven覺得自己之前對這段關係做得最錯的一件事…而這次因為Elven及時制止了自己,表白事件並沒有發生,亦因此他們能繼續保持完全沒有隔膜和避忌的相處模式,Rachel還是有時會主動約他出街和主動告訴他自己和男朋友發生的事。
 
每日扮途經附近 仍然未勇敢
不斷問重覆地問 為何沒有信心
想去愛 可惜自問 好人難偷心
只可等你的身邊下次換人
 
其實我不貪心 若你有天傷心 你可哭於我衣襟
如果真的可以我替你不開心 願替一世也甘心
與誰熱吻 難預計 與誰在競爭 不要緊





 
 
因為早已有心理準備是長期戰,而且早知道她們之後會經歷關係低潮期,所以Elven心理上承受Rachel和第二個一起的能力比以前強。只是他暫時還是參透不了 “對我太好我唔鍾意” 是甚麼意思,這亦變相讓他不知該以甚麼態度對Rachel好。太暖男不行,但太cool太衰又不見得會成功,而且完全不乎合自己性格,於是他只好向其他女性朋友取經。
 
「Susan呀,想問下你會唔會唔鍾意男仔對自己太好?」Elven第一個向了Susan取經。
 
Susan: 「正常都唔會嘅,邊有人唔鍾意人對自己好架…唔通鍾意人對自己衰咩?」
 
(就係你個best friend話唔鍾意…) Elven心想。
 
「咁有咩因素會令你對個男仔心唔心動?」Elven又問。
 
「做咩突然咁問?」Susan看似略帶心虛問道。
 
「無呀,純粹想了解多D女仔諗咋嘛。」Elven當然不會如實作答。




 
Susan: 「嗯…不過你咁講開,應該話女仔唔會唔鍾意男仔對自己好,但亦唔會話因為男仔對女仔好好就會鍾意佢,有時對女仔太好太就佢,反而可能吸引唔到佢。」
 
Elven: 「莫非真係男人唔壞女人唔愛?」
 
Susan: 「咁又唔係咁… 不過衣個問題真係好難答,個個人唔同,例如有D女仔可能覺得男仔太就自己對自己太好,反而好似無左自己,唔夠man唔夠性格,變左無左吸引力。又或者有D女仔真係犯錢,你對佢太好佢就覺得唔矜貴,唔會珍惜。當然亦有D女仔好簡單,真係你對佢好就感動到佢,所以真係好睇個女仔係咩人…」
 
(咁你的最好朋友係咩人? ) Elven很想這樣直接問Susan,不過知道她們熟,為了避免引起不必要誤會所以他還是忍住了沒有追問。
 
「明白… 多謝你的教導~」Elven只能簡單收尾。
 
不過想起和Rachel熟悉的人,一個名字突然出現在Elven的腦海中。