「Jacky哥,比個機會你報答我呀,有無機會搵日同你同Annie一齊食餐飯? 我有D野想請教下佢。」Elven立刻走到Jacky房問道。
 
Jacky:「應該得掛,不過要問下佢先,咩事呀?」
 
Elven: 「關於女人的思想領域。」
 
Jacky:「…」
 
盡管充滿黑人問號,Jacky還是盡了兄弟的本分,很快便安排了這個dinner meeting。
 




整餐飯,Annie顯得很小鳥依人,總是倚傍在Jacky身邊和他竊竊私語,感覺好像很害怕他們的說話被我這外人聽到。不過Elven還是要進入正題。
 
Elven: 「阿嫂,其實我真係有D問題想問下你架。」
 
Annie: 「咩野?」
 
Elven: 「你覺得Jacky對你好唔好?」
 
突然間Elven感覺到對面產生了一股殺氣。
 




Annie: 「嗯…還可以啦~」
 
Elven: 「咁你會唔會唔鍾意男仔對你太好?」
 
Annie望了一望Jacky然後說: 「咁我又唔知喎… 因為未試過有人對我好好喎…」
 
「咁你覺得你表姐男朋友對佢好唔好?」感受到殺氣強度突然再增強了至少3個level, 所以Elven決定直接進入主題…
 
「嘩,點解咁問先? 」Annie略帶害羞的樣子突然變成了八掛樣子。
 




「無呀,因為間中都會聽到佢講佢地D拗撓野。」感受到殺氣消除,Elven鬆了一口氣答道。
 
Annie: 「嗯… 我都唔太敢講。不過我感覺就一般囉… 唔係話差,但又唔係話好好…」
 
Elven: 「咁佢有無講過你聽佢鍾意佢男朋友D咩或者類似唔鍾意人對佢太好?」
 
「問黎做咩? 你其實係咪鍾意左我表姐啫??」Annie的眼睛已經完全變成了個8字。
 
Elven: 「我都唔知呀… 不過想了解多D真實情況…」
 
「Jacky成日讚你,我信你唔係衰人黎嘅… 坦白講我對Rachel男朋友都無咩特別好感,不過我亦唔會主動幫你做D咩,最多間中提供下D實用資訊比你啦,之後就睇你自己喇…」Annie望了一望Jacky說道。
 
「多謝阿嫂~」看得出Annie很享受”阿嫂”這稱呼,Elven當然不會吝嗇。
 
Annie: 「其實我都唔係話知好多,不過我記得佢有提過Daniel (Rachel男友) 好觸動到佢神經,有時會令佢忟,有時會令佢擔心,有時又會令佢好開心。以前都有試過其他男仔對佢好好,但就感覺好乖好平淡咁,比唔到衣D感覺佢,其實我都唔太明佢講乜…」




 
Elven聽完後陷入了深思,他好像感悟了甚麼,但又不能具體把它捉實…
 
「不過我都好肯定你係佢心目中有一定位置,我未見過佢對另一個男性朋友咁上心可以對佢影響咁大,只不過暫時就我觀察,佢對你仍然只係單純朋友般的友情啦,佢真係好鍾意好著緊佢男朋友。」見Elven沉默Annie又補充道。
 
「嗯…明白,多謝阿嫂~」收到的資訊算是有用,Elven由衷感激Annie。
 
(簡單講,即係衣家唔通電啦,但到底要點做先觸動到佢神經同個心呢? 明顯地唔可以事事就晒佢順佢意,但唔順佢意得黎又要令到佢在意…) 回到hall後Elven繼續思考但始終都得不到一個確實答案,但有一點他可以肯定的,就是他必需作出改變,不過還有幾年時間,他應該可以慢慢摸索。