“嗰陣其實我唔係真係想識晒全班嘅同學而只係單純想認識你,但又唔可以太明顯淨係問人拎你ICQ喎,於是就只好扮晒嘢周圍問人拎晒全班同學嘅ICQ然後再逐個逐個咁問... 好彩問到第8個我就搵到你,之後淨返嗰啲我都無再add lu~ 係囉,唔知點解,由開學嗰日第一眼望見你,我就好有感覺好想認識你,原來一見鍾情真係存在㗎~ 然後隨著同你每晚傾偈,大家認識越嚟越深,哩種感覺就越嚟越強烈。你又知唔知我係幾時知道你對我應該都有啲嘢?”
 
那天,大概是我們開始ICQ後一個月左右的星期六,我們照平常一樣在ICQ聊天,不過在傾了一會後,你說要出外和親戚吃晚飯。
 
Elven:「噢,我要出去喇,今晚要同阿媽嗰邊啲親戚食飯呀。」
 
我:「食得開心啲,byebye~」
 
Elven:「我其實唔想去,想同你繼續傾偈多啲… 我會掛住你㗎~」
 


看到你這message那一刻,我的心有一點甜絲絲的感覺,我能把這理解成你喜歡我的意思嗎? 那個學校的風頭躉竟然會喜歡上我這不顯眼的女生? 我不敢想像…
 
我:「咁等你今晚返嚟繼續傾啦~」
 
Elven:「好呀! 你要等我呀,byebye~」
 
那晚一吃完晚飯我就打開了電腦等你online,誰知一路等,等到零晨一點過了平時自己應該要睡覺的時間都仍然未見到你online。
 
 
(我估佢都係隨口UP唔記得㗎喇,自已唔好咁傻咁認真都係去瞓啦…)那時我在想 。


 
(但佢會唔會真係咁啱有嘢做所以夜咗呢? 如果返到嚟見唔到我佢會唔會失望嬲我? 一係都係等多陣啦…)但好快我又自然幫你辯護起來,然後就又繼續等...
 
幸好等到差不多兩點半的時候,你的名字終於出現。
 
Elven:「你咁夜仲未瞓嘅?」
 
我:「瞓喇,不過見瞓唔著咪開電腦睇下你返嚟未囉…」
 
(為咗等你嗰陣其實我已經超眼瞓,不過見到你嘅message,我又好似突然被叉咗電咁立即有返精神。)


 
Elven:「Sorry 呀… 食完飯我舅父無啦啦話要去唱K,結果全部人都去咗唱,我無得返嚟先,想叫你瞓先唔駛等我但又無辦法通知你喎... 一返到屋企我涼都未沖就即刻開電腦睇下你仲係唔係度喇!」
 
(原來你唔係隨口UP唔記得~)我心裏一喜。
 
我:「唱K咁開心呀? 你快啲去沖涼先啦,等你沖完我先再同你傾多陣啦~」
 
Elven:「好! 好快返,等我~」
 
那晚,我破了那時自己最晚睡的時間記錄,而且我知道自已對你,已經不再是單純同學之間的感覺那樣簡單。
 
“你之前有講過唔會夜過12點瞓,所以當我見到你咁夜都未瞓仲喺度等我,我真係好開心,我相信你對我應該都有一定程度嘅好感~ 然後又過多一個月,我終於忍唔住同你表白。不過依家諗返,嗰陣自己其實都真係幾無誠意,抵你當時拒絕我!”
 
Elven:「Ada,你覺得我份人點呀?」
 


我:「無啦啦做咩咁問?」
 
Elven:「無呀,純粹無聊好奇問下咋~」
 
我:「嗯… 除咗成日寸寸貢咁,其他都無乜嘢呀~」
 
Elven:「我哩啲係自信唔係寸寸貢~ 咁如果我問你可唔可以做我女朋友,你會唔會應承?」
 
我:「唔會呀,我同自己講過未夠18歲我係唔會拍拖㗎,sorry…」
 
那一刻,其實我很高興知道你真的喜歡我,感覺就像發夢一樣,但同一時間,我亦覺得你的表白確實好hea,就這樣答應你我會覺得自己很cheap,而且我沒有說謊真的曾應承過自己和母親在未夠18歲前我是不會拍拖的。
 
Elven:「咁… 你有無少少鍾意我?」
 
我猶豫了一會應該怎樣答你,害羞和矜持讓我覺得應該答沒有,但另一方面我又很害怕這答案會令你不再喜歡我然後很快便喜歡上第二個... 始終那時我真的認為以你的條件你沒有理由會喜歡上當時我這個毫不起眼的女孩,結果自卑和害怕失去戰勝了我的矜持。


 
我:「有呀… 而且應該唔只少少添…」
 
 
“不過聽到你承認唔只少少鍾意我,嗰陣我已經覺得好開心好滿足, 之後我地就保持住哩種互相喜歡的朋友關係一直去到農歷新年,嗰陣你要返大陸探親,亦係我地經歷第一次一星期以上完全沒有聯絡的日子… 不過我應該要感激有哩段日子,唔係我可能真係唔知要等到幾時先可以正式做到你男朋友呢…”
 
那個年代返大陸鄉下其實是一件很悶的事,沒有互聯網,電視節目又沒有看開,每天都只是不停和親戚們談天吹水吃飯、和狗玩耍以及看看四周的風景… 不過不論我公公婆婆還是爺爺嫲嫲全部都是住在鄉下,所以每逢大時大節,我一家人都無可避免需要來到這地方住上一段日子。
 
當然,能看見公公婆婆爺爺嫲嫲我是十分開心,但這一次,一到空閒時間,我的心都會想著一個人,亦會開始胡思亂想,這讓那段時間變得加倍煎熬…
 
終於捱完10日可以回香港,一回到家我立刻打開電腦,然後便看見你 send了不少offline message給我,主要都是告訴我你每天做了些甚麼以及很掛念我想我早點回來之類的說話。我其實亦一樣是超級掛住你,可惜當時的你並不在線上,這讓我感到十分失落…
 
那段時間我經常在想,萬一你等不到我18歲便喜歡上第二個那怎麼辦? 我那時才14歲,還有4年才到18歲,以你那樣受歡迎的程度,我完全說服不了自己你不會被人搶走…
 
我不能這樣失去你,於是我只好放棄對自己的承諾。


 
「你喺邊呀? 我都好掛住你呀,男朋友仔... 」
 
 
那一天,我們終於正式成為了男女朋友。