這天,Rachel和Annie一起去到港大參觀,經過不同科的counter介紹,又遊覽過campus不同的地方,Rachel心裏已下了決定。由於Annie之後約了其他朋友,和她分別後Rachel便自己走到宿舍區的counter看看找不找到Elven。經過C-Hall的showroom,她看見Elven正很認真地向一班學生介紹自己的宿舍。
 
(點解佢衣個認真樣我真係覺得好熟悉好似係邊見過咁嘅?)
 
過了一會Elven介紹完後看見Rachel正在呆望著自己便走了過去。
 
「黎左喇? 行晒未呀?」
 
Rachel:「行晒唔同department d counter喇,又參加左幾個campus tour,係差hall衣邊未行咋。」
 




Elven:「咁感覺如何? 有決定未?」
 
Rachel:「嗯,我決定左會揀HKU Social Science做第一志願呀。」
 
Elven:「咁下年你就係我師妹喇~ 岩喇,咁我同你行下 hall d showroom ,預先同你介紹下,等你第日如果想住hall心入面都可以有d idea 嘛。」
 
「衣間係X-hall,佢地特色係男女會同層。」
 
「衣間係W-hall,佢地專收D成績好好嘅學生,可能岩你呀。」
 




「衣間係J-hall,全部單人房黎架,專係比有錢人住。」
 
「衣間係L-hall,女hall,係我地hall旁邊,所以我地都好努力同佢地傾緊攪多d joint-hall function,始終男女正常社交活動好緊要架嘛。」
 
去到L-Hall 的showroom,Rachel突然有一種很懷念的感覺。
 
Rachel:「我可唔可以去參觀下衣間hall?」
 
Elven:「好呀,橫掂我都要返hall拎d野,直接我同你行過去之後搵人帶你入去望下呀。行兩三個字就到,好近架咋。」
 




之後Elven把Rachel帶到L-Hall樓下,交了給L-hall的helper後就回了自己hall先處理一些事。
 
Elven:「你入去參觀下啦,我攪掂D野係樓下等你,睇下你一陣仲有無地方想行或者有野想知?」
 
Rachel:「好呀,唔該晒你~」
 
過了半小時後,Elven回到L-hall的樓下望著L-hall,等下等下不期然又有一種熟悉的感覺,好像自己曾經不時也在這裏等某個人一樣。發呆期閒,Rachel的聲音在耳邊響起。
 
「唔好意思呀,等左好耐?」
 
Elven:「唔係呀,岩岩到咋我都係。感覺點呀?」(點解衣個場景衣把聲音衣個對話,好似真係曾經發生過咁?)
 
Rachel:「好鍾意呀!如果入到港大我應該會揀住衣間hall~」
 
Elven:「咁我地第日做埋鄰居添喎。」




 
Rachel:「到時真係日日哦你返教會先得!」
 
Elven:「哈哈,我驚到時係到你成日借D椅唔得閒返教會咋~」
 
Rachel:「唔會嘅~」
 
Elven:「睇下點~ 太陽都就落山喇,你仲有無地方想去睇下?」
 
Rachel:「都無喇,衣家試下落西環行個圈睇下就走lu。」
 
Elven:「咁我帶你落去順便話知知邊度搭車啦。」
 
Rachel:「Susan真係無話錯你好好人呀!」
 




Elven:「舉腳之勞啫,過門都係客嘛~」
 
沿途Elven和Rachel不斷閒聊著,很自然像前世一樣又是一個話題緊接著另一個,很快就已經到了巴士站。不過正當Rachel打算打電話回家告訢屋企現在回家的時候,Rachel卻發現自己的電話不見了。
 
「大鑊,我好似唔見左個電話…」
 
Elven:「會唔會有野遮住左咋? 我試下打比你?」
 
Rachel:「好呀,唔該晒,電話係XXXXXXXX」
 
Elven:「通但無人聽喎…」
 
Rachel:「我本身較左震機,但衣家feel唔到有野震,應該真係唔知係邊度跌左…」
 
Elven:「唔緊要,我地沿路上返去,行返你今日行過嘅地方睇下搵唔搵得返?」




 
Rachel:「好…」
 
於是他們由西環原路回hall,再回到campus,但一直都找不回個電話。
 
Elven:「都天黑喇…我地都搵晒hall同campus D人幫手留意,一係我地去食飯先再等下佢地有無消息?」
 
Rachel:「只好咁啦… 唔好意思無啦啦麻煩左你成日。」
 
Elven:「傻啦~ 你用我個電話打返屋企講聲先啦。」
 
Rachel:「唔該晒,你都幾細心喎~」
 
說完Rachel便打回家告訴父母自己晚飯後才回家。然後他們又回到西環找了間西餐廳吃晚飯。Elven見Rachel悶悶不樂沒甚麼心機,於是想了個話題吸引Rachel注意不再擔心自己的手機。
 




「係呢, 你同Daniel識左好耐?」
 
Rachel:「佢係我中一果年開始返我間教會,所以都識左5年喇,做咩無啦啦咁問?」Rachel有點驚訝Elven為何問這問題,於是反問。
 
Elven:「無呀,覺得佢好靚仔所以問下囉~」
 
Rachel:「竟然? 聽聞你係中學都係校草萬人迷黎架喎~」
 
Elven:「你聽Susan亂up啦,我只係一個普通人… 講返Daniel先啦,佢份人點架?果日比我感覺佢係一個幾有自信嘅人。」
 
Rachel:「都係架,佢份人成日好似玩下玩下咁,平時幾funny,但其實又好有個人諗法,而一有事發生佢又會變得好可靠…」一說到Daniel為人,Rachel很自然顯示出自己由衷的讚賞。
 
Elven:「咁佢真係好好喎,好到你讚佢讚到自己塊面都紅晒~」Elven打趣說道。
 
「邊有呀!」Rachel抗議道。
 
Elven:「如果我無估錯,你應該暗戀緊佢,係咪呢~」Elven本想調戲下Rachel,但說完這句後個心卻不知為甚麼突然劇痛了一下,不過他沒有表露出來。
 
「…」Rachel只是紅著臉沒有回應。
 
(好可愛…) 
Elven看見Rachel有趣的表情後第一感覺。
 
Elven:「唔答即係係啦~」
 
「…有咁明顯咩?」不再否認,Rachel認輸答道。
 
Elven:「我直覺準啫~ 不過果日見你地又好似有D唔自然… 佢真係唔知?」
 
Rachel:「唔知啦…而且佢都唔鍾意我…」
 
Elven:「何出此言?」
 
「幾個月前我偷聽到佢同另一個教友講一定唔會鍾意我…」Rahcel簡略地把那日發生的事告訴了Elven。
 
Elven:「嗯… 你有無諗過佢係講大話?」
 
Rachel:「點會呀? 有需要咩? 佢又唔知我果陣係度偷聽緊…」
 
Elven:「有時男人的自尊或者面子,係可以令佢地做好多蠢事… 亦都或者正正因為佢唔知你係度佢先咁講…」
 
「真係?」Rachel突然一臉期待望著Elven。
 
「就我聽你頭先描述嘅情境,我覺得當日佢講大話嘅機會係唔細,而就我當日對佢嘅觀察,我覺得佢唔係對你無感覺,所以你唔駛咁灰住喎,你絕對有機會架~」
 
「希望啦…」Rache聽完想了想又變回半信半疑的狀態。
 
Elven:「對自己咁無信心架你! 而且你對自己無都對我有信心啦! 我了解男仔定你了解男仔多D? 佢望你果種眼神肯定唔只朋友咁簡單!」看見Rachel的變化Elven不自覺提高了自己的聲線。
 
「信喇信喇,唔好咁激動!」Rachel看見Elven突然變得這樣著緊不自覺會心微笑了一下。
 
Elven:「你要明白驚、縮沙對件事係無幫助架,有自信的人先最吸引,所以就算佢真係唔鍾意,你都要覺得係佢自己走寶,而唔係係度自怨自艾,明唔明?」
 
Rachel:「Yes Sir!」
 
(點解衣種被訓話的感覺又咁熟悉嘅…)
 
Elven聽到Rachel的回應後,拿了枱上杯茶喝了口,一臉滿意的樣子。
 
「咁你呢? 聽Susan講你女朋友係英國讀緊書long D緊?」說了那麼多自己的事,Rachel又打起了幫Susan偵察敵情的主意。
 
「係呀,會考後佢就過左英國喇。 」想起Ada,Elven的臉充滿了柔情。
 
Rachel:「Long D 都仲keep到咁恩愛,真係勁呀~」
 
Elven:「因為我地經歷過一d野啫…」
 
正當Rachel想追問的時候,Elven的電話響起。
 
「唔駛擔心啦,L-hall打黎話搵返你個電話喇,我地食完上返去拎啦~」收線後Elven告訴Rachel。
 
「Yeah 唔該晒你呀! 麻煩左你成日,衣餐我請你啦~ 唔係我會唔好意思架…」
 
「咁等你正式成為左我師妹住入L-hall後我請返你食餐好當慶祝啦~」
 
「好~ 到時實大把機會!」