經過I-day後,Rachel和Elven真正成為了好朋友。雖然不頻密,但間中他們都會找對方閒聊一會。Elven很享受和Rachel傾計的時間,他不明白為甚麼每一次交談,自己都會有種像追回部份失去了的東西的感覺,但就是這種感覺,讓他留戀和Rachel的所有交匯,亦因為這樣,他慢慢竟真的每個星期天也會盡量抽空去返教會。
 
另一邊廂,Elven對Rachel來說亦同樣產生了一種獨特的吸引力。和Elven談天,她總會有一種舒服和安心的感覺,而每次和Elven談到一些讓兩人都發笑的內容時,一種強烈懷念的感覺就會在她的心裏油然而生,讓她不知不覺間想更親近對方多一點。
 
當然,這些感覺距離男女間的愛情還有一段不短的距離,但卻足以讓雙方留意到對方對自己而言的獨特之處。不過對於這些轉變,最開心的卻是仍對一切懵然不知的Susan,她仍為看見Elven連續返了兩星期教會而雀躍。
 
「Woo Elven,竟然連續兩星期見到你? 做咩突然咁神心呀?」Susan走過去Elven處問道。
 
Elven:「近排見得閒D咪返多D囉,費事成日比你哦啦…」
 




Susan:「咁你要繼續keep住呀~」
 
「你唔好係咁chur Elven啦,一陣攪到佢驚左你唔返呀~」旁邊的Rachel看見Susan已經笑到唔見左隻眼,講笑寸下Susan,不過暗地她亦為看見Elven已感到高興。
 
Susan:「唔會嘅~ 不過成日淨係教會見都有D悶,不如下星期搵D野攪下?」
 
Rachel:「你想攪D咩?」
 
Susan:「不如一齊去海洋公園? 好耐無去過喇~ Elven你話好唔好?」
 




Elven:「幾時? 要睇下hall有無野要攪…」
 
Susan:「下星期六呢? Rachel你得唔得呀?」
 
「應該ok嘅 …」Rachel其實興趣不大,不過為了幫Susan助攻,只能說ok,不然事後又會比Susan轟炸。
 
Susan:「Yeah~ Elven呢?」
 
Elven:「似乎都ok,再confirm你地? 同埋不如搵埋Daniel?」知道Rachel會去Elven的興趣增加了少許,還打算順勢幫Rachel助攻。
 




「好呀,我一陣問下佢。」Susan有點愕然Elven的提議,然後一邊回應一邊下意識望了一望Rachel,像在詢問”佢係咪知道左D野?” 。Rachel卻只是臉紅了一紅低下頭沒有回應Susan的提問。
 
「你地係咪講緊下星期去海洋公園? 我都想去呀,可唔可以join?」這時一把聲音從她們背後散出。大家轉頭一看,原來是另一教友Peter。
 
Rachel看見後面色沉了一沉,不過大家一場教友,總不能直接拒絕,所以Susan雖然明白Rachel不喜歡還是勉強答應了Peter。當然這些細微的舉動逃不過Elven的法眼。
 
 
「你唔鍾意Peter?」當晚Elven MSN Rachel問道。
 
「唔係唔鍾意… 不過近排feel到佢對我似乎有其他意思而我又對佢無其他意思啫…」
 
「明白。咁Daniel知唔知?」醒目的Elven立刻明白是甚麼一回事。
 
「我相信全教會嘅人都睇得出…」
 




「唉,又係自尊… 放心,下星期六我會搵機會助攻比你地架喇!」
 
「喂! 求下你唔好亂黎呀…」
 
「放心,我有分數架喇!」
 
到了下星期六,Rachel、Daniel、Susan、Peter和Elven相約在金鐘一起坐巴士到海洋公園。
 
上巴士時,Elven知道Susan正路會和Rachel一起坐,便預先以有野想同Susan傾捉了Susan和自己坐。然後順序是Rachel,Daniel,Peter上車。Elven選擇這策略是因為看見Peter在最後上車就算自己一個坐也是順理成章不會覺得自己比人孤立,誰知在Rachel坐下後Daniel竟然直接bypass Rachel坐了她後面,然後Peter立刻兩眼發光直飛到Rachel旁邊的座位上,Elven看見後差點被激至吐血…
 
(唔通我真係估錯,Daniel唔鍾意Rachel? 無理由,佢咁做其實正正係欲蓋彌彰…)
 
看見Rachel一臉委屈,Elven只好立刻SMS Rachel say sorry,然後暗地裏罵了Daniel千百次…
 
不過Elven也沒太多時間再罵Daniel,因為Susan在他旁邊一臉興奮以為Elven想借故親近自己,不斷向Elven問東問西讓Elven差點招架不住,同一時間Rachel亦受到Peter同樣的對待…結果Elven一個善意舉動讓整程車兩人歡喜兩人憂愁一人唔知諗乜的情況下渡過…




 
幸好艱苦的時間總會過去,下車後Rachel立即捉著Susan傾計避開Peter,而Elven亦決定改變策略主動和Daniel Peter接觸看看這兩個男人的腦袋到底是裝著甚麼。
 
 
「你見唔見到呀? 佢頭先主動叫我同佢坐呀~」Susan捉著Rachel的手和她說。
 
「見到… 不過你記住之前我同你講過,唔好比自己沉船呀。」看見Susan仍興奮得在手舞足蹈的樣子,Rachel不忍心告訴她事實的真相,只能作出一些善意的提醒,不過明顯Susan完全沒有聽入耳。
 
 
「兩位兄台,見過幾次面都未有機會深入認識下你地,你地平時通常有咩嗜好?」另一邊Elven亦主動認識下Daniel和Peter。
 
Daniel:「我好hea架咋,通常平時都係踢下波睇下波同打下機咁。」
 
Peter:「我就比較靜態D,平時都係睇下書聽下音樂咁。」
 




一聽之下,Elven就知道Daniel和自己比較投緣,於是開始和他討論波經和近期流行的一些電玩,不過間中亦會主動和Peter搭一兩句訕以免他被冷落。
 
Daniel和Elven本身就是善於制造氣氛的人,所以整個行程還是在良好氣氛下進行,他們參觀了很多動物館和海洋館,然後又搭了纜車和看了海洋劇場。之後終於來到瘋狂過山車下,這次Elven一開始不敢再自作主張邀請Susan以免又害了Rachel,誰知Peter自己卻首先棄權。
 
「我玩衣D過山車會嘔架… 我係出口等你地啦。」
 
看見隱患解決Elven正打算開聲的時候,誰知Susan已先他一步
 
「Elven我同你坐呀,Daniel你幫我照顧Rachel喇~」說完便主動拉起了自己的手向前走留下了Rachel 和Daniel。
 
「你個best friend真係好積極主動溝仔喎…」Danie向Rachel苦笑了一下說。
 
「我都無眼睇… 典型有異性無人性咪衣D…」Rachel還以一個白眼。
 
繫好安全帶正在等開車途中,Rachel突然醒起Elven之前鼓勵自己主動一點,於是她主動問Daniel




 
「其實點解頭先巴士你要自己坐後面? 你明知我對Peter無意思唔想同佢坐…」
 
「咁我驚佢自己一個坐悶嘛,我又唔介意自己一個坐,同埋大家一場教友,你地傾多D可能你對佢無咁反感呢…」Daniel把臉轉向另一面解釋道。
 
「哦…」聽不出Daniel的言不由衷,Rachel覺得自己的心受到傷害。
 
幸好這時過山車開始開動,打破了這怪異的氣氛。
 
落了過山車後,Susan還是處於完全hyper的狀態,Elven望著她也只能搖頭苦笑,不過他一直都知道Susan就是這樣一個真性情的人。但當他向後望向Rachel和Daniel的時候,卻立即察覺了氣氛的異常。雖然不知發生了甚麼事,不過避免他們的尷尬持續,Elven還是貼心地走到Daniel旁和他說話並慢慢把他從Rachel身旁帶走,Susan 看見Rachel自己一個亦自動走了過去和她說話。