由於比賽時間是晚上,所以Elven和Rachel把握最後時間在下午再夾了數次後便一起提早吃下午茶當晚飯。
 
「估唔到我地竟然有一日會一齊上台唱歌...」Rachel一邊咬著半件公司三文治一邊概嘆著。
 
「世事就係永遠都咁難預料架喇... 話時話, 你有無同Daniel備定案呀? 」Elven多樣咬著半件西多士回應。
 
Rachel:「無呀... 淨係講話被逼參加歌唱比賽,之後都唔記得左update換左你做partner 。」
 
Elven:「咁佢遲D知道會唔會唔開心架? 我唔想下次返教會比人打喎...」
 




「你仲好講,好似都幾個月無返過啦你!」Rachel乘機質問Elven。
 
「忙嘛...」Elven繼續用慣常原因。
 
Rachel:「佢地都有問起你點解消失左,應承左同佢地踢波又唔見人喎...」
 
Elven:「咁你得閒幫我同佢地解釋啦...」
 
Rachel:「唔得喎,要解梗係你自己解~」
 




 
 吃完下午茶後他們各自回hall休息了一回便一同去到campus的比賽場地。
 
「嘩... 比想像多好多觀眾喎...」望著坐滿了的觀眾席,Rachel不期然有點緊張。
 
「係喎... 唔緊要,比左個人先到合唱,無咁快到我地嘅,欣賞下人地表演先啦~」Elven安慰道。
 
不得不說,大學是匯集了好多高手的地方,除了一兩個被逼參賽的實力較弱,其他報得獨唱的選手對自己都有一定信心,所以絕對是一個高水平的比賽,不過這卻更增添了Rachel的壓力。
 
轉眼間,獨唱部份唱完後便到合唱,Rachel和Elven被編在第三組出場。




 
「唔得呀... 我好緊張呀...」再望著座無虛席的觀眾,Rachel越來越緊張甚至生出直接棄權逃走的念頭。
 
「唔駛緊張,你試下跟住我深呼吸。吸氣…呼氣…」Elven嘗試舒緩Rachel緊張的情緒。
 
Rachel跟著做但明顯效果不大。
 
就快出場,Elven別無他法下嘗試拖著了Rachel的手。
 
「唔駛緊張呀,拖住我,記唔記得我地講過要死都係一齊死? 我地生死都經歷過啦,唔驚喎,有我陪你嘛~ 如果一陣你驚望住觀眾,咁你就一直望住我我都會望住你,反正我地唱情歌d人都會以為我地互望係專登製造效架果啫,所以唔驚架。」
 
「嗯...」感受到Elven手心的溫度和眼神裏流露的溫柔,Rachel潛潛停止了顫抖,好像真的再沒有那麼緊張。
 
接著Elven便拖著Rachel從後台走到台前,一起90度躹躬後Rachel坐到琴前,而Elven則拿著結他站立在她旁邊。
 




隨著掌聲響起,Rachel和Elven一直互相對望,Rachel示意預備好後Elven便首先唱
 
Elven:
我也數過 排著隊等討好你有幾個
還未有新空缺 來容納我
正選只得一個 後選經已太多

 
Rachel:
我細心想過 停在今天這一處也不錯
越過知己的親密 然而未有擁吻過
共你這麼的曖昧 已得到甚多

 
Elven:
無論你喜歡誰 請你記住留下給我這位置
時常在內心一隅 空出幾吋為我堅持




同渡半生 亦有張椅子
是否愛還是其次
只想你依然 亦想得起我不是 任你處置

 
Rachel:
女友一走過 鄰坐空位都可以坐一坐
若你珍惜我 不如從來沒有愛戀過
互有好感的尊重 更加可貴麼
 
無論你喜歡誰 請你記住留下給我這位置
時常在內心一隅 空出幾吋為我堅持
同渡半生 亦有張椅子
是否愛還是其次
比不上戀人 但廝守一輩子

 




Rachel和Elven
無論你喜歡誰 請你繼續留下身邊這個位置
時常在內心一隅 剩低幾吋 留給這女子
誰共你好 都不礙事 我都會 衷心支持
未必所有關係 亦受得起刺激 但我可以
 
虔誠地 熱戀一輩子
共你也許 真的不容易
喜歡你 最好不要講 安守這位置

 

整首歌,Rachel和Elven也沒有望過觀眾席,雙方都越唱越投入,望向對方的眼神亦不自覺間越來越帶有一種深情,彷佛這不再是一個比賽而只是他們單純想把唱給對方聽。
 
隨著Rachel彈完最後一個音符,整個hall陷入了幾秒的寂靜,然後突然爆出大量的掌聲,歡呼聲和口哨聲。這時二人才如夢初醒,Elven伸手拖著Rachel站起來後對觀眾再次躹躬便一起走回後台。
 




回到後台,雙方都好像不想鬆手,不過還是Elven首先清醒巧妙放開了手笑笑口和Rachel說
 
「都話唔駛緊張架啦,你睇觀眾反應就知我地唱得唔錯啦~」
 
「係喇係喇,至勁係你喇!」Rachel還是帶有點面紅。
 
Elven:「咁我地出返去睇下其他參賽者比演啦。」
 
Rachel和Elven後面還有10隊選手,不過感覺之後觀眾的反應都不及他們表演後高漲。全部選手出場後很快便來到頒獎的時間。
 
「你估我地有無機會拎三甲?」Elven無聊問道。
 
Rachel:「唔知呀,不過好快就知啦」
 
Elven:「咁如果我幫到你拎獎你諗住點報答我?」
 
「咁算幫咩我呀? 我都係被逼參賽咋!」Rachel沒有落疊。
 
「但我唔係被逼喎...你諗下唔係我幫你你衣家都唔知同邊個唱呀!」Elven繼續lur。
 
「好囉...咁你想我點報答你呀?」Rachel屈服。
 
Elven:「暫時未諗到...諗到再話你聽啦~」
 
「車...」
 
 
這時頒奬已頒到合唱組。
 
「第一屆Interhall Singing Competition 合唱組嘅冠軍裁判一致裁定係L-hall的Rachel Chan同埋C-hall的Elven Wong~ 有請佢地上台領獎!」
 
「我地真係贏左?」這時Rachel有點不太相信,用手掩著自己的嘴巴說道。
 
「係呀,所以你差我一份大禮呀~」Elven說完便拉起Rachel的手帶她到台上領獎,直至上台一刻才鬆開了手。
 
「恭喜兩位~」司儀見二人從頒獎嘉賓手上接過獎盃後說道。
 
「不過我估在座好多觀眾睇完你地岩岩咁深情的演出都想知其實你地係咪情侶?」拍完照後司儀又續問。
 
「唔係呀,我地係好朋友黎架咋。」Elven見Rachel臉都紅晒便主動答道。
 
「原來係好朋友! 咁最佳位置又真係幾適合好朋友唱嘅~ 再次恭喜兩位!」司儀調笑道。
 
司儀的笑話讓Elven也感到有點尷尬,幸好很快二人便落回台下。
 
「估唔到真係咁都拎到冠軍... 嗱,好好保管個獎座啦,辛苦你喇~」Elven把獎座遞給Rachel。
 
Rachel:「你唔要?」
 
Elven:「咁本身比賽係你,我代阿傑幫你咋嘛,而且我要你差我個人情得架喇~」
 
Rachel:「咁但係你都真係有份架嘛,一係每人keep一個月?」
 
Elven:「唔駛啦,你幫我keep住先啦」
 
「咁好啦~」Rachel望著獎座笑笑口答道。
 
「想返hall定去食個宵夜慶祝?」Elven問。
 
「咁難得梗係要去慶祝下啦~」Rachel舉腳贊成。
 

 
吃完宵回到hall後,不少hallmates看見Elven都讚他唱得好,有些亦八掛下合唱那女仔和他是甚麼關係。不過其中一個hallmate卻讓Elven有點意外。
 
「咦,阿傑你返左黎?病好喇?」
 
「未好晒呀,不過見好返D咪返黎捧下場順便同你講聲唔好意思要你頂我囉…」阿傑有點不好意思。
 
「病都無計啦...係屋企好好休息下嘛,之後請我食餐飯咪得囉~」Elven一臉認真地說笑。
 
傑:「無問題…不過隊長你好勁喎,得返三日仲要轉左歌都唱得咁好!」
 
「轉左歌? 你地本身唔係唱衣首?」Elven驚訝問道。
 
傑:「唔係呀,本身我地係唱”好心好報”架。」
 
「哦?」
 
(個o靚妹做咩要講大話突然轉左歌呢?)
 
“好心好報”換成”最佳位置”,Elven其實大概猜想到Rachel的想法,不過他沒有和Rachel深究,只是裝作不知道,因為正如歌詞所講
 
”最好不要講 安守這位置”
 
也許現在這樣也不錯吧…
 

只不過其他相關人仕又是不是也這樣想呢?