「做咩溝我hall d freshman呀?」回到hall不久見Rachel MSN 上線Elven便問道。
 
「講得咁難聽呀... 你估我想搵你hall 個阿傑咩...」看來Rachel心情亦不算太好。
 
「咁係咩事?」這讓Elven來了興趣。
 
「你唔知咩?今年唔知邊個發起攪左個Interhall Singing Competition,有獨唱同合唱環節,獨唱每間hall要搵一個人參加,合唱每間hall都一定要至少一隊cross-hall咁參加,仲一定要一男一女。獨唱都叫有人主動報名,但合唱無人報咪逼住要抽籤囉,我同你間hall又咁岩一男hall一女hall,而你知衣D野實屈year 1架啦,結果每人抽一個就抽中我同你hall個阿傑囉... 我唔想唱呀! 點解咁黑女架...」Rachel不滿呻道。
 
Elven:「你講開好似有聽過下,不過完全無理... 咁節哀順便啦~ 所以頭先大家諗住互相認識培養下感情?」
 




Rachel:「住咁近佢提議出黎見個面傾下唱咩歌喎...」
 
Elven:「咁有無定案?」
 
「未呀... 佢提議D歌全部好老土唔想唱... 咩現代愛情故事,明星,甚至倚天屠龍記都講得出...佢係咪真係我個年代架...」Rachel繼續瘋狂抱怨。
 
「可能屋企人成日要佢聽掛... 咁幾時比?」Elven嘗試幫阿傑諗原因。
 
Rachel:「一個月後...」
 




「噢...加油呀! 我一定會黎睇你架~」Elven一副幸災樂禍的樣子。
 
「Roar!!!」Rachel自己咆哮。
 


晚點Ada打電話給Elven。
 
「Honey今日sorry呀...」
 




「好少事啫... 你roommate無野嘛?」Elven問道。
 
「同佢傾完計好返D喇...」接著Ada把阿Yan遇到的問題告訴了Elven。
 
「竟然係咁... 不過佢生得咁靚,又真係好大引誘嘅...」Elven慨歎。
 
「咁係咪引誘到埋你?」Ada聽到後立即追問。
 
「梗係唔係啦,我有你就夠~」Elven出了一身冷汗差點引火自焚。
 
「你都係男人咁你有無咩意見或者睇法?」Ada想問Elven意見。
 
Elven:「衣D野... 我會明佢男朋友想要係正常,不過無得逼同埋要尊重囉...阿 Yan 唔想就唔好為左取悅男朋友而勉強自己,最緊要佢要肯定男朋友唔係為衣樣野同佢一齊... 唔係我驚佢比人咩咩咩咩...」
 
「咩咩咩咩?」Ada一頭霧水。




 
「中出即飛...」Elven很細聲說道。
 
「你地D男人真係好賤格呀! 唔同你講喇,我再睇下佢點先喇。」說完便快速收了Elven線。
 
真是躺著也中槍,Elven心裏罵了阿Yan男朋友千百萬次。



經過hall committee 的努力加上新一班freshman的加入,Elven三隊球隊已湊足了人數練習和參加比賽,順利建立。而和Rachel唱歌的阿傑已在數星期前加入了游水隊。
 
「咦,阿傑呢?有無人見過佢?」這天練習Elven發覺阿傑缺席。
 
「隊長,佢唔知係咪上次練習冷親衣家患左重感冒發緊高燒,琴晚屋企人接左佢返屋企休息喇...」其中一個隊友答道。
 




「哦... 咁叫佢好好抖下,希望佢快D好返啦...」
 
(咦...仲有三日就係歌唱比賽喇喎,咁Rachel點算好? )Elven暗地裏想。
 
「喂...阿傑病左應該參加唔到個比賽喎,你諗住點?」練習完後Elven message了Rachel。
 
「佢今朝同左我講喇... 我都唔知點算好,問左又唔比棄權,佢叫我自己睇下搵唔搵到人代,唔得佢會叫你地hall再抽一個...唉,自己搵咁急都有D難度...」Rachel有點frustrate。
 
Elven:「係咪求其搵個人都得架? 搵你hall d人代得唔得?」
 
「一定要其他hall的人同埋係男性...呀! 我突然諗到一個合適人選符合晒所有要求喇!」Rachel諗諗下突然靈機一觸。
 
Elven:「邊個咁好彩?」
 
Rachel:「你囉!」




 
「我? 咪玩啦...」Elven心裏說了聲”奶野,早知唔問...”
 
「你幫我下啦...我唔想再求其搵個唔識嘅人合唱呀,仲要得返三日...」Rachel開始哀求。
 
「我唱歌好難聽架...」Elven嘗試推搪。
 
「你扮咩啫! 之前教會聽你唱過歌明明就好好聽,又識彈結他! 你係咪真係咁忍心由我死... 嗚嗚...」Rachel一野督爆Elven,然後繼續發動攻勢。
 
「唉...好啦咁...」Elven認命知道推不掉,亦不想Rachel那麼可憐。
 
「好野! 知你一定唔會見死不救架喇!」Rachel 像在海中搵到救生圈一樣興奮。
 
Elven:「你地本身唱咩歌?」
 




Rachel:「嗯...最佳位置。」
 
Elven:「咁好彩我都識... 你彈琴我結他?」
 
Rachel:「好!」
 
Elven:「咁我自己練一練先,衣兩晚再抽d時間出黎大家夾一夾,大後日就去受死啦...」
 
「要死一齊死囉,反正我地又唔係未一齊經歷過生死,唔係咩?」Rachel講笑的同時又感覺到有點甜意。
 
「You win you win,我唔夠你講啦...」Elven無奈道。



和第二個女仔合唱參加歌唱比賽這樣大件事,Elven當然要和Ada備案。
 
「你又英雄救美,又係Rachel喎...」Ada難免有點呷醋。
 
「我都唔想架...咁佢又係無辦法,時間又得返三日唔夠...」Elven一臉無奈的語氣。
 
「你之後搵日同我去唱K,唱返到我夠為止!」Ada嘗試做一個開明的女朋友。
 
「無問題無問題~」這時候Elven怎敢say no。
 
接下來兩天,二人有空時都會嘗試在hall有琴的地方夾下歌。幸好本身首歌Elven都熟悉所以整體上問題也不大,很快便到了比賽當日。