第二天,當Elven正苦惱該怎樣和Ada交待才可把對她的傷害減至最低時,卻首先收到Ada的message。
 
「Honey,聽日星期六唔駛返工,今晚可唔可以同我去睇日出?」
 
「做咩突然咁有興致? 唔驚眼訓?」Elven問。
 
Ada:「唔驚呀~ 突然間好想同你去睇日出…」
 
「咁好啦,今晚黎接你。」也想留個美好回憶給大家,如是Elven很快答應了。
 




 
這晚零晨時分,Elven和Ada來到清水灣席地而坐等待著日出的來臨。
 
「Honey,唔經唔覺,原來我地都一齊左10年…」依在Elven膊上,Ada突然說道。
 
「係喎,原來唔經唔覺都10年,好似過左好耐但又好似過得好快咁…」Elven有感而發。
 
Ada:「衣10年你過得開唔開心?」
 
「梗係開心啦,你咁錫我對我咁好~」Elven由衷說道。這10年間,Ada確實一直對自己好好。




 
「嘻嘻~ 衣10年我都好開心~」Ada亦甜甜地說。
 
(可惜我應該陪唔到你過多10年喇…對唔住…)  這時Elven心裏突然一痛。
 
「你知唔知點解我突然想同你睇日出? 其實係之前你約我架~」Ada很快又續說到。
 
「我約你? 幾時?」Elven想不起自己甚麼時候約過。
 
(你果然已經唔記得…) Ada神色突然一黯心裏想道。




 
「對唔住…」Elven看見Ada面露失望的表情後說道。
 
「沒有Ada的日子 第465日」Ada嘴裏突然說了一句。
 
聽到後Elven大吃一驚望著Ada。
 
「Ada 你…」
 
Ada用手指掩著Elven的嘴阻止了他說話。
 
「你果然都恢復左記憶… 我知你有好多問題,不過可唔可以一心一意陪我睇埋日出先再問?」說完便放開了手。
 
「好…」雖然震驚,但Elven還是尊重Ada的意願。而且經Ada提點後,Elven開始有回對這約定的印象。
 




心裏縱使有千言萬語,但二人就這樣靜靜地互相倚傍著等待日出的來臨。
 
 
「日出真係好靚…」當太陽從海岸線緩緩升起,世界由漆黑一片慢慢回復了不同的色彩,Ada感慨地說道。
 
「嗯…日出的陽光唔刺眼好柔和,好似喚醒緊世間萬物,話比佢地聽無論之前有幾黑暗都好,世界仍然係充滿希望…」Elven望著橙黃色的太陽亦讚嘆道。
 
「咁包唔包括我地嘅愛情?」Ada突然問了一句。
 
「Ada…」
 
「其實我知你已經揀左Rachel…」Ada很冷靜地說出。
 
「點解你會知?」Elven大吃一驚。
 




Ada:「因為當你有決定果一刻代表我黎衣度嘅目的都已經完成…」
 
接著Ada把自己在尖咀海傍遇見老婆婆的事告訴了Elven (詳見第三部7. 不知道的事與軼事一則),又描述了跟老婆婆入到實驗室後所發生的事。

--- 
當Ada跟老年Rachel來到秘密實驗室,她很快便看見了Elven和一個女仔分別裝在兩個玻璃容器裏。
 
「到底發生咩事? 點解佢地會係度?」Ada走到裝著Elven的容器旁,望著Elven焦急地問道。
 
老年Rachel把整件事的前因後果,自己掌握嘅技術,還有Elven和Rachel各自的故事簡略地告訴了Ada。
 
「原來佢就係Rachel…」望著Rachel的容器Ada說道。
 
「知道左佢地嘅故事後,你係咪仲想過去?」老年Rachel問道。
 




「嗯… 我都係想努力試下,睇下結局可唔可以改變。」想了一會後Ada下定了決心。
 
「咁可唔可以問下你個目的係咩?」老年Rachel問。
 
「其實我唔係一定要Elven繼續同我一齊,無論最後Elven係揀Rachel定係我都好,只要佢可以搵到自己嘅真愛,過得開心快樂就夠喇…」Ada望著Elven充滿感情地說。
 
老年Rachel:「真係咁大方?」
 
「始終一開始係我對唔住佢先,只係睇完果600封信我先意識到當時Elven原來有幾咁愛我,同時亦喚醒返我好多回憶同埋感情。我都想知如果一切可以從頭黎過,我同佢分開嘅結局會唔會可以改變。如果可以,我想有另一個世界嘅結局係我同佢可以白頭到老… 不過知道左佢同Rachel之後嘅故事,我又無理由故意要去破壞佢地嘅可能性, 因為比起自己主觀嘅願望,Elven搵到佢嘅幸福對我黎講先係最重要,所以無論最後結局係我定Rachel都好,只要佢幸福就得喇…」Ada緩緩說道。
 
「我開始明白點解果陣Elven會咁鍾意你… 好啦,我明白喇。衣度有粒藥,食左你就可以開始去尋找你嘅答案喇。」老年Rachel把藥交了給Ada。
 
 ---

 




「所以當我決定左同Rachel一齊,代表你回來嘅目的已經達成,然後就恢復左原本世界嘅記憶?」聽畢,Elven問道。
 
Ada:「係… 同埋既然最後結果係咁,我都決定左會返返去原本個世界喇,過多幾日衣個世界嘅我就會忘記返上一個世界嘅野。」
 
「Ada,對唔住… 同埋多謝你…」Elven充滿著內疚和感激。
 
Ada:「傻啦,只係我終於明白有D野錯左timing miss左,無論你幾努力都永遠返唔到轉頭… 睇完你果幾百封信,我先知我令你經歷左D咩,亦明白Rachel對你有咩意義… 所以老土D講句係因為之前我自己種嘅因,先會有今日自己所受嘅果,無得怨嘅~ 而且換個角度諗,衣幾年可以重新同你一齊多左幾年,其實已經賺左,應該要知足。頭先我講嘅10年係7+3而唔係10,明唔明? 同埋你都唔好怪今世嘅Ada果陣暪住你Yan同Daniel嘅事啦,因為佢未有我地之後嘅經歷,但又感受到我嘅不安先會咁啫…」
 
「放心啦,我好明白。無論點,我仍然好感激我可以遇到你同你有過咁多難忘嘅回憶同經歷,無你就唔會有今日嘅我…」Elven 把Ada緊緊抱在懷內。
 
「我都係,多謝你曾經愛過我…」Ada回抱著Elven的同時眼淚亦開始流下。
 
兩人就這樣相擁著直至太陽完全升起。
 
「好啦,我走喇,希望你同Rachel可以永遠幸福快樂~ 放心啦,走前衣幾日我會盡力影響原本的Ada返外國過佢想過嘅生活。 」Ada推開了Elven,抹了抹臉上的眼淚說道。
 
「多謝… 我都希望你以後可以搵到一個更值得你愛同愛你嘅人,永遠幸福快樂 …」
 
「我信我可以架…  啊,差D唔記得左,果個老婆婆最後仲同我講左一段說話…」Ada突然想起。
 
“最後如果你地有人決定左唔再返黎衣個世界,我其實仲有兩粒禁藥可以令你地將自己同另一個世界嘅靈魂完全融合,一經融合兩個靈魂嘅記憶就唔會再被封印,即係以後都會記得衣度同果個世界嘅所有記憶,係我個女偷偷地研究出黎無人知架... 你地最後可以決定要唔要,不過就得兩粒。如果決定想要,你地就去返尖咀海傍,不斷諗住”香港人加油!”,之後自然有人會出現將兩粒藥交比你地架喇。”
 
「竟然仲有個咁嘅option? 多謝你話我聽, 我會同Rachel傾下。不過點解係”香港人加油”咁得意?」Elven驚奇。
 
「我都有問佢,佢好傷感咁話過多十年後我地就會知,仲喃喃自語係咁講”記住千祈唔好慣,唔係就永遠返唔到轉頭架喇…”。」Ada回憶著當時情況。
 
「明白…」
 
「好啦,咁我走喇,保重喇Honey…」沉默了一會,依依不捨地望了Elven最後一眼,Ada下定了最後決心講再見。
 
「你都要保重…」
 
(原來你最後都有睇晒果600封信… 再見喇,我永遠嘅初戀…) 望著Ada的背影,一滴淚水劃過Elven的臉龐。
 
 
“沒有Ada的日子 第465日 晴
 
今日零晨3點幾,突然比幾個hallmate摑醒捉左我去睇日出。我本身完全無興趣架,不過受唔住佢地嘅逼迫,只可以死死地氣跟佢地一齊去。去嘅整過過程我都係昏昏欲睡,直至真係見到個咸蛋黃慢慢由地平線走出黎果刻,天色由黑變紫再到金黃,果種震憾令我成個人即刻醒晒,真係好靚… 而且望住個太陽出黎,周圍由黑變光再到彩色,個人真係好似即刻有返活力同希望咁! 果刻我第一個反應係如果你係身邊就好喇… 點解我地一齊咁耐我會無同你睇過日出架… 我真係好失敗! 如果有日我地真係可以復合,我一定要同你去睇日出,仲要去晒香港唔同嘅地方睇! Ada,己經過左年幾喇,我真係好掛住你… 到底仲要過多幾多個日出,你先會返黎我身邊? 定係隨著每過多一個日出,代表嘅只係我地嘅距離都越黎越遠?  唔會架… 無論衣家幾黑暗都好,我信黎明都一定會黎架,係咪? 我信係咁架!
 
睇完日出之後,我地又…”