還帶著喘息聲,Elven緊緊抱實了Rachel,淚流滿面。
 
感受到身旁男人對自己近乎盲目的感情,Rachel覺得很溫暖,雖然閉上了眼但臉上仍掛著幸福的笑容。
 
「傻瓜… 做咩喊得咁犀利呀?」輕輕撫摸著Elven的臉龐Rachel溫柔地問道。
 
Elven:「曾經你係我一個好遙遠好遙遠嘅夢… 突然間衣個夢化為現實,衣家就係我一個伸手可及嘅位置,果陣幸福到死嘅感覺,我終於明咩叫死而無憾…」
 
Rachel:「唔准再講個死字呀! 其實你真係好傻呀… 點解要為左我自殺呀…」
 




Elven:「果刻我覺得世間上已經無野可以支撐到我生存落去… 我知我係好蠢好無用,不過果種心死嘅感覺你唔會明白,當然我都唔希望你會明白…」
 
Rachel:「我之前真係一直唔明,直至經歷過衣一年,我多多少少開始有d明… 雖然我知點都唔會及你果幾年咁痛苦,因為至少衣年我仲有個縹緲嘅希望… 不過點你都唔應該自殺…你有無諗過我知道左後嘅感受?」
 
Elven:「所以我無留咩遺書之類嘅野咁你地咪唔會知原因…」
 
「你揀嘅日子…好難唔咁諗囉…」Rachel翻了個白眼。
 
「係我唔岩…不過唔係我有咁嘅選擇,我地就唔會有今日咁嘅結果… 你估係咪上天都比我感動到?」Elven也知自己的作法比較牽強。
 




Rachel:「你只係好彩咋…唔知果個阿婆係何方神聖呢?」
 
「我都唔知… 但對住佢又係有種莫明嘅親切感, 唔係三唔識七都唔會同佢講左咁多野啦…」Elven若有所思。
 
Rachel:「你咁講開又好似係… 好似好自然就同佢分享晒自己d野咁…」
 
「點都好,只要以後可以咁攬住你,無論中間過程係點都唔重要喇…」Elven感觸地說。
 
「Elven,多謝你…其實我真係唔值得你咁為我…」Rachel感動。
 




Elven:「感情無話值唔值嘅,好多野都係自己控制唔到… 記唔記得我講過,有D人明明可能只係相處左一段好短嘅時間,但就用一世都忘記唔到? 」
 
「記得… 所以咪話你傻囉~」Rachel甜甜地說。
 
Elven:「我係好傻呀… 以前做錯嘅事實在太多喇… 其實如果唔係上天不斷比我有second chance,我地都唔會有今日衣個結果呀。所以我都唔知應該感激定嬲Daniel傷害你好,唔係佢嘅錯我唔會有衣推second chances,但佢又真係實實在在傷害左你令你唔開心…」
 
「的而且確好多時我地都唔會有second chance… 有嘅時候真係要好好感恩。不過有d人,就算有可能都唔識好好把握,Daniel可能就係其中一個…」Rachel把上一世自己推測的事情始末告訴了Elven。
 
Elven:「原來係咁… 不過第一次佢可以暪天過海,好自然以為第二次都可以,唔似我第一次已經衰到貼地… 所以我好珍惜衣個重新嘅機會去修正以前所犯嘅錯架。」
 
「例如呢?」Rachel好奇問道。
 
「我上一世最後悔嘅事就係無一早跟Susan返教會早D認識你同埋錯誤地同你表白左…」想起這兩點Elven還是有點唏噓的感覺。
 
Rachel:「所以衣兩樣就係你對今世自己嘅影響?」




 
「係呀…我出盡力去暗示比自己聽…所以今世你咪可以早D識我同埋直至你同Daniel分手前都聽唔到我表白囉~ 你呢?」
 
「聽完唔好嬲喎… 其實我無特別做D咩, 或者係潛意式影響自己盡量比機會你掛,但點知有人係咁將我推比其他人囉…」講起這件事Rachel有點埋怨Elven。
 
「無計啦…始終主導權唔係我手,有D野我都控制唔到~ 不過你講開… 我懷疑除左我地,其實仲有一個人返左黎…」Elven突然想起。
 
Rachel:「Ada?」
 
「 嗯… 諗返成件事佢比原本嘅世界都有太多嘅轉變… 不過暫時唔好講佢住啦… 係喎,咁你返黎嘅疑惑或者目的到底係咩?」Elven問道。
 
Rachel:「第一個係想知當年同Daniel嘅事係咪有野我係唔知… 至於第二個,我只可以話係同你有關~」
 
Elven:「咁實現左未?」
 




「嗯…應該算實現左掛~ 你呢?」想了想Rachel答道。
 
Elven:「我果個其實好簡單,淨係得七個字…」
 
Rachel:「邊七個字?」
 
「只想和你愛一次」Elven帶點尷尬說出了這七個字。
 
「… 點解我會鍾意左個咁老土嘅人架!」Rachel笑罵道。
 
「我知係好老土,但真係我嘅心願黎架… 」Elven滿有感觸。
 
「老土怪~  」雖然取笑,但聽得出Rachel的心是甜絲絲。
 
「我認~  」




 
「咁我地所有目的應該都實現左喇喎… 真係到果日,我地返唔返去?」Rachel 想起這重要的問題。
 
「你想呢?」Elven想聽Rachel的想法。
 
「其實我唔太想返去… 返到去太多手尾都唔知點解決… 同埋係衣世,我無咁多過去淨係屬於你…」說到最後一句Rachel已經害羞得幾乎沒有聲浪。
 
幸好Elven聽力良好,然後忍不住又再伏到Rachel身上。

 
直至天色已深,Rachel擔心父母隨時會回來,和Elven落街吃了晚飯後便各自回家。這晚,他們都發了個相同的夢,夢中有人詢問他們是安於現狀還是回到原本的世界。若選前者,後一世的記憶在七日後便會被自動抹去。若選後者,則這一世的記憶同樣地七日後便會被抹去然後回到原本的世界。很有默契,二人都選擇了前者。