『呃...阿肥...阿老闆提過你喺外國留學返嚟㗎嘛~加上你一身嘅衣著打扮帶住點點和風氣息...就知你係由日本返嚟啦~』咁答會唔會有啲牽強?

「哦~咁你都幾眼利...又幾細心㗎喎~」Emma帶住甜絲絲嘅微笑點點頭~

『O...OK咁啦...話晒都做設計吖嘛...哈哈...』咁都俾我過到骨...

「唔....狗公吖...咁我又真係...唔多覺有喎...」Emma諗吓諗吓~又用隻食指仔掂掂自己個嘴仔~諗吓諗吓~

『咁應該係因為你係千金小姐~好少接觸到市井狗公~』我呢個推斷相當合理~





「唔...你又知我係千金小姐?」Emma又咬住下唇~一頭問號咁打量住我~

『呃...都係老闆講嘅~』呢個就真係由老闆口中得知㗎喇~

「唔...」Emma高低眉咁一頭問號~

『你應該都有Facebook同IG㗎啦~』我諗千金小姐都會用性交...社交App嘅~

「有~」Emma點晒頭~





『有公開㗎嘛?』Private咗就冇得講啦~

「有~」Emma又點晒頭~

『有放自己啲相㗎嘛?』咩相都好...

「有~」Emma又點晒頭~

『咁應該都有唔少人Follow㗎啦~』Emma咁靚女,放咩相都大把狗公Follow㗎啦~





「都有唔少嘅...」Emma又點點頭~

『咁就一定有唔少人Like同心心㗎啦~』冇過萬都必定過千啦~

唔好話吖屌!一般MK妹放張賣腿相上去,都幾千Like㗎啦!

「唔...十幾萬囉...」Emma諗一諗~又諗一諗~

『嘩屌...』我立即撳住自己個嘴,『Sorry我太激動...』

「哈哈~做咩咁激動吖?」Emma又掩住個嘴仔笑~

『十幾萬喎...十幾萬喎...十幾萬喎...』我個腦Loop死咗...諗唔到接住落去應該講啲乜好...

「咁又唔係成日都有十幾萬嘅~」Emma帶住甜美嘅微笑擰擰頭~





『我...聯想唔到...』我呢啲Post乜鳩都好...都冇人會Like...『咁當中唔少一定係狗公嚟㗎啦!!!』

唔係狗公又邊有可能有十幾萬個心心吖?邊有可能有咁多Friendssssssssssss吖?

「唔...咁都真係好多唔識嘅會留Comment...」Emma又諗一諗~點點頭~

『啲內容係唔係好靚女吖~笑得好甜吖~皮膚好白吖~對腳好修長吖~身材好好吖~dm~dM~dm~Dm~Dm~dM~Dm~DM~DM~dm~吖吖吖吖吖~』

「係吖係吖~你點知㗎?」Emma帶住天真係笑容~睜大對大眼仔望住我~

『我梗係知啦~因為...』我都未講完...

「因為你都係咁~」Emma帶住甜美嘅笑容指住我~





『梗係唔係啦~我先唔會做啲咁狗公嘅行為...』我真係做唔出囉...咁嘔心...

「咁你都一定睇唔少靚女相啦~」Emma又帶住甜美嘅笑容打量住我~

『唔係唔係...只係...我女朋友個IG嘅Public Account見唔少姐...』睇撚到就火撚滾...

「咁你女朋友都應該幾靚女喎~」Emma諗一諗~又點點頭~

『呃...靚係靚嘅...』無可否認...

「但就港女性格係咪?」Emma高低眉咁打量住我~

『呃...係囉...』呢個都係無可否認...

「但你都選擇同佢一齊喎~」Emma又諗一諗~點點頭~





『嗱~咁又可以引返出我頭先嘅說法~喺呢個世界上,特別係香港~絕大部份都係港女~如果唔係都唔會有港女呢個Term~而好似我呢啲咁嘅人,可以同個港女一齊仲想點呢?』真係唔好怪我得罪講句...

我都有話我係垃圾我係廢柴㗎~打個和啦~

「你太冇自信喇!」Emma谷起塊面豬登~

『毒撚最忌有自信吖...』毒撚活在地球上本來是人畜無害...

「哈哈哈~點吖你~」Emma笑到腰都攣埋~

Emma嘅衫領...成對北半球...露晒出嚟...

震吓震吓咁...Emma一邊笑...對雪白粉嫩嘅北半球就震吓震吓...





好深嘅事業線...

『嗱...用返你身上做例子就最有體會~我哋唔好理啲無聊CM先~有成十幾萬個Likes嘅話,CM冇幾萬都實過萬㗎啦~咁我相信平日都有唔少人dm你~你又會點處理?』都係唔好𥄫Emma衫領喇...繼續認真討論啦~

「唔理佢哋囉~」Emma好隨口講出個答案~

『咁咪係囉~』仲恥笑我...

「喂咁長期99+叫人點覆吖?」Emma又高低眉咁帶住甜美嘅笑容打量住我~

『嗱我就真係冇咁嘅機會去體會就真係唔知...我嘅dm係冇人㗎!冇人㗎!不過...估都估到啦~即係我見到個咁靚女嘅~我係狗公都想去識佢啦~咁dm句HI~你好~想識你~做個朋友好嘛~搏搏都好正常吖~咁我一個係咁諗姐~世上仲有千千萬萬隻狗公㗎喎~咁加加埋埋咁多狗公DM女神,咁女神又點會覆得晒呢?咁女神覆唔晒,無聊得閒嘅咪揀人覆囉~點揀吖?最簡單就係睇樣啦~順眼咪覆囉~再唔係就睇吓講嘅嘢有冇新意囉~HI吖你好吖嗰啲就收收皮先啦~咁好似我呢啲其貌不揚講嘢又沒趣嘅毒L...自動過濾啦~』係吖我講嘢係咁Mean係咁黑人憎㗎喇...

「哈哈~哈哈哈哈~你真係好特別~」Emma笑到肚都攣晒咁撳住個肚仔~眼水都標埋~

吓?我又好特別?

「唔唔...哈哈哈~唔...唔...你真係好特別~哈哈哈~」Emma笑到攣晒腰~標晒眼水~對雪白粉嫩嘅北半球就震吓震吓~夾吓夾吓~

『又有...咩咁特別呢?』真係好正...Emma對豐乳...

真係𥄫到我又...扯扯地...

「你會諗埋人哋諗乜喎~」Emma水汪汪嘅大眼睛打量住我~

『呃...唔係咁㗎咩?』Emma對大眼睛本來就夠晒迷人...再加上有少少淚水𠺘吓𠺘吓咁...

「有幾多人真係會喺人哋嘅角度諗㗎~」Emma又高低眉咁帶住甜美嘅微笑打量住我~

『唉...好似我呢啲被邊緣化到最邊緣嘅邊緣人...唔喺人哋嘅角度諗...傷嘅咪又係自己...』唉...

「嗯?」Emma又一頭問號咁~

『呃...嗱~又用返你身上做例子就最有體會~假設我只喺自己嘅角度諗,我見你咁靚女走嚟dm你,而你又遲遲都唔覆...我又不停咁走去dm你...你都係唔覆...咁我咪好冇癮囉...我咪諗覆個dm姐...阻你好多時間咩?係唔係睇唔到呢?係唔係冇上呢?唔係喎...啱啱先Post完相咋喎...點解唔覆㗎?然後又繼續dm...然後就只換來一次又一次失望...』唔好意思...我講咗大部份毒撚嘅情況出嚟...

「唔...咁又真係有好多...呢啲dm嘅...」Emma諗吓諗吓~點點頭~

『係唔係覺得好煩呢?』我順個靚勢追問~

「有時都真係...覺得幾煩㗎...」Emma又諗一諗~點點頭~

『嗱~我都話㗎啦~』完全喺我掌握之內~

「咁係吖嘛~又唔識...無啦啦係咁dm人...」Emma又高低眉咁尷尷尬尬~

『係吖~啱吖~我冇話你有問題吖~有問題都係啲狗公咋嘛~咁我就係喺人哋嘅角度諗,唔想好似啲狗公咁煩到人~就係咁囉~』幾咁簡單易明~

「之但係...唔試過又點知呢?」Emma帶住甜美嘅微笑打量住我~

我喺檯面拎起支筆...向住Emma嘅方向打斜咁碌過去...

就喺支筆碌到去檯邊...向下一跌...正要跌落地之時...

Emma雙手一接~接住支筆~

『點解要接住支筆?』我指一指Emma手上支筆。

「因為佢跌落地~」Emma好順咁講出口~

『跌咗未?』我再追問。

「未...」Emma恍然大悟~

『See?有好多嘢唔一定要試過先知~試過先知就已經太遲~』人類喔...

「你真係好特別~」Emma好認真咁打量住我~

『識耐咗我...你就覺得好普通...』假如...有得識耐嘅話...

Emma眼定定咁望實我...

我又眼定定咁望實Emma...

我同Emma四目交投...好一段時間...又一段時間...

時間都好似停止咗...好似寂靜咗...

然後...然後...

『咁...兩張喜帖可以用公司E-mail Send俾客㗎喇~』都係講返公事...唔好咁尷尬...

「嗯~」Emma就立即左Keyboard~右Mouse~

等Emma Send完兩個E-mail出去之後...

「我算唔算完成咗第一樣工作吖~」Emma向我展露天真嘅笑容~

『嗯~仲好完美咁完成添~』就好似你一樣咁完美~

好似我呢啲毒撚...就真係唔好諗咁多喇~

免得又成為狗公嘅一份子~

「多謝~」Emma帶住甜美嘅微笑望住我~

『客氣...客氣...我多謝你先真~咁幫得手~』真係幫輕咗我唔少呢~

「咁就俾多啲我啦~」Emma一面期待咁望實我~

『俾...俾多啲你...』摩牙...摩牙...

「嗯嗯~俾多啲嘢我做~等我幫你多啲~」Emma一面期待咁望實我~點點頭~

『呃...咁就...』

我都係同上次一樣~俾多四張炸彈佢畫啦~

Emma一直都好專心,一直都好投入~

而喺呢個角度睇,Emma對美腿真係表露無遺~

無錯~我都係喺度𥄫Emma對腳嘅~(我有邊畫圖邊𥄫吖...唔係冇做嘢㗎...)

Emma都係好鍾意伸長佢對腳仔~

將對腳伸到直一直...

又間唔時翹吓對腳,疊吓對腳~

有時坐耐咗,仲會踢吓踢吓對腳添~

不時換吓姿勢,等我𥄫得冇咁悶~

既然傾計嘅內容變咗,但乜都好似冇變過...都係跟返上一次條路咁行...我就可以好放心咁𥄫...

當然我就唔係淨係𥄫Emma對腳...仲會𥄫𥄫佢嘅天使面孔...

Emma總係帶住甜美嘅微笑...努力工作...

對住啲咁沉悶嘅設計炸彈工作都可以笑得咁甜?

冇計~Emma個樣本身就係咁甜~

定係心態影響外表呢?

相由心生?

真係咁㗎咩?

一邊𥄫Emma對腳,又𥄫佢個天使面孔,一邊做嘢,總係有啲...唔多真實...

喺我嘅生命中...真係會有天使出現喺我面前?

我嘅實而不華...且枯燥乏味嘅生活...

手上張炸彈搞掂埋...

五個平面廣告初稿...仲差一個...

「飛揚~我又搞掂喇~你今次要唔要過嚟睇睇吖?」Emma帶住甜美嘅微笑向我招招手~

『好吖好吖...就等我嚟欣賞你嘅設計...』事實上係...我被Emma嘅招魂手招咗埋去...

我不自覺咁行到去Emma身邊...

Emma逐張逐張咁俾我睇~

『果然...』果然...同上次一模一模...不論係構圖...字...排版...

就算係對話內容唔同咗...但仲係同上次嘅路線...一模一樣...

「嗯?果然?」Emma睜大對大眼仔打量住我~

仆...街...又唔覺意漏咗口風添...