『果...果然~啲構圖吖~啲字吖~啲排版吖~果然都係完美配合~』我指住一幅幅炸彈~

個沙盒...連個沙盒都係一樣!

「邊有咁誇吖~」Emma尷尷尬尬咁笑笑口~

『真㗎~冇誇到㗎~真係整得好好~睇得出好用心~啲客一定好滿意~』比著係我...真係求鳩其畫幾筆就算鳩數~

或者係...做呢行做得耐...畫得太多...個心都蝕晒...





「多謝~」Emma帶住甜絲絲嘅微笑~

『哈哈~你真係好有禮貌喎~』我望一望Emma...佢雙臂夾一夾...成條事業線就夾晒出嚟...

「俾人讚係要講多謝㗎嘛~」Emma帶住甜絲絲嘅微笑點點頭~

『果然...人完美...創造出嚟嘅藝術品先會完美...』相對地...人柒做乜都係柒...你話呢個世界幾咁唔公平...

「你把口真係~你成日都係咁氹女仔㗎?」Emma塊面越嚟越紅~帶住甜美嘅微笑望實我~





『唔係㗎唔係㗎!我冇氹過女仔㗎!』邊有女仔俾我氹先得㗎...

「仲話冇?肯定成日氹啲妹妹仔~」Emma半信半疑咁打量住我~

『傻啦~邊有吖~啲妹妹仔見到我都走到唔知去晒邊啦~』這些機會...

「嗯?」Emma又疑惑咁打量我~

『嗯?我呢啲怪叔叔~唉~』真係講起就心酸...





「唔係吖~我覺得你呢種呃到唔少𡃁妹㗎喎~」Emma打量住我,點點頭~

『吓?』唔撚係嘛?

「嗯嗯~」Emma好認真咁點點頭,「啲妹妹仔最鍾意就係你呢種~」

『我呢種?』即係邊種?

「嗯~唔知點講...成熟嘅哥哥...把口又要咁甜~咁識得氹人~啲妹妹仔實俾你氹到心都軟埋啦~」Emma面紅紅~帶住甜美嘅笑容雙手指指我~

『傻啦~成咩熟吖~老餅~悶~冇新意~冇刺激感~淨係識得噓寒問暖~我搵爸爸傾計好過~』唉屌我呢啲...好難先會有人睇得上...自己主動又會嚇走人...

「唔係吖~你把口真係好甜喎~」Emma高低眉咁打量住我~

『真心話嚟㗎...關把口咩事...』真心當口花...





「嘩你仲話你唔識氹女仔?」Emma面紅紅~帶住甜美嘅笑容雙手指指我~

『咁你有冇俾我氹到吖?』講到我咁勁...

「都有少少㗎~話晒我都係入世未深~」Emma眼仔碌碌咁諗一諗~

『你係初嚟凡間嘅天使~』純真...無邪...未受人間煙火污染...

「嘩你睇你把口~你把口甜到~」Emma雙臂再夾一夾~對腳仔踢踢~

『都話真心話咯...』就喺呢個時候...

「傾咩咁好傾吖?」肥豬腦細由房走咗出嚟。





『哦...冇~傾啲公事姐~』我同Emma打咗個眼色~

「嗯嗯~飛揚教咗我好多嘢吖~」Emma又同我打咗個眼色~

「咁就好喇~融融洽洽~」肥豬腦細行到去Office嘅中間,「嗱~為慶祝Emma加入我哋呢個大家庭...我已經Book咗吉壽日本料理食放題啦~」

『好高興有你加入我哋呢個大家庭~』我同Emma互相對望~拍拍手~

「我都好高興可以加入你呢個大家庭呢~」Emma甜絲絲咁望住我~拍拍手~

「好~我哋出發!」肥豬腦細帶頭走向門口。

今次我都係冇再叫肥豬腦細帶銀包帶卡...

唔緊要啦~Emma咁幫得我手~由我請客又有乜所謂~





Emma好自然咁行到嚟我身邊。

嗯?點解會...咁㗎呢?

Emma好自然咁與我肩並肩咁行。

點解...今次會...

頭先...今朝...有啲咩改變...改變到有而家呢個改變?

冇錯...我同Emma嘅話題係唔同咗...

之但係...都好似係傾啲無聊嘢姐...





照計就應該唔會有太大影響...

嘩你唔好話...其實都唔好話唔驚...

唔使好大嘅改變...就算只係睇落無關痛癢...冇即事嘅影響...話唔定會對之後唔知幾時...一段時間後先浮現出嚟...

今次就話個改變都唔算係壞...仲好似唔錯...

但唔難保之後會出現毀滅性嘅改變㗎嘛!

環環相扣...係咯係咯...真係要小心啲先得...

假如聽日仲係今天...

有Emma伴在身邊咁行,上到嚟吉壽日本料理...

「隨便叫~唔好客氣~」肥豬腦細扮晒大方。

『多謝老闆。』要繼續Keep返原本咁...跟到足...

說話...語氣...時間...唔可以有半點偏差...

我完全跟足上幾次咁,隨手就拎起幾張唔同類型嘅點菜紙:『Emma,你想食啲乜?』

「冇所謂,我咩都食~」Emma咪咪嘴咁笑住答。

『嗯~咁我就隨便點㗎喇~』跟返上幾次咁...點啲大圍嘢...

「嗯~你點乜,我就食乜~只要係你點,我都會食~」Emma用好溫柔嘅聲線喺我耳邊講...

呢一刻,我又震咗一震!

Emma把溫柔嘅聲線...真係聽幾多次都係咁甜...

聽幾多次都會令到我個心都軟埋...

假如Ashlynn都可以Keep住好似Emma咁溫柔咁...你話幾好呢...

Ashlynn...Ashlynn...係喎!

等我快快手手揀返啲大圍嘢~

『唔該~』交俾個待應~

『要唔要啲Wasabi?』再照顧Emma~

「少少夠喇唔該~」會講唔該嘅靚女吖...

Emma真係好有教養...

佢老豆係唔係上帝嚟㗎?

而家唔好諗呢樣嘢住先!

而家要諗嘅係...Ashlynn...

點解呢啲時候要諗個港女女朋友?

其實重點係...點先可以脫離無限輪迴地獄...聽日變返做明天!

既然打J同夢遺都唔得...我就喺度諗...做愛又有冇得諗?

時間上,打J同夢遺已經唔同...行為上亦唔同...咁就仲有...做愛姐~

咁我有女朋友㗎嘛...搵女朋友做愛都好正常吖~

話唔定真係搵女朋友做一次愛,就打破無限輪迴地獄嘅困局呢~

乜都要諗㗎啦...係唔係都好啦...唔試過又點知得唔得呢?

假如真係扑嘢可以解決個問題...

啲野食一路嚟,我哋就一路食。

Emma都係嚟乜就食乜。

總算叫做跟返條路線行~咁我都放心啲~

因為...我都想同Emma嘅良好關係可以Keep住~

萬一真係俾我打破無限輪迴困局...唔會再返轉頭...有個天使喺身邊一齊工作係開心嘅~

一直跟住上幾次嘅次序上菜~

差唔多喇...差唔多係時候打俾Ashlynn!

我拎部電話出嚟打俾Ashlynn~

「嘟...喂~咁啱嘅?我正想打俾你~」聽Ashlynn嘅語氣同句說話都同上一次一樣...應該心情OK~

『好明顯就係因為我哋心靈相通啦~』我記得㗎~我記得講過啲乜㗎~

「把口咁甜嘅?食咗屎嚟吖?」Ashlynn甜絲絲咁講~

『係吖~食咗你嗰啲吖~』繼續繼續~想有嘢扑就氹咗條女開心先~

「咦~核突~」Ashlynn成條小蟹柳咁~

『係吖係吖~』啱喇啱喇~就係咁喇~

「咁你而家做緊咩吖?」Ashlynn隨口問。

『食緊嘢~』完全同上一次一鳩樣~

「食緊屎吖?」Ashlynn又隨口問。

『係吖~食咗你嗰啲吖~』

「咦~核突~」

『咁你食嘢未吖?』我邊食邊問。

「而家食㗎喇~」Ashlynn又隨口答~

『食緊咩吖?』喺呢個時候...要變一變...

「食好西吖~」Ashlynn舔舔脷~

『嗯~咁開心有好西食吖?我都想食喎~』係時候...轉入另一條路...

「俾我個西你食好唔好?」Ashlynn完全俾我引導到~

『好吖好吖~咁今晚得唔得閒吖?』我就可以打蛇隨棍上~

「你講真㗎?」Ashlynn突然變得好認真。

『真~講真㗎~』我似講笑咩?

「呃...今晚...我唔係咁方便喎...」Ashlynn唔多情願...

『有咩咁唔方便吖?』我記得Ashlynn啱啱先嚟完M...好方便先係㗎喎...

「呃...我今晚唔得閒吖...」Ashlynn越嚟越唔情願咁...

『唔使好耐㗎姐~』我出名快...屌唔係...係條女吸引先快射㗎姐~

「呃...我...我聽日飛啲行李仲未執今晚有排執...係咯係咯唔講喇唔講喇等我返嚟先再講喇係咁...嘟嘟嘟嘟...」Ashlynn一講完就立即Cut線...

吓?飛?

飛乜鳩吖?飛去邊吖?執咩行李吖?唔聽佢講嘅?

唔係喎...真係冇聽過Ashlynn講喎...

上幾次都冇吖...

我好記得淨係話...唔得閒唔使打俾佢...冇講過話要飛喎...

即係佢所指嘅唔得閒...就係要執行李?

哦...咁都唔出奇嘅~

平時Ashlynn久唔久都會話要同班姊妹去旅行㗎啦~

次次都好突然咁㗎~又唔講聲又唔話去邊~都係無啦啦失咗蹤咁~睇佢IG Post相先知佢同班姊妹飛咗去日本~

係吖~係次次吖~次次都係咁㗎~

習慣晒啦~

我又真係冇乜所謂嘅~仲好添~難得清靜~

之但係...今次唔同吖...

Ashlynn去旅行...咁我咪冇得扑嘢囉?

冇得扑嘢咪又繼續無限輪迴地獄囉?

咁點算吖?點撚算吖?

我唔想日日起身都係星期一吖!

點解唔係日日都係星期日呢?

呃...可能好啲嘅...

屌好鬼好馬咩?我想過返啲正常生活呀!!!

日日都係星期一好唔正常咩?

一至五返工嘅日子...都係日日如是㗎啦...

屌...唔撚係吖...我要射精呀!!!

就喺我煩惱緊射精嘅問題之時...

肥豬腦細問Emma:「今朝到而家,返工慣唔慣吖?」

「嗯~OK吖~好滿足~好有成功咁添~」Emma亦答得好清脆~

肥豬腦細繼續問Emma:「飛揚冇俾太多嘢你做吖嘛?」

Emma帶住甜美嘅笑容望住我:「我想佢俾多啲嘢我幫手喎~」

『呃...哈...慢慢嚟喇~想要多啲嘅話...源源不絕...』好似我春袋裡面啲精一樣...

肥豬腦細笑到四萬咁口:「係吖係吖~唔好睇我哋公司細細吖~好多生意㗎~又多客喎~好有Potential㗎~見到你爺爺嘅話,可以同你講吓喎~」

屌又有幾有Potential吖蚊型公司仔...吹撚到...

Emma帶住甜美嘅微笑點點頭:「嗯嗯~一定一定~」

Emma真係心地善良...

俾著係我真係睬佢都戇鳩...

肥豬腦細繼續笑到四萬咁口:「係㗎喇喎~係㗎喇喎~嚟嚟嚟~食嘢唔好講公事~食得開心啲~盡情食~」

屌...又係你講先...

不過又真係~食嘢唔好講公事~食得開心啲~食得盡情啲~

繼續開開心心咁同Emma食嘢~(係~我係無視咗隻肥豬腦細~)

到飲飽食醉之後...

「多謝你474蚊。」侍應死口死面咁走到埋嚟。

肥豬腦細連摷都唔撚摷一下:「哎呀!原來我唔記得帶銀包喎!真係大懵喇~呀~飛揚,你出住先~」

『咁就等我請啦老闆~』得喇得喇~知喇知喇~

「邊係吖?返去俾返錢你啦~」肥豬腦細仲要扮晒大方咁~

『唔使啦~都慣㗎啦~』講完我就夾埋張卡落張單度。

「食嗰500蚊都要啲細嘅俾錢...而家啲腦細真係...」個侍應一邊離開我哋個範圍,一邊口噏噏。

肥豬腦細俾個侍應串完,條氣唔多順~

呵呵呵~睇到肥豬腦細又俾個侍應串~心涼~

「多謝飛揚~」Emma雙臂夾一夾住對豐乳,帶住甜美嘅笑容向我點點頭~

『唔多謝~唔多謝~』Emma對豐乳...一對雪白粉嫩嘅北對球...事業線...

我又𥄫到扯晒旗喇...嗚呀!!!