食完個Lunch返到公司繼續做嘢。

肥豬腦細條氣仲係唔多順咁行入房~

唉啲腦細真係~唔單止個腦細~胸襟都係咁細~

「係呢飛揚~」Emma就行到嚟我身邊,「我仲有啲咩可以幫到你吖?」

『唔...』我記得...上次...



Emma企到咁埋...佢身上嘅香味...就飄晒埋嚟...傳入我個鼻...

好香...Emma個身...真係好香...

係少女嘅體香...係Emma獨有...

好香吖...聞到Emma身上嘅體香...總係好想...好想扑...

如果可以...同Emma...



「呃...我係唔係唔應該企埋嚟吖?」Emma退開兩步...

『吓吓?唔係唔係...』仆街喇...我係唔係又俾Emma發現咗?

唔係吖...我記得上次...冇俾Emma發現到㗎...

「我...我怕你會介意我望到你個Mon...」Emma指指我個Hang住咗畫面嘅Mon...

『哦?哦~冇所謂冇所謂~公司嘢咋嘛~冇嘢唔睇得~』係咯~個畫面都係Hang住喺個平面設計圖...下面條Bar又冇開住啲奇怪網頁...



係咯係咯~平時睇完Comic Lo,都會閂返個分頁嘅~

「我第一次出嚟做嘢...唔係好識呢啲相處之道...希望你唔好介意...」Emma雙臂夾一夾住對豐乳,向我鞠一鞠躬~

『唔緊要唔緊要~我真係冇乜所謂~』Emma對波...真係好大...條事業線勁長...

「嗯~」Emma面紅紅咁點點頭~

『嗯~吖係...你等我一陣...』呢個時候...差唔多係時候...

拎部電話出嚟,打俾阿Wing...

「嘟...嘟嘟...喂哥哥~我正想打俾你吖~」阿Wing好雀躍~

『我就係知你想打俾我~所以我打俾你先~』今次我記得喇~



唔好成日話我冇阿Wing心吖!

「真係㗎?我哋咁心有靈犀㗎咩?」阿Wing好似甜絲絲咁嘅語氣~

『好明顯啦~放咗學返到屋企喇嘛?』我都勁溫柔咁~

「啱啱返到喇~咦咦~唔該哥哥幫我收咗衫喎~」阿Wing把聲勁嬌俏~

『你唔怪我摺得唔夠整齊就好喇。』

「好整齊吖~整齊過我自己摺啦~嘻嘻~」

『以後都由我幫你摺好唔好?』等我再氹氹阿Wing先~



自己嘅細妹係要氹㗎~

「好吖好吖~」阿Wing又好似好受落咁~

『咁懶㗎咩?』

「有哥哥照顧就要懶懶~」

『係喇係喇~係呢...琳琳有冇過嚟搵你吖?』等我都關心琳琳先。

我係記得㗎~我都著緊琳琳㗎~

我都當佢係親妹妹咁㗎...

「嗯?冇喎~做乜咁問嘅?」阿Wing帶點好奇~



『嗯?冇?哦...冇~我今朝遇到佢出門口返學~佢話今日放早~屋企又冇人~問可唔可以去我哋度做功課溫書咁咋嘛~』奇喇...明明今朝琳琳係有咁問過...

而我...係叫佢等阿Wing放學返嚟先...

「係吖?唔見喎...佢屋企都好似冇人吖~應該就未返喇~」我聽到阿Wing打開鐵閘~又閂返埋鐵閘~

『係吖...可能仲喺...學校啦...』可能...可能啦...

「嗯~咁我再睇睇啦~」

『嗯~係吖~係唔係想問請咗假未呢?』我記得㗎~我仲記得㗎~

今朝衰撚咗吖嘛!



「係吖係吖~咁醒嘅哥哥~咁請唔請到假呢?」

『老闆啱啱先返咋~我而家去問~我等陣WhatsApp你~』

「OKOK~Bye~」

就係今朝衰撚咗!而家就再試多次!

希望得啦...希望補得返...行返原來嘅路線...

當我一起身,Emma想讓一讓個身位俾我行嘅時候,肥豬腦細就由房走出嚟...

「我而家要出去見個客,今日都唔返嚟㗎喇。自己做完晒嘢就放工啦吓~」肥豬腦細拎住個公事包急急腳走人。

『呀老闆...』我都未將我要講嘅野講完...

「點吖係唔係想問我拎返食飯錢吖冇料又扮四條!」

『唔係唔係~我話咗我請就我請啦~我係想問...星期四我可唔可以請日假?』

「請假...得得得得得啦你做得晒啲嘢就請啦吓我趕時間呀係咁...」肥豬腦細邊講邊衝出門口。

嘩掂!咁都俾我補得返!

我幾撚驚呀真係!

又真係估唔到...縱使兜咗一大段路...都可以...

咁講法...就算真係誤跌入另一條路...就算嗰條係Bad嘅路線...都有機會...走返去Good嘅路線...

只要...時機...

好~都係唔好諗咁多住~覆返阿Wing先~

我笑笑口咁立即Send個WhatsApp俾阿Wing~

“OK!假已請~”

“噹” “Wing:賜酒錫晒哥哥^3<”

好~又搞掂~雖然已經係第四次輪迴...之但係...今次...

今次都真係...算係峰迴路轉...

縱使係同一日...

「你同你細妹嘅感情...好似幾好咁喎~」Emma行近我身邊,帶住甜美嘅微笑打量住我~

『吓?呃...都幾㗎...幾㗎...』呢句說話...係Emma第一次講...第一次問...

之前都冇...冇提過...

『你又知...係我細妹?』正正就係第一次...今朝成朝...一直都冇提過...我有細妹...

「吓吓...呃...見你咁溫柔咁話放學返到屋企...又摺衫咁...明顯係細妹啦~點睇都唔似係細佬~我我...我唔係有心偷聽㗎~」Emma尷尷尬尬咁揮揮手~

『哦~我冇所謂㗎~冇所謂㗎~我可以喺你面前講電話就唔介意俾你聽到啦~』哦~原來Emma嘅摩擦力都幾強㗎喎~

只係聽我講咗幾句...就估到我有個細妹~

「你細妹仲讀緊書?」Emma行近我身邊。

『係吖~佢今年中五~』Emma嘅體香...又聞到喺Emma身上散發出嚟嘅體香...

真係好香...係唔係靚女身體必定香?

呢個係定劣~

「咁咪同你都相差一段距離?」Emma好似好有興趣咁。

『嗯?哦~係吖~我哋相差九年~本來兩老生咗我就冇諗住再生~細妹係一個意外嚟嘅~不過我哋都好錫佢~佢都好生性~』我哋呢啲貧窮家庭...生一個都難養...

「相差九年吖?好有愛喎~」Emma眼仔碌碌咁打量住我~

『吓?點解好有愛呢?』我打量住Emma。

有咩關係?

「相差九年喎~兄妹之間相差九年係最有愛嘅距離~」Emma帶住甜絲絲嘅微笑~點點頭~

『唔係條溝好深至係咩?』條溝...講完出口先覺得有啲性騷擾...

「咁你又覺唔覺得同佢條溝好深吖?」Emma雙臂夾一夾對豐乳~帶住甜美嘅微笑打量住我~

『呃...咁又...冇嘅...』有對比之下...你條溝深好多...

「冇嘅話即係好有愛啦~」Emma咬住下唇點點頭~

『點解呢?』我又真係唔明喇...

「咁我嚟問你喇~你細妹由細到大,屋企邊個照顧得佢最多?」Emma雙手放後~企到直一直~

『我~屋企窮吖嘛~兩老都要做嘢...我同細妹就好似相依為命咁...』真係同冇老豆老母冇乜分別...

「同我嘅估計一樣~哥哥大細妹九年~哥哥都有能力照顧細妹~仲要由細到大都無微不至~喺哥哥嘅愛護之中成長~幾咁有愛吖~」Emma點晒頭咁~

『哈哈哈~會唔會諗多咗吖?佢唔嫌我煩嫌我老土避開我都謝天謝地啦~』仲話有愛...

「咁佢有冇嫌你先?」Emma又甜絲絲咁打量住我~

『咁又冇...』一直都...冇嫌...

反而係我怕令阿Wing反感...成日都想保持返啲距離...

「咁咪係囉~冇嫌即係有愛囉~」Emma甜絲絲咁點點頭~

『哈哈~呢個世界唔係咩都係非黑即白嘅...』唔係一就二咩...邊有咁簡單吖?

「唔係咁㗎咩?」Emma一頭問號咁~

『點講呢...你冇兄弟姊妹?』我打量住Emma~

「冇吖~」Emma擰擰頭~

『咁肯定全家都錫到你濃啦~掌上明珠~』嘩真係不得了~

千金小姐喎~仲要得一粒囡喎~

「係就係錫到濃~不過我父母都好忙㗎~由細到大都係爺爺睇住我嘅~」Emma諗吓諗吓~點點頭~

『夠晒啦~有爺爺錫喎~萬千寵愛啦~不過咁都寵唔壞你又真係難得~』爺爺寵個孫女,一定比起老豆寵個囡更嚴重~

話晒爸爸都總會怕寵到個囡壞晒唔知點嫁人~最後嫁唔出黐住自己就麻煩...

但爺爺就唔同喇~話知你啦~寵到幾壞就幾壞~寵到壞晒更加好~到最後搞著自己個仔當報仇~

「我俾人寵壞過你...唔知姐~」Emma咬住下唇~笑笑口咁打量住我~

『我又真係睇唔出你有幾壞過...』明明就係剛落凡間嘅天使...可以有幾壞...

「講返你吖~你細妹仲係學生...咁你咪識唔少學生妹囉?」Emma好似好有興趣咁~

『我?邊有吖...』我都想有學生妹食...識...

「點會冇吖?」Emma一頭問號~

『點會有吖?』我又好奇喇...

「咁你細妹總會帶啲朋友仔上屋企㗎嘛~」

『冇喎...』

「一個都冇?」

『冇喎...』

「小學嗰陣都冇?」

『冇喎...』

「淨係帶男仔返屋企?」

『冇啦~我又真係冇見過佢帶人上嚟屋企...男女都冇...』真係講開又講...又真係冇試過...

「你細妹冇朋友㗎咩?」Emma疑惑咁打量住我~

『又...唔係吖...小學嗰陣接佢放學...都有好多朋友仔...上到中學...睇佢Facebook IG嗰啲都見有唔少Friends...』係咯...都好正常㗎...阿Wing啲社交...

「你有偷睇你細妹嘅Facebook同IG㗎?」Emma碌大對大眼仔~雙手指指我~

『唔係唔係...咩偷睇吖?咁佢叫我Add佢Follow佢就自然會睇到㗎啦...』係就係好多時都係有心睇嘅...

「我又想睇吓~」Emma好似好有興趣咁~

『哦...OK嘅...咦?啱啱Hang完...』我郁一郁隻Mouse...又撳一撳個Keyboard...

打返開個網頁...開返Facebook...搵返阿Wing...

Emma就行近啲...烏一烏前睇清楚啲:「嘩!呢個就係你細妹喇?好靚女喎!」

Emma淨係睇到阿Wing嘅頭像都已經大讚~

『靚㗎...估唔到我呢個咁樣衰嘅阿哥都有個咁靚嘅細妹呢?啲好嘅基因留晒俾佢吖嘛~』哈哈...

「咁你又唔好咁講你自己~你都唔差吖~撳入相簿睇吓~撳入相簿睇吓~」Emma指指個Mon~

『哦...』我就撳入阿Wing嘅相簿...

相簿一打開...阿Wing啲靚相就出晒嚟...

「嘩嘩嘩~好多相吖好多相吖~」Emma捉住隻Mouse撳幾撳~「連小學嘅時候都有!喂你細妹小學生嘅時候都咁得意可愛㗎喇?實好多人鍾意啦!」

『都...都幾㗎...幾多人鍾意㗎...啲老師都好錫佢嘅...』Emma貼得咁埋...搞到我...搞到我有啲唔係咁好意思...

Emma嘅香味...仲有...佢嘅體溫...

貼得咁埋...我感覺到佢身上...微微嘅體溫...

仆街喇...我下面...又不知不覺咁...好似有啲反應...越嚟越有反應...又扯扯地喇!