由我再返翻嚟星期一嘅朝早...見到阿Wing戴上黑色Bra...我就喺度諗...

今次我想試試...行返琳琳問我可唔可以放學去我度做功課嘅路線...

我係想試試...琳琳會唔會再開口問...

假如我又喺早啲嘅時間出門...會唔會又遇到琳琳...

而今次我決定唔返工...請一日假...可以俾琳琳嚟我屋企做功課...就睇佢有咩反應...





雖然問嘅時間同地點有出入...之但係最後琳琳都有問到...

而我答可以...琳琳睇起上嚟都好開心...

呢個轉變又算唔算係好嘅轉變?

應該都OK嘅~最起碼令到琳琳開心~又唔使佢一個人咁寂寞~仲可以陪佢做功課~(教就講唔上喇~而家啲小學功課好撚深㗎!我都未必識...)

對琳琳嚟講,都應該真係好轉變~之但係...對我嚟講呢?





我雙手插住褲袋轉身,開始向市中心方向行。

對我而言...其實就真係冇乜影響...

我都仲係唔知關鍵鑰匙係乜...

就算行另一條路線...都係冇方向...

可以話就只有博彩...





行一條未行過嘅路線...睇吓會遇到啲咩事...會遇到啲咩人...

好彩嘅就話屎忽撞棍俾我遇到關鍵鑰匙就話破解到無限輪迴地獄~

但好似我呢啲永遠一樣黑嘅非洲人...遇唔到特別事又遇唔到特別人...平平淡淡咁過咗呢一日...咪又係得個吉...

真係唔知...真係唔知應該點...

一面懊惱咁行...行去市中心...差唔到行到去七仔...就見到上身一件綠色Tee,下身一條卡其色短褲加人字拖...一睇唔係以為賣豬肉就一定係被人賣豬仔嘅麻甩佬喺馬路邊食緊煙...

肉榮已經到咗。

我就行近肉榮,佢都察覺到我嘅霸者氣息正逐步接近!

肉榮擰過頭過嚟,叼住飛煙:「屌你老味咁撚遲㗎...」





我行到去肉榮身邊:『SoLy囉~有啲嘢做遲咗啲姐~』

「屌你個嘴啦...有嘢做就咪撚約我一個鐘後到啦...早知就打埋個J先出嚟啦...搞撚到我谷住谷住咁...」肉榮隊包綠Luck俾我。

『咪撚打咁多J啦...虧㗎!』我接過包煙,拎一飛出嚟,隊返包煙俾肉榮。

「嘩~你唔係話戒煙㗎咩?」肉榮拎個火機出嚟幫我點煙。

『證明我幾咁俾面你~』我深深一扯...

「嘩屌你啦講呢啲嘅~」肉榮深深扯啖煙,搭搭我膊頭。

『講呢啲又唔啱聽吖?』而家啲人真係難服侍~





「啱聽啱聽~點姐?係咪有心事吖?講俾哥哥聽~」肉榮又扮晒關心~實質就係花生~

『嘶...』我深深咁扯一口,『冇喎~』

今次我...唔講喇...

「真係冇?」肉榮疑惑咁打量住我。

『冇吖屌你...』講嚟都冇幫助...不如唔講...

「但你個柒樣唔似喎...」肉榮叼住飛煙,打量住我。

『屌你講又唔撚信...』講咗出嚟你咪又係唔撚信...講閪咩~

「屌唔講就算撚數~」肉榮扯一扯飛煙,呼一口,「唔好話我唔聽你講~」





『算撚數啦屌...』我都扯一扯飛煙,『不嬲都冇人聽我講嘢㗎啦...』

有人問我...我就會講...但是無人來...

「咪就係你唔講又點會有人聽吖?」

『就係冇人聽我先唔撚講咋嘛...』

「屌你你講咪有人聽囉!」

『有人聽我咪講囉!』

「咁你唔講又邊有人聽吖?!」





『咪就係冇人聽我先唔撚講咋嘛!』

「唉屌你收皮啦...」肉榮深深一扯飛煙,冇我咁好氣~

老老柒柒好多時都唔係我唔想講...而真係冇人想聽我講...

我唔知有幾多人會好似我咁...有好多嘢都想講出嚟...但一開口啲人就會無視你...講其他嘢...

講IG邊條女大波...講YouTube邊條女大波...講街訪邊條女大波有冇IG...

屌你老母講嚟講去都係邊條女大波...有冇IG...

有乜撚為呢?俾你Follow到咁又點呢?有得食咩?

淨係識講女女女女女...個Friend唔開心有煩惱唔好話要你幫...連聽佢呻吓都唔撚願...

唉屌我真係冇朋友...

講返轉頭,今次我唔想再同肉榮講有關無限輪迴地獄嘅事,係因為...屌真係講嚟都嘥氣~

算啦~佢都幫唔到我㗎啦~

我更加唔想提戴帽嘅事...

屌~提嚟托柒咩~

我同肉榮兩條麻甩佬企喺垃圾桶旁邊BBQ...

「喂~咁想食咩吖?」肉榮又扯一扯飛煙。

『太興吖...上兩次都係食太興...』反正都係...唔差在啦...

「吓?上兩次?」肉榮一頭問號咁打量住我。

『係吖...上兩次我哋星期六出嚟食飯吖嘛...』屌唔覺意漏咗口風...

「係撚吖?上兩次我哋都係食大排檔吖嘛!」肉榮又叼住飛煙打量住我。

『屌咁咪上兩次星期六日你搵我出嚟食Lunch囉...』都係繼續鳩吹...

「我幾撚耐冇六日搵過你出嚟食Lunch吖?」肉榮扯飛煙,冷眼望住我。

『你都知耐呢?』我回返個冷眼俾肉榮...

「呢句我講先啱吖屌你!次次搵你你都話要溫女!尋日一早約好踩單車又係咁!又臨時甩底!」

『屌咪撚提...』

「嘩...你溫女放鳩我哋大飛機又好似我哋錯咁喎...」

『唔係唔係...』

「真係唔係?」

『真係唔係...真係唔係...』

我同肉榮扯埋最後嗰啖,然後都輕輕將煙頭彈落煙灰缸後,就橫過馬路。

行入太興搵返上次坐個張卡位...

喺肉榮正想拎起Menu之時,我就同個阿嬸講:『兩個C餐CT。』

「好...」個阿嬸好快咁落單,轉身行咗去。

「嘩我屌你唔使問過我㗎?」肉榮放返好個Menu。

『證明我知你心吖嘛~』揀乜鬼吖...個個餐都差唔多㗎啦...

「收皮啦...」肉榮冷眼打量住我。

『知你心又唔啱...』而家啲人真係好撚難服侍...

「收皮啦...屌你咁知我心,呢餐你請~」肉榮老實不客氣~

『屌你啦...唔使做搵幾皮嘢一個月都要我請...人撚渣...』請女食嘢就咁梳爽...

「屌你啦唔使做...血汗錢嚟㗎!搵命博㗎!」肉榮屌晒鬼咁~

『收皮啦...你而家咪又係同我出嚟食早餐...』都係嗰句...請女食嘢就咁梳爽...

「你夠射波啦~」肉榮冷眼打量住我~

『我好日都唔射波...射唔射波都冇你搵得咁多...我一個月得雞碎咁多㗎咋!』重要嘢要講三次...請女食嘢就咁梳爽...

「係咯...做乜咁難得射波嘅?」肉榮隨口問。

『做嘢做得攰咪射囉...』你夠日日射啦...

「嘩你呢啲奴性心咁強嘅奴隸會攰㗎咩?講笑咋嘛?」肉榮鄙視咁打量住我~

『屌啦我覺醒喇...』不願再做奴隸喇...

不論係工作上...定係感情上...

「覺醒?!屌啦瞓啦柒頭~」肉榮冇我咁好氣咁~

『瞓?唔瞓又得唔得呢?』係喎...突然諗起...假如唔瞓...

假如今晚都唔瞓...捱到過聽朝...會唔會真係有聽朝呢?

捱一晚通頂姐...唔死人嘅...

再唔係真係捱得過到聽朝...再同肥豬腦細請假...補眠...都得㗎...

「唉唔撚理你~」肉榮冇我咁好氣咁拎部電話出嚟碌碌~

係咯...假如今次真係平平淡淡咁過...真係可以試試...唔瞓...頂到聽朝...

「唔唔...哈哈~」肉榮一邊碌電話,一邊哈哈大笑~

『JM9吖?』又有乜咁好笑吖?

「冇冇...睇緊個故咋嘛~」肉榮仲係望住部電話笑淫淫咁~

『又係鴻福郎個甜故吖?』我冷眼打量住肉榮...

「係吖係吖~你又知嘅?」肉榮一邊笑淫淫咁望住部電話~一邊點點頭~

『屌都估到啦...滿腦子都是淫邪歪念...』出到嚟都仲要睇甜故...

「咩吖?好值得思考㗎~」肉榮一副博學樣~

『收皮啦...甜故又有乜咁值得思考吖?』唔好話思考啦...一啲營養都冇添啦!

「屌你有冇睇㗎?」肉榮冷眼打量住我...

『冇喎...』我不嬲都唔睇甜故㗎喎~

「你冇睇就梗係唔閪知有乜咁值得思考啦~就等我講你聽啦~」肉榮一副講故佬咁嘅撚樣~

『嗱你咪吖嗱...』我真係對甜故冇性趣㗎喇...

「聽啦聽啦...是咁的。故事係講述一個由細就俾哥哥搞...」

『都話唔撚想聽咯...』

「你有你唔想聽~我有我繼續講~一個由細就俾哥哥湊大嘅細妹...早就對哥哥生愛念...」

「兩杯冰鎮奶茶!」個火爆阿姐放低兩杯冰鎮奶茶!

「細妹細細個就認定要嫁俾哥哥...」肉榮邊飲啖冰鎮奶茶邊講~

『得喇得喇...兄妹亂倫吖嘛我知㗎喇!』屌要我聽幾撚多次先夠吖仆街?!

「又話冇睇咁你又知?」肉榮冷眼打量住我...

『屌你講到又細妹又哥哥又由細湊哥哥到大又早就對妹妹生愛念咁...』我就一輪嘴...

「係細妹由細就俾哥哥湊大...妹妹對哥哥早生愛念吖...」肉榮又飲咗啖冰鎮奶茶...冷眼打量住我...

『屌咪一鳩樣...』咪又係兄妹亂倫囉...

「屌你都唔撚同!繼續聽啦!咁妹妹知道呢就算同哥哥講偷偷地同佢一齊都好...以哥哥戇鳩性格一定唔會接受...於是...」肉榮又停一停,想伸個頭埋嚟...

『屌你仆街啦都話我知咯!』我一手推鳩開肉榮個豬頭!

「屌你未睇過又要扮知...」肉榮又冷眼打量住我...

『啲甜故來來去去都係嗰啲㗎啦...仲要係兄妹亂倫...屌都唔知有乜咁好睇...係好似你呢啲咁嘅變態仆街冇細妹先成日咁多性幻想自己有個細妹嘅話會發生好不可告人嘅咪咪...唔撚會㗎!當你真係有個細妹嘅話,係唔撚會有咁多性故事㗎!』屌真係講起就嬲!

好心啦...甜故都是呃人的!咪撚咁天真信有咁多真人真事兄妹亂倫甜故啦!

你咁撚變態吖...細妹未到十歲就俾你嚇撚怕咗...避鳩開你啦!

仲邊有咁多甜位俾你J吖戇鳩!

「兩個C餐!」阿嬸Dom咗兩個C餐落我哋檯面...

「屌你你又使唔使咁認真吖?」肉榮半帶恥笑咁打量住我~

『仆街啦你...我有細妹㗎!我好撚清楚呢啲故都係呃鳩人㗎!咪撚睇咁多啦!』睇壞腦!

「你唔覺得好有話題㗎咩?你唔覺得好有討論空間㗎咩?」肉榮仲係死唔斷氣~

『唔覺...真係唔覺...』甜故都係俾人J㗎咋嘛~

「道德枷鎖吖~」肉榮冷眼打量住我,搖搖頭...

『道德枷鎖就係枷鎖...有啲嘢你係唔應該去掂...去嘗試打破...』越過嗰條界之後...就返唔到轉頭...

「迂腐~」肉榮又擰擰頭...

『係咁迂腐㗎喇~講真當你有個細妹...真係唔會好似啲甜故咁...甜故都是騙人的OK?』我唔理肉榮咁多~開始食我個C餐~

「咁咪嘗試跟住甜故嘅情節囉~咁咪唔會騙人囉~」肉榮古古惑惑咁打量住我~

『你想講乜鳩吖?』古古惑惑咁...

「兄妹吖~」肉榮流晒口水咁~

屌...睇到肉榮呢個鹹濕樣...好撚想車佢兩巴!