「講真你真係冇諗過?」肉榮又古古惑惑咁打量住我~

『諗乜柒吖屌你老味...』唔撚使講啦...

「你敢講你對你細妹冇衝動過?」肉榮又古古惑惑咁打量住我~

『唉屌我都估到你...冇吖...真係冇吖...由細見到大...係唔會有衝動㗎...』係!我係講大話!但唔通對自己細妹有性興奮又周鳩圍同人講咩?!

「我又真係唔撚信!就算話見開細妹啲粗魯行為,點都會有啲衝動!好似話露底吖~露Bra~甚至喺屋企唔戴Bra飛釘吖~」肉榮一邊食佢個C餐~一邊點晒頭咁~





『你咪撚FF住阿Wing嚟講吖屌鳩你...』我切一切塊扒...

你估我唔撚知你啲衰嘢吖?

「一邊睇個故~一邊FF住有個好似阿Wing咁嘅細妹...嘩屌~好撚正~」肉榮扯晒旗咁嘅鹹濕樣~

『屌鳩你啦...咪撚咁鳩變態得唔得吖?』話撚咗唔好FF阿Wing就係都要FF阿Wing...

果然思想係唔可以植入...





「做咩姐~FF咋嘛~又唔係真係做~唔會對阿Wing造成傷害㗎喎~」肉榮仲要流晒口水咁嘅衰樣~

『夠喇屌你...禍不及家人呀...』仲要係我最愛錫嘅細妹...

「屌你真係好鳩自撚私㗎...自己有個咁正嘅細妹慢慢自己J就得...」

『屌你咪撚再睇阿Wing個Facebook呀!』

「睇都唔得咁霸道...」





『你點止淨係睇吖?睇住嚟J添啦!』

「J姐~都係唔會對阿Wing造成傷害㗎喎~」

『屌你食屎啦...』

「喂講真㗎喎~其實打個J姐~冇問題㗎喎~你有冇試過對住佢啲相嚟J?」

『痴線梗係冇啦...』

「FF呢?FF住嚟J有喇掛?」

『咪撚變態啦...唉屌你真係唔好睇唔多甜故啦!壞腦吖!』屌真係...而家啲人淨係識睇甜故!

啲正經故就冇人睇嘅!





而家天下太平就話姐...唔難保過多幾年香港變天!

「我除咗睇甜故,仲睇好多故㗎!」肉榮邊食邊點點頭!

『屌你吹啦...』我都邊食邊冷眼打量住肉榮...

「咩吹吖?真係㗎!我有睇愛情啦~武俠啦~人性啦~生存啦~科幻啦~暗黑啦~」肉榮叻叻豬咁點點頭~

『嘩...真係好撚得閒㗎姐...』咁撚得閒睇咁多故...真係唔撚使做㗎喎...

「屌要用幾多時間姐~」肉榮又邊食邊得意洋洋咁點點頭~

『屌你睇咁多故仲唔多時間吖?』我返工都唔夠時間做嘢...





「屌你啦~啲故每日連載~出少少又出少少咁~每日睇少少咁咋嘛~好似之前追開個科幻故咁...每日都係睇十至十五分鐘~再唔係儲埋星期六日一次過睇晒~都係一個鐘唔使~」肉榮又得意洋洋咁點晒頭~

『咁㗎咩?』而家啲故係咁出㗎咩?

唔知喎...我都唔睇故嘅...

總係一睇到啲字就...眼花兼頭痛...

「係吖~之前追嗰個故都真係幾好睇~好科幻~」肉榮諗一諗~點點頭~

『有幾科幻吖?』我又想八卦喎...

「個故係講未來嘅香港!」肉榮好認真咁點點頭!

『未來嘅...香港?』有幾未來?





「嗯嗯!講個主角穿越到未來嘅香港...」我冇等到肉榮講落去...

『屌又係穿越故...』悶唔悶啲吖?

一講到未來就要穿越...唔穿越就冇未來㗎喇?

「屌你聽故唔好駁故啦!唔係穿越咁簡單㗎!」肉榮好認真咁點點頭!

『屌又穿越又唔係穿越咁簡單...故弄玄虛咁...』好撚老套囉...

「咁先估佢唔到㗎嘛!真係好估佢唔到㗎!講到未來嘅香港赤化晒!解放軍又可以喺市區周圍走!又有國安局!仲有革命軍反抗!」肉榮講到好肉緊!

『有冇咁誇吖?香港喎...國安局喎...革命軍喎...而家咁太平盛世...要未來幾多年先會咁撚亂吖?』吹到呢...





「我記得個故嘅時間好似係...」肉榮諗一諗,「2035年咁上下啦~」

『2035年喎...得廿年時間咋喎...五十年不變㗎嘛~都未到五十年~』邊可能咁撚亂吖?

「我都覺得冇可能咁亂...唔止吖...嗰陣時仲有個地下組織添㗎!唔係唔係嗰陣時...佢係話個地下組織一直都存在!話唔定我哋而家身邊都有幾個...」肉榮偷偷望望四周...又望望門口...咁啱就有兩條靚女行咗入嚟...

『地下組織?痴線啦...邊有咁多地下組織吖?』我都望住兩條靚女...睇落都係十八九歲左右...著住黑色衣著...坐埋一邊卡位...

屌唔使返學㗎又?

「喂唔係吖...佢又真係寫到似層層㗎...而且佢又唔係單單寫呢個故...佢之前都有唔少作品㗎喇...仲要有唔同類型...又愛情...又生存...連甜故都有寫!嗰陣我都係因為佢個甜故先留意到咋嘛...」肉榮𥄫住兩條黑色衣著嘅靚女...繼續邊食邊講...

『屌你又係甜故...』唉屌你個腦真係...

「唔係吖...佢個甜故好撚有深度㗎!你唔好睇佢係一個甜故...實質係一個愛情故...但當你以為真係一個愛情故咩?其實佢係另一個甜故嘅序...而當你以為真係一個甜故嘅時候...其實佢係一個生存故...而而家呢生存故實質上係前一個甜故嘅枝線...而當你以為前一個甜故只係為下一個甜故作序之時...原來真相係下一個故嘅開端...」肉榮好認真咁望實我!

『嘩屌...複雜到呢...』都唔知噏乜柒...

「係!好撚複雜!我講都唔夠複雜!但又真係俾佢講得通!你以為咁就好撚勁咩?唔止...呢個作者...仲好撚神秘...」肉榮好認真咁點點頭!

仲好撚...神秘?

肉榮飲啖冰鎮奶茶後,好認真咁望實我:「佢從來都冇露過面...冇人見過佢真身...」

『吓?咁又有乜咁神秘吖?好多作家都唔露面㗎啦...』屌等我仲幾咁期待有乜咁神秘...

肉榮真係好撚鍾意誇大其辭...

「唔撚係吖!佢都已經寫咗好幾個故!由寂寂無名,到而家都有成十幾萬人Like佢個Facebook Page,佢個頭象都仲係嗰個!唔用佢自己嘅真人相!」肉榮好撚肉緊咁嘅樣!

『屌咁人哋係唔鍾意露樣又有幾出奇吖?或者人哋成條毒撚咁~再唔係好似你個撚樣咁~點出得街吖?實嚇走晒啲Fans啦~再唔係好似熊仔頭咁咋嘛~一直都戴住個熊仔頭~就算真係樣衰毒撚樣都唔怕~又唔會變樣~又唔會變老~』熊仔頭嘅策略真係Work㗎!

「嗱!呢個就係分別喇!熊仔頭起碼你知佢係男嚟嘅!呢個作家就連係男係女都冇人知!」肉榮好認真咁點點頭!

『吓?』點樣係男係女都冇人知吖又?

「雖然話佢每個故都係以第一身角度去寫...之但係...佢男視覺又寫!女視覺又寫!」肉榮又好撚認真咁點點頭!

男視覺...女視覺...

「佢嘅第一個故係以男視覺寫嘅...當大家都認為佢係巴打之時...佢又用女視覺寫故...」肉榮好撚認真咁望實我!

『咁男人都寫得出女視覺㗎姐...』又有乜咁出奇呢?

「唔撚係吖!」肉榮擰撚晒頭!「佢真係寫得好似㗎!點講好呢...啲絲打都覺得佢好女仔㗎!」

『咁佢真係好了解女人唔得嘅?』好了解女人,自然可以用女人嘅角度寫故啦~

「唔撚係吖!」肉榮又好肉緊咁擰擰頭!「就算係幾了解女人嘅男人都冇可能寫到咁女人㗎!」

『唉屌咁佢可能係女人囉~』唔係男就係女㗎啦~

「唔撚係吖!」肉榮又好肉緊咁擰晒頭!「佢寫返男人視覺嘅時候又好撚男人㗎!」

『屌咁佢係一個好了解男人嘅女人囉~』都係嗰句~唔係女就係男㗎啦~

「唔撚係吖!」肉榮擰到頭都甩!「佢男女都寫嘅時候,真係分唔到佢係男定女㗎!」

『屌咁可能唔係得佢一個囉!』話唔定係一個團隊呢~

「我哋起初都係咁諗...之但係...唔似...」肉榮又好撚認真咁擰擰頭!

『可以點撚樣唔似呢又?』你都見唔撚到佢真身~

「我哋咁多讀者都一直留意...佢啲文筆同用字...好明顯所有故都係出自同一個人嘅手筆...」肉榮成個名偵探金田一咁嘅樣!

『何出此言呢?』我又想知你班偵探又有啲咩證據去支持你哋嘅推斷喎~

「首先第一樣係拖!佢好撚鍾意拖!拖文世一!就算俾人屌,佢個個故都係老閪都要拖!」肉榮飲啖冰鎮奶茶...「然後如果係出自唔同人嘅手筆...就算係幾相似...都總會有啲字會唔同...尤其佢係用廣東話去寫...」

『廣東話?』點樣用...廣東話寫?

「冇錯!係用廣東話!除咗佢第一個故上半Part係以進化咗嘅普通話寫之外...」我冇等到肉榮講完...

『咩係進化咗嘅普通話?』就俾我打斷...

真係唔多明喎...

「嗱是咁的...佢第一個故嘅上半Part係講一百年後嘅香港,已經被中共一國一制後,啲人講嘅都係廣東話溝普通話後變成新嘅語言...」我又冇等到肉榮講完...

『屌咁就係退化咗嘅廣東話啦!』咁叫進化咩?邊度進吖?

「屌你聽故就咪撚駁故啦!」肉榮屌晒鬼咁!「總之就係講普通話,但又有廣東話嘅文法啦!」

『OKOK...繼續繼續...』雖然係有啲複雜...

但不得不承認...真係幾有諗法...

竟然諗到...一百年後嘅香港...用上普通話...呢點唔難!

仲要廣東話溝埋普通話...都唔係重點!

重點係寫出嚟...以呢種手法寫出嚟...的確諗得好仔細...

「講到邊...」肉榮諗一諗,「屌俾你打一打斷就唔記得...」

『用廣東話寫故吖...』唔好話我唔留心喇...

「吖係~除咗佢第一個故上半Part外,佢所有故都係用廣東話嚟寫!而廣東話其實有好多字係互通...唔...我就簡單咁舉個例子...“撳”機個“撳”字...」肉榮拎住隻叉...

撳機個撳字?

肉榮就點一點啲紅色嘅茄汁,喺碟上寫:「可以寫成㩒...又可以寫成撳...」

我就望住肉榮隻碟上有勁樣衰嘅“㩒”同“撳”字...

「除咗個撳字之外,仲有“俾”同“畀”字佢會用“俾”...怕羞個“羞”字佢會用“羞”唔用“醜”...仲有好多好多個字都係...我哋一直暗中留意又好...講明出嚟都好...佢都係冇變過...一直係用開嗰個字...所有故都會係用嗰個字...彷彿要話俾所有人聽...佢係一個人...得佢一個人...」肉榮一副懸疑樣...

真係...真係要話俾人聽...佢係一個人...得佢一個人?

『咁你哋有冇問過佢係男定女吖?』有啲咩直接問咪得囉~

「梗係有問過啦!初初見佢用男視覺寫以為佢係男!之後用女視覺就有巴打問佢點解咁了解女人!佢就話了解又有幾出奇!然後有絲打都忍唔住問佢係唔係女作家!佢就反問返有冇睇佢其他故!」肉榮好認真咁擰擰頭!

答得咁...模棱兩可...

「總之就冇認過,又冇否認自己係男定係女!」肉榮一邊擰擰頭,一邊繼續食早餐。

『咁...咁佢叫咩名?』話唔埋...喺筆名可以睇出係男定係女...

「佢吖...」肉榮諗一諗,「波羅的海的一顆夜明珠...」

波羅...的海...的一顆...夜明珠?!