貧民窟走出嚟嘅異能球星 (第一季已完結): 第04章

04

———自此，馬天尼就少咗夜晚去街場，多數留喺屋企陪愛米彌亞，有時馬天尼會叫愛米教佢彈琴，等愛米多少可以再次接觸音樂。

———喺屋企人嘅支持下，愛米彌亞都諗通咗，決定轉校過嚟做艾瑪同馬天尼嘅學姐，放棄修讀音樂。

———「兄弟，頭先果個靚女係咪你女朋友？」Howard放學後喺球館更衣室問馬天尼，佢午飯時間見到馬天尼帶住愛米喺Campus四圍行。

———「No. That’s my elder sister.」換緊衫嘅馬天尼乾脆地答，免得被誤會。



———「真係羨慕你！屋企有咁多靚女！」Howard流哂口水咁嘅樣。

———「哈哈，我呀媽仲靚呀。」馬天尼串尻侯活。

———「What!? You motherfucker!」侯活笑尻馬天尼。

———「食蕉啦你！」馬天尼有啲頂佢唔順，侯活呢條友無咩缺點，唯一就係成日精蟲上腦。

———不過去到球場上每個人都好認真練習，而家鬍鬚教練擺咗個陣俾佢地苦練。



———-主要Starters都訂好咗：新星Ben打控球，高四嘅老鬼Collins打得分射手，馬天尼打小前鋒，新人大隻仔Louis打大前鋒，Howard打中鋒。

———鬍鬚教練都幾大膽起用新人，好多波路唔差嘅老鬼都俾佢收作後備。

———新星Ben自從上次俾馬天尼打摷咗之後都有自我檢討過，加上馬天尼無私嘅指點，令佢技術全面都得到提升。

———放眼全美高中生都唔係咁多人守到新星Ben嘅切入，所以照用佢打控衛整體上進攻效率會高啲。

———而鬍鬚教練欣賞馬天尼嘅鐵血防守，可以閘住除咗中鋒4個位置號進攻。



———而侯活係傳統型重量級內線球員，身高2米08，係高中生嚟講算係咁。

———Collins上年場均得分有14.5分3.3助攻1.8抄截，3分球命中率高達36.4%，攻守全面，表現尚算穩定。

———大隻仔Louis身高1米9，移動腳步快，有外線投射能力，可以同馬天尼互換位置，最重要係鬍鬚佬覺得佢傳球視野廣闊，唯一缺點係成日發夢，唔夠集中。

———所以當佢表現唔穩定會即刻用另一個老鬼Otis替換，Otis就瘦啲慢啲，但控球好啲同定啲。

———鬍鬚佬嘅陣地戰戰術好簡單，先掌握對準3秒區發動攻勢，由新星Ben、馬天尼或侯活3人發動出3種唔同嘅進攻戰術。

———當對方收緊聯防嘅時候，再以另外3個演化出嚟嘅類似戰術分俾4個外線球員走空位投籃。

———鬍鬚佬對偏向個人主義嘅新星斑同馬天尼進行咗好幾次洗腦，2人幾乎發開口夢都識背果句「籃球係團隊合作嘅運動」。

———馬天尼今晚帶住三套新派發嘅球隊波衫返屋企，波衫正面印住Achievement First高中字眼，後面印住Tinsley嘅姓氏，號瑪為27。



———Kelly媽媽見到馬天尼用咗Tinsley作為姓氏嘅波衫喜出望向，佢知道馬天尼接受咗呢個家，背後嘅意義遠遠大於一件國家隊嘅波衫。

———至於點解揀27號？愛米嘅生日喺2月7，諗到未？

———「小馬，件衫好靚。」Kelly媽媽一走咗入廚房，愛米就笑咗笑咁講。

———「多謝，感謝天父，妳鍾意就好。」馬天尼講完即刻覺得好似講錯嘢咁，場面有啲尷尬。

———但愛米笑得好甜，令馬天尼個心跳得好快。

———呢個時候艾瑪帶住仙蒂同法蘭奇落嚟樓下玩，見到馬天尼件波衫即刻搶先話要一件。

———之後仙蒂同法蘭奇有樣學樣每人又拎走一件，氣氛先叫做無咁尷尬，不過馬天尼要諗吓點先可以喺呢三條大帝手中拎返啲衫。



———第二日馬天尼同艾瑪、愛米一齊返學，愛米見艾瑪一路攬住馬天尼結實嘅手臂，唔執輸咁自己又攬埋另一隻手臂。

———搞到馬天尼心花怒放，莫非琴晚件27號波衫打動到愛米？

———結果愛米補咗句：「我怕失平衡，借個手臂嚟用吓，嘻。」

———「哼！愛米彌亞係小偷！」艾瑪睥咗愛米一眼，攬住馬天尼隻手揸得更實。

———就係咁，馬天尼朝朝早都拖住兩個靚女返學，成為咗No.1男人公敵。

———兩姊妹有時會去睇馬天尼練波，等埋一齊仨人行返屋企。

———啲隊友直頭當馬天尼神一樣咁跪拜，然而，經過一段長時間嘅相處，佢地都非常認可馬天尼嘅實力。

———鬼咩，馬天尼而家少咗去街場賺錢，而家咪搵啲隊友開刀囉，上星期Collins先輸咗100美金俾佢！



———2089年12月24號平安夜，同時係馬天尼同艾瑪嘅16歲生日。

———佢地晏晝喺屋企搞咗個生日派對，請咗啲同學朋友同波友嚟切蛋糕慶祝。

———夜晚一家人出去食飯，行路返屋企嘅時候，馬天尼手抱住瞓著咗嘅法蘭奇，一路行一路喊。

———「發生咩事啊？」Kelly媽媽好奇訝地問。

———「無... 無咩嘢... 我只係... 只係太開心... 我未試過擁有屬於自己嘅派對... 未擁有過果啲蛋糕、果啲禮物、果啲笑臉... 從來都未... 我好感恩... 你地太美好... 我...」馬天尼越請越控制唔住內心激動嘅情緒。

———Kelly媽媽即時抱擁住馬天尼，眼淚亦一滴滴咁滑落到馬天尼嘅外套上面：「我嘅孩子... 你係有幾咁善良... 同時亦非常可憐... 以後我地一家人都會陪喺你身邊... 我地永遠係一家人...」

———仙蒂、艾瑪、愛米彌亞相繼一擁而上，一家人齊齊抱頭痛哭，為身世可憐嘅馬天尼傷感之餘亦夾雜住一份珍貴嘅溫馨。



———而當晚接近凌晨時份，發生咗一單差啲毀滅馬天尼幸福嘅事件。

———16歲嘅艾瑪深夜走入馬天尼間房，送咗一份「禮物」俾馬天尼，同時向馬天尼索取返一條「禮物」。

———馬天尼正值血氣方剛嘅年紀，瞓瞓吓根本唔知發生咩事，不經思考之下做咗件全世界男人都會犯嘅錯事。