[愛情] 心連心 (粵語): 11. 第X日 (番外篇)

子恩佢話：「真係冇問題？」 

我拖住佢隻手，行入屋：「阿爸阿媽喺舖頭，家姐返咗工，冇人㗎喇。」 

佢走入屋：「都有一段時間冇返嚟啦。」 

係喎，其實佢都算係「住」過我屋企，仲要係佢喺我個身體裡面嗰陣。 

佢好自然咁去咗廚房：「你飲唔飲嘢？」 我搖頭。 





佢喺雪櫃攞咗包果汁。 

我話：「妳仲飲凍嘢。」 

佢伸一伸脷：「我就想飲，反正M痛嗰陣你會陪我嘅。」 

我搖頭：「唔好講啦，妳提起我嘅痛苦事。」 

佢飲咗啖果汁：「唔係㗎，其實邊度有男朋友親身經歷過女朋友嘅M痛？你最犀利，你係切身感受，所以先對我咁好。」 





我望佢：「好彩，以後唔會再發生喺我身上。」 

佢冷眼：「係囉，我幾唔好彩囉。」 

我攞咗包果汁嚟飲：「係嘅，妳每次M痛我都第一時間到。」 

佢講：「你係至好講。」 

我哋入咗房，坐喺床度，佢話：「你間房啲嘢呀，知唔知我幫你𢴇過㗎？」 





我記得換返身體嗰陣，所有佢做過嘅嘢我都自動知道晒，佢幫我做咗好多嘢。 

我回：「知，妳最好㗎喇。」