陸聿說: 提攜

「Maggie姐！」
「Cleo，做咩咁好打俾我呀？」
Maggie是大老闆的秘書，大老闆有Job交下來，通常都是通過Maggie派出去，只有小部份非常重要的Project才會由大老闆親自發放和審批，所以Maggie是名符其實的一人之下，萬人之上。我這個Grade的經理，為了爭Job，基本上每個人都會巴結她。
「無呀，我聽講Maggie姐你位公子想入St. Jo，咁啱我個朋友識得佢哋校長，咁咪諗住睇吓Maggie姐你同令公子幾時得閒，幫你哋約校長見個面囉！」
「點好意思麻煩你呀！就返校長啦，我哋幾時都得！」
「無問題，陣間幫你約時間，等我好消息！」
「係喎，你打俾我係咪想接Job呀？」
「真係無嘢瞞得過你嘅法眼呀，Maggie姐！我聽講隔離B Team Anson想做Project Mix喎，大老細批咗未呀？」Project Mix，是近來炙手可熱的大Job，由大老闆親自把關。
「Project Mix? 批就未批嘅，不過聽日就Application Deadline喇喎，你寫好Proposal未？」
「梗係寫好啦，不過今次唔係我做，係我個部門嘅Chris Chik。」


「佢未夠班喎！你都知啦，做哩個Project嘅門檻係Grade H，如果我無記錯，Chris而家係Grade I，咁唔啱規矩喎！除非... 你肯用Grade E嘅身份sponsor佢。不過就算你肯，sponsorship都要一星期前入紙申請，而家太遲喇！」
「Maggie姐，我想sponsor佢呀，麻煩你幫幫手吖！」
「先旨聲明，就算你肯sponsor佢都好，我都唔擔保大老細一定會揀佢㗎，如果大老細揀咗其他人，你就嘥咗個今年個Sponsorship，你肯定你要用？」
「要！多謝Maggie姐！」
「好啦好啦，見係你咋！快啲去入紙啦！」

臭阿直，看你還如何去約會！