陸聿說: 安排

「大佬大佬大佬！」不出所料，是阿直的電話。
「咩事呀，咁激動。」
「你有冇睇Admin個通告呀？Project Mix tag咗我個名！Chris Chik呀！」
「驚唔驚喜，開唔開心？」
「大佬... 你唔係話由得我繼續喺你身邊做隻開心的馬仔㗎咩？」
「你係咪想成世都唔升？上次公司地震，我哋個部門炒淨你同Jasmine兩個Grade I，其他淨低嘅人全部都係Grade H 或以上，如果下次再震，你估會炒邊個？」
「我驚自己未夠班處理哂成個Project呀...」
「你之前幫Andrew做過Project Nico，又幫阿Jade做過Project Icon，都係時候出師啦！如果做Project Mix嗰陣有咩唔明，可以問阿Jade同Andrew，仲有我做你嘅最強後盾吖嘛！唔講嗰句都講埋，今次Project Mix 係大老闆親自落order，我Sponsor你先幫你爭到返嚟，你要俾心機做，只要做得好，大老細就會記得你，升一個Grade完全冇問題！」
「大佬... 多謝你... 我會努力㗎喇！咦，唔好住先，你一年得一次Sponsorship，而家俾咗我，咁Jasmine點算？」
「咁而家又未地震住嘅，你專心做好Project Mix啦，其他嘢我會處理㗎喇！」




小徒兒，你和阿直我都不想失去，雖然阿直和你約會讓我很不爽，但她這些年來在我身邊一直都很努力，經驗也確實比你豐富，所以Sponsorship才會用在她身上。這並不代表我要放棄你，我一定會再想其他方法保住你！希望還來得及...