星期五的早上。
「師傅,阿直近排好似好忙咁嘅,成日搵佢都唔應機。」阿直阿直,又係阿直!
「你有嘢唔明咩?做乜成日搵佢呀?」
「唔係,我見佢成日都好夜仲send email出嚟,有時想問佢嘢又搵佢唔到...」
「其他人幫唔到你咩?」
「師傅,阿直係咪激嬲咗你呀?」
「點解咁問?」惹我生氣的人不是阿直,是你呀!
「無呀,你平時好小會咁樣...」
「點樣呀?」
「咁惡囉...」


「有咩?無呀!如果無其他事就返出去做嘢啦,我要開會。」

第一次,我把她趕了出去。如果再任由她阿直阿直的一直問下去,我真怕自己會忍不住問她,為何那麼關心阿直...

剩下的大半天她都沒有再出現,接踵而來的會議也讓我忘了今早的小插曲。回過神來已經八點多了,屬於她的位置空空蕩蕩,就像我見不到她的心情...

自從整個部門都Work From Home之後,辦公室𥚃就只剩下我和她。我藉口說為免她暴露於交通工具的多菌環境,每天都會駕車送她往返公司,就算我到了放工時間還在開會,她也會有意無意的等我。早晚一次三十分鐘的車程,成了我一天之中最快樂的時光。

今天... 她應該是真的生氣了,才會獨自離去吧...



開車回家的路上,我在公司樓下的十字路口看到讓我心心念念的人兒... 和阿直。她們邊等紅綠燈邊說笑,直到阿直發現了我的車。沒有看向她,我故意在轉燈時踩下油門,疾馳而去。

星期五晚上的約會?!WTF!

「大佬,可唔可以傾兩句?」回到家中,我正一個人喝著悶酒,卻收到來自阿直的訊息。

「講」

「Jasmine話你今日心情好差,佢問我知唔知發生咩事... 」
「我見大家咁耐冇見,我又想出嚟抖吓氣,咪約佢見吓面囉...」



「你約邊個唔需要同我交代」

「我哋無嘢㗎!其實Jasmine搵得我,多數都係問關於你嘅嘢... 佢知我同你熟吖嘛!」
「不如... 我下次叫佢自己問你?」

「你自己決定」

「大佬,頭先喺燈位嗰度Jasmine都有見到你...」

「So what」

「佢應該feel到你嘅怒氣,眼紅紅咁囉...」

沒有再回應,因為我的心思已經不在和阿直的watsapp上了。該怎麼辦呢?打電話去道個歉?



算了,等星期一送她去公司時再觀察一下好了... 可她還會坐我的車嗎?還是干脆和其他人一樣Work From Home?唉...