《我希望你身邊既，全部都係肥婆豬扒同師奶》: 中。最後勝利
https://www.youtube.com/watch?v=I2wZVghNlgI
中篇。 最後勝利
我按著手機熒幕，掃視著電話裡的whatsapp對話。
「呢條裙係咪著到我好肥呀？要減喇…」
「唔係呀，妳依家岩岩好，我覺得幾靚喎。」
我的心一陣絞痛。
「幾時出黎食飯呀？」
「妳約到，幾時都得啦！」
「唔怕女朋友呷醋咩？」
「冇所謂喎，唔通有女朋友就唔洗食飯咩。」
我的眼睛通紅，卻還是不死心的看著手機熒幕。
繼續偷偷的查看阿晨的電話。
耳邊傳來浴室裡花灑關上的聲音，阿晨洗完澡了。
我連忙把手機鎖上，小心翼翼的放回原先的位置上。
阿晨打開門，邊用毛巾擦著濕髮。
「老婆做咩呀？呆左咁坐係度。」阿晨走過來，親了親我的唇。
「冇呀…等你沖完涼囉。」我說，做了虧心事的我盡量裝作自然。
「傻瓜，我吹完頭就出去架喇。」
「阿晨，你今晚幾點返黎呀？」
「嗯…都好耐冇見呀鬼班死仔，可能會夜少少架。」阿晨若無其事的說。
「哦…好啦，我係度等你返黎，唔好咁夜呀！」我笑著說。
心裡卻在哭。
阿鬼他們？明明是跟別的女孩約會。
我恨他說謊，更恨自己沒有勇氣揭穿他。
更恨自己，即使如此，還是不能離開他。
還是甘心被他騙著。
我要怎樣做，你才會甘心只有我一個？
我真希望，你身邊的女性，全部都是肥婆﹑師奶和豬扒。
「…咦？阿晨，你又話去左打波既？」
我走進一所咖啡店裡，卻見到阿晨正與一名女孩在這裡。
「係呀…」阿晨站起來，把我拉到一邊。
「岩岩打完波，咁岩見到cindy，咪同佢黎飲杯咖啡囉。老婆唔好嬲啦。」阿晨說，還扁起嘴巴裝出一副可憐的樣子。
「…點解唔講比我知？我仲以為你去左打波…」
「sorry呀老婆，下次唔會架喇，妳返去先，我好快返黎陪妳好唔好？」阿晨說。
我還可以說不好嗎？
如果我發難，他就不會再留在我身邊了。
他不需要一個囉嗦的女朋友。
他身邊的女孩不缺，隨時可以有人代替我。
我要繼續跟他一起，繼續擁有他的溫柔，就要忍氣吞聲。
「咁好啦，你早d返黎呀，我等你。」我微笑著說，離開咖啡店。
然後獨自在街上落淚。
為什麼要這樣卑微呢？
他是我的唯一，我卻從來不是他的唯一。
卻偏偏離不開。
卻甘心做一個被他愚弄的笨女子。
即使每日都要擔驚受怕。
只是這一次，我無法再容忍。
「好耐冇見喇，你最近點呀？」
「冇呀，咪又係咁。妳呢？有冇男朋友錫呀？」
「冇呀，都好耐冇拍拖喇…」
「哈哈，仲掛住我呀？」
「…如果我話係呢？」
「…咁我就會答妳，我都係。」
「你唔係有女朋友啦咩？生生性性啦。」
「可唔可以見妳？」
「你唔怕咩？」
「咁耐冇見，咪當敍舊囉。」
「…好呀。」
我拿著手機，身體在抖震。
是前度。
我最討厭的生物，就是前度。
她曾經擁有過你，曾經佔有過你，曾經是你生命裡重要的一部分。
你曾經喜歡過她。
「…妳攞住d咩？」阿晨打開房門。
「…點解你要咁對我？」我握著電話，啞著聲音問。
「妳偷睇我電話？」阿晨怒目向我。
「係，我一直都有睇，我一直都知道你有同其他女仔出街，只係我扮唔知！」我說，阿晨一步步走向我。
「…其他我都可以都唔知，呃自己你只係愛我一個。但係你點解要見ex呀？」我說著，眼淚不受控的落下臉龐。
「因為佢比到我既野，妳從來都比唔到我。」阿晨冷冷的說，奪過電話。
「點解？我已經咩都就哂你，明知你出去見其他女仔我都當冇事，你仲想我點呀？」我嘶啞著聲音說，眼睛被淚水模糊得看不清阿晨的臉。
「佢唔會偷睇我既私隱，佢好識做，佢會比空間我，佢溫柔，佢會體諒我。妳呢？」阿晨開始數落我。
「…我真係咁差咩？點解你唔可以剩係鍾意我一個？我既世界只有你，點解你唔可以…？」
「我冇對妳唔住，冇同過其他女仔上床，最多都係flirt下，妳信就信唔信就算。」阿晨拿起外套，轉身想要離開。
我跑過去擁住他。
「…可唔可以唔好走？」我哭著說。
為什麼？
為什麼去到如此地步，我還要卑微的求他？
明明是他背著我約會別人，明明是他欺騙我。
為什麼我還要這樣歇斯底里？
「…留得低，妳知唔知代表d咩？」阿晨還是背著我說。
我遲疑。
留低，代表我願意接受這樣的他。
代表我以後再沒有資格抱怨他在出面勾三搭四。
代表我，完全輸掉了。
我的自尊，我的尊嚴，全部拱手送給他。
任他踐踏，任他蹂躪。
「…我知道。我剩係想你繼續留係我身邊。」我靜靜的說。
阿晨轉過身來，一把擁著我。
「以後唔好再偷睇我d野，知唔知？我真係好憎人睇我d野。」阿晨一邊說，一邊為我抹去臉上的眼淚。
我點點頭，木然的望著他。
我已經連最後的自尊也沒有了。
甘心情願做他的玩偶。
「咁咪好囉。老婆，我愛妳。」阿晨說著，吻向我。
那以後的兩年，我彷彿是個沒有靈魂的空殼。
我的世界就只有阿晨。
像是等待皇上寵幸的妃子，在他的世界裡，我是隨手可得的玩具。
到我懂得離開的時候，已經是很久以後的事了。
那時候，我的自尊已經蕩然無存。
而那以後，我變得不再相信愛情。
不相信自己，也不相信別人。
因為只有不相信，可以保護自己。
可以保護自己，不再掉入感情這個深淵。
阿晨帶給我的惡夢，是我一生的疤痕。
是愛，讓女人一敗塗地。
你有背叛我嗎 你有秘密見她
不過你不敢認嗎 我要信直覺嗎
我兩個就散嗎 因你會揀她是嗎
愛到擔驚受怕 誰人也歡迎的你
可愛得太可怕
你要去 難道我追 追得到
我共你都太累 我只想跟你做對
最穩固伴侶（最相愛伴侶）
時常在 發著惡夢 有人搶去你
其實我 很怕當你 感情的後備
太保護你 攔著雙臂
避免跟我爭你的人 碰到你
誰能料 最後我亦可能 不愛你
但最初 我猶如冒了死 去爭這啖氣
到最尾我勝利 我得到你
為何又害怕一世一生對住你
尚要百般遷就你
你眼裡又有她 你暗裡又有她
終有天守不住嗎 我勝過十個她
我有勝利過嗎 慘過放心輸掉嗎
愛到擔驚受怕 全球有影迷的你
可愛得太可怕
仍然在 發著惡夢 有人搶去你
絕望到 給你趕到 感情的絕地
我不服氣 拿著兵器
沒有空放低兩手來 抱緊你
從來沒 發現我亦有權 不愛你
大半生 也提防著某君 進攻爭奪你
到最尾我勝利 放低兵器
回頭望共對手都輸光了力氣
大概勝出的是你
是愛 讓女人一敗塗地