不如我們分開一年，好嗎？: 第二十九章

DSE果然是壓榨你私人時間的怪物，溫習和做練習佔了我很多時間，就連暑假也不例外--當然詠琳也是。

「好多功課要做呀！點解放暑假好似仲忙過返學咁？」今天詠琳致電我跟我訴苦。

「我都想知……」

「話你聽吖，唔計要操卷，我成個暑假已經有三份作文、五篇閱讀報告、成本數學練習、兩份LS同埋一大堆elective……我真係做到想死！！」

「係咁你快啲加油做啦。」



「好悶呀……不如你陪我做？」

「點陪呀？」

15分鐘後，詠琳來到我的家，我們就一起做功課了。

＊＊＊

剩下的整個暑假，基本上都是這樣子: 詠琳會上來我的家，或者我會上她的家，然後大家一起做功課。我們大家都很有默契，要做的時候不會談話。有時候大家做得悶了，就會互相交換功課來做。



「你啲字都寫得幾靚架喎！」詠琳說。

「你啲字都唔錯吖！」

做得累了，就一起下去吃個飯。雖然沒有特別事發生，但是有詠琳在旁，在沉悶的時候充滿樂趣。而轉眼間，中六的生涯要開始了……

「你第時想讀咩科？」今天我罕有地打開話題。

「我想讀傳理系呀，好似幾好玩咁，你呢？」詠琳說。



「中文系囉，過咗咁耐都係覺得讀中文最啱我。」

「都係呀，都係多得你對中文嘅熱誠你先識得我，哈哈！」

「……」

「不過你要加油呀，你第時要做一個好成功嘅作家，然後就要同記者講話要多謝我一直喺你後面支持你！」

「出到名先算啦……喺香港，要以寫作為生，好難架。寫文當做興趣就可以，所以……唉。」

「就係咁樣先至難得架嘛！總之你就以呢個作為目標，如果你得咗我會好開心㗎！」

好吧，就以此作為我目標吧。

＊＊＊



日子忙得很，而生活也平淡得很，因此也沒有特別事可記--當然也不是完全沒有，而那件事就是詠琳替我慶祝生日。

「生日快樂！」今天早上，她以這句話取代了平時會說的「早晨」。

「多謝！」

上年生日，詠琳請了我吃一頓很貴的晚餐；今年的生日，她說要跟情人節一樣煮給我吃。

「我今日難得唔使遲走，一齊放學吖！」

「但係我今日放學之後要交份嘢俾老師先，可能你要等一等我。」

「係咁你搞掂就打俾我啦！」



放學後，我以最快的速度交了功課，準備離開學校。怎樣我還未掏出電話，就已經見到詠琳站在我學校門口。路過的同學見到詠琳，也不禁多看她兩眼。

「Sorry呀，係咪等咗好耐？」我說。

「啱啱到啫！」

正當我們準備離開，又給我見到文謙。

「阿嫂！」他跟詠琳說。我立即瞪了他一眼。

「Hello你好！」

「你就好啦，生日有人幫你慶祝！」文謙拍著我肩膊說。

「下年你生日咪幫你慶祝囉，反正你生日都考完DSE咯！」文謙的生日是在六月，以前正值考試時段，因此都沒有特別幫他慶祝；今年就不同了。



「你話架！係咁我唔阻你地喇，玩得開心啲！」

「拜拜！」