《你信唔信，真係有前世今生》: 1.3

她們老是關心我的感情狀況，這個時候我只想轉移話題。腦海忽然想起剛剛在YouTube上的那條影片。

「啊，你地有冇睇過最近YouTube有條片好hit，有個Youtuber去搵通靈師問前世，話前世同今世係有關連啵。」

「哦，我今日都睇過啊。」Cassandra說。

「其實呢，係咪真係可以睇到前世？你信唔信？」我問。

「我都可以幫人睇到前世，好簡單。」





簡單？知道別人的前世聽起來太不可思議。如果說簡單，有點神棍騙錢的感覺。就像那種電視劇裡面，那些廟街的睇相佬對路過的人說三道四，說著什麼印堂發黑會遭遇不測。

「睇到前世有咩意義啊？都過左去啦。」Simon忽然很理性的問。

「前世嘅經歷，指嘅係過去唔同世嘅經歷，都會影響到今世嘅價值觀、性格同經歷。就好似今晚，我地咁偶然相遇，都係同以前有關。」

「如果係咁，姐係電視劇講咩，我前世欠左你，所以今世要翻黎受氣都有啲根據嘅。」Suki一臉認真的接著說。

「哈哈，你可以咁講。」





聽著就覺得好玄妙，這樣一來前世聽起來不只是一個已完成的故事，而是一個影響著現在、未來的經歷。上世的經歷就注定了我們今世的再遇。但一個人每天接觸無數的人，難道又是前世、前前世的緣分嗎？

我該相信嗎？

「或者聽落有啲複雜，不如我舉個例子。」

「我有個朋友失戀，咁我幫佢睇左佢嘅前世到底同個男仔咩關係。」

「我見到有一世，佢個ex係佢細佬，兩個人相依為命，佢一直都好照顧個細佬，寧願自己肚餓都唔會餓親細佬；不過細佬就好貪玩，成日都冇交代就走左去。





「有一次，佢地兩姐弟去森林摘果子。佢細佬見到一隻松鼠，覺得佢好可愛，於是追住隻松鼠，自此以後就冇翻過黎。姐姐好掛住佢，一路等佢翻黎。」

我、May和Suki三個女生聽得津津有味。此時此刻，我好像被這個故事所動容，好像這段得不到的愛情確實的發生在身邊。

「咁個故事同今世嘅佢有咩關係啊？」Simon有點不耐煩。

「你唔好打斷人地啦！」May拍了Simon的頭。

「起呢段關係入面，的確係個女仔付出左好多，投放好多感情，仲有好多物物質上嘅野，啲人都話佢好似包養左條仔咁；反而個男仔就玩玩下，一齊左仲成日同朋友落club。最弔詭嘅係，佢地分手嘅原因係個男仔鐘意左第二個啊，而嗰個女仔我朋友都識，係一齊翻parttime。」

「噢。」我們三個女生不約而同的說，然後沉默起來。

本來我還是對前世影響今生這種說法半信半疑，可是這一個故事卻有讓我有所動搖。

我腦海忽而飄過一個人名和一張臉，到底我跟他前世是什麼關係，才會在今世相遇？





「你，」Cassandra把目光移到我的臉上。

「係咪有啲野想知？」

四目相投的瞬間，我毛骨悚然，難道她會讀心術嗎？我心裡本想否認，但是她的眼神不單看穿了我的心，好像還控制了我的嘴唇。

「係。」

這一句話傳進我耳朵後，我才驚覺嘴唇的餘震。既然我已失守，那只好安慰自己，知道或許是一件好事。

「比你個全名我，我就可以知道你開前世。」

「余楚思。」





然後，Cassandra拿起手機，嘴裡碎碎唸著，有點像驅魔人在驅鬼的時候唸著咒語，又有點像中式的問米。而現在，主角是我，我從來沒有想過自己會成為靈異故事裡面的主角，下一秒，我會吐出什麼嗎，還是會被鬼上身？大家都是一臉認真的看著Cassandra，等待她完成的一刻。

經過一番喃喃自語，Cassandra呼出一口氣，然後放下手機，再閉上雙眼。

「呢本係屬於余楚思前世嘅書，每個人都有自己嘅一本書，咁我宜家會幫你打開佢。每本書都會有一個序，序入面嘅畫面，係一啲對你好重要嘅經歷。」