《你信唔信，真係有前世今生》: 1.4

我心呯呯的跳著。

「我見到嘅畫面係咁：你本來係一個平民，當時嘅村長好腐敗，會中飽私囊，搞到你地民不聊天，成日都挨餓。」

「你諗過推翻村長，誤打誤撞之下你帶領左一場革命，而革命最後成功左。你成為條村嘅英雄。」

「x，好準。」幸好我控制住著差點衝口而出的字句。除了粗口，我想不到其他話可以表達到我的驚訝，細思極恐就是這個意思吧。

我腦海瞬間飄過那年中四發生的事，她說完全符合我所經歷的事。我絕少跟其他人提及，我想除了我的中學同學應該沒有人知道（關於那一年的事可以重溫《中四那年》）。



而眼前這個素未謀面的人竟然能說出。

「但係，你覺得自己只係好彩先會成功。」

她甚至連故事的後半部也是毫無偏差的說中。

「你最後冇留起條村度，亦都冇再做英雄喇，你選擇左隱居，低調咁過活落去。」Cassandra繼續說，然後睜開眼。

這種感覺，不只是被人讀心。而是前面有一部透視的機器，只要一靠近，腦海裡的想法、經歷一下子裸露在人前。



「你可以開始問問題。」Cassandra說。

我一時間講不出話來。

Simon分明嘲諷著我：「哈，估唔到你一介女流，前世竟然係搞革命......」

「唔通你今世都會.....都係唔講呢啲，小心啲好。」Suki說。

「欸，唔會啦，我點會呢......」我努力的掩飾。



Cassandra看了一下我的眼色，好像看穿了我的不安，然後微笑說道：「咁嗰一世發生嘅事又未必exactly一樣咁起今世發生嘅。又或者今世仲未出現嗰件事呢，呢啲野得當事人先知。」


我裝作沒事，然後把一塊薯片放進口裡定驚；「我都估唔到前世係咁。」

May搖著我的手臂：「不如你繼續問啦，你有咩想知道？難得你開始左。」

「唔......係咪我比個人名你，你就會知道嗰個人同我起前世嘅經歷？」我問。

「應該咁講，我可以見到其中一世，你地最有關連嘅一世。」Cassandra堅定的說。

「好，咁我比個名你。」

那個弱小而堅定的背影掠過。



「余浩宇。」這三個字從我腦海中忽而飄過，這個熟悉而陌生的名字，莫名其妙的出現了。

Cassandra聽完以後閉上眼睛。

「邊個黎嫁？」啊May問。

「細佬掛。」Suki輕聲的代我回答。

「我睇到嘅畫面係，起個森林入面。你係一隻灰色嘅兔仔，而佢係一隻都幾瘦嘅白色兔仔。你地成日會一齊玩，慢慢建立左感情。你同佢雙方都對對方有意思，但係一直冇人主動表白，因為怕因為表白而失去左一個好好嘅朋友。直到有一日，呢隻白色兔仔走黎問你：「我諗住離開呢個森林。你會唔會跟我走？」

我腦海忽然腦補了他沉實的聲音：「你會唔會跟我走？」

灰兔子到底會怎麼回答？這只是一個故事，我卻像追劇般只想快點知道結局。

「你望一望身邊其他動物，然後話：「我起呢度仲有野要做，唔走得住。」」



我仿佛聽到自己的聲音。

「你拒絕左佢，而佢就咁樣走左。」Cassandra慢下來。