《你信唔信，真係有前世今生》: 1.6

「話說呢，早兩日有個人幫我睇左我嘅前世。」

「唔......」Ken繼續一手滑著手機，一手拿著湯匙，把飯送進口中。

「咁你前世係點？」他顯然很敷衍的問，繼續看著手上的手機。

「有一世係村民，之後......」我考慮應否說下去，可是又不想提及當年的事。

「欸，總之就準啦。你信唔信人有前世？」我轉過頭看著他。



他突然一臉認真的看著我：「信啊，緊係信啦，介紹嗰個人比我識啊，我都想知我前世。」

「你真係想知？」

「我想知......」

他眼睛眯成一條線，嘴角上揚，調皮的笑了一下，然後說：「到底前世做錯咩事，今世要做香港人。」

「你好無聊啊。」我用拳頭輕輕打了他的手臂一下，然後接著說：「我認真啊，前世會影響今世嘅事啊，個朋友講得好準嫁。」



「我都認真啊。既然佢咁準，你嗰晚應該問佢點解你今世會做香港人。」

「冇你咁好氣。」我說完後把吃完的飯盒拿起，轉身就走向pantry。

Becky剛巧也在pantry，她在沖咖啡。Becky是補習社的文員，一個大概四十歲媽媽級的女士。
她靠在櫥櫃一旁，等待著咖啡機製作，目光忽而投射到剛進來的我的身上，然後隨意的問：「Joyce啊，其實你同啊Ken係咩關係？」

這個問題我已經被問過無數次，上至老闆，下至學生。

「朋友囉，仲可以係咩啊？」每一次我都是這樣敷衍的回答，這一次也不例外。



人，從來都是對別人的私事有無盡的好奇，特別是這種兒女私情。可是，當主角是自己的時候，有時真令人生厭。

她見問不出什麼，就轉個話題：「係啵，你今年畢業，有冇諗住留低繼續做？」

「唔啦，出去搵工喇。」

「都係，呢行一係自己開檔先掙到錢。」

「係啦，都唔容易做嫁，邊有咁多錢開檔。」

我說完，Becky就拿著咖啡杯離開了pantry。

我走到pantry的盡頭，從籃子裡隨意拿了一個茶包，掉進粉紅色的保溫瓶，然後把熱水加進去。



「今日上到幾點？」那是Ken的聲音，他不知道何時走到我旁，我嚇了一跳。

「哇，啊余生，你行路無聲嘅，嚇死人咩。」

「你係咪問完咩前世疑神疑鬼啊？點啊，幾點落堂啊？」

「六點半。」

「咁你等埋我啦，我收七點，有個仔就考試話要加一個鐘。」

「哦，你都唔係問人等唔等你嘅？你又知我唔趕時間嘅。」我翹起雙手，故意刁難他。

「你之後都冇野做啦，係咪？」他老實不客氣的說，然後搭著我肩膀。

我無奈回答：「係囉，等你囉。」



「咁Katherine一唔一齊？要唔要問埋佢？」Katherine有時侯都會跟我們一齊食飯。

「唔洗啦。」他說，然後就離開。

既然他這樣說，我就沒有問下去。