《你信唔信，真係有前世今生》: 1.5

這一句仿佛擊中我的內心，忽然一股熱流忽然冒上心頭。想哭，卻不知為著什麼而哭。說慘、說遺憾，這故事不及狗血的韓劇，這不過是個典型的愛情劇。

可是，這場面有種似曾相識的感覺，不是在那裡見過或是聽說過，也不是單純心痛的感覺，而是感覺曾經發生在自己身上。此刻，我就像被帶到一條名為記憶的隧道，在隧道的某處，一個不起眼的角落，好像刻畫著那一隻遠去的白兔的背影。

我想：「點解我好似真係經歷過？點解我有啲傷心？我為一個故事、一隻唔存在嘅兔仔傷心？呢件事好荒謬，真係好荒謬。」

此時的我百感交集的，說不出一句話來。

「你呢套慘情嘅愛情片黎喎。」May的聲音把我帶回來。



「咁佢同細佬今世會點？呢啲野可唔可以問到？」Suki比我更加關心。

「呃......其實呢......」Cassandra看了我一眼，吞了一口口水。

「我可以試下，睇下當事人想唔想？」

三對眼睛同時投向我，等著我接下來的問題。忽然之間成為焦點，讓我有點壓力。

我思考了一下，然後開口：「唔......我可唔可以問下，呢段經歷對於我今世有咩影響？」



「可以。」Cassandra低聲回答，然後再次閉上眼。

我緊張的望著閉上眼的Cassandra，期待著答案。

難道有天，我也要抉擇放下一切跟他離開還是留下嗎？我腦海全是跟他平常相處的畫面。

大概過了一分鐘，Cassandra終於開口。

「其實你地兩個都唔止一世係咁樣分開左，好幾世都係咁，你都冇選擇跟佢走。今世去都會問呢個問題。」



「Master話今世嘅你可以試下跟佢走，轉個環境話唔定係一件好事。」

「好，我明白，多謝你。」

雖然還是有點虛無，可能是還沒有到決定離開的時候吧，或許到時候一切都會明瞭。

「所謂註定，其實未必係註定，睇你自己選擇點做。」Cassandra語重心長的拋下了一句。

這一個晚上的任何一個部分，明天起來我或許會忘記，但就是不會忘記這一句話。

「唔通，係意味著你會跟埋細佬一齊移民，咁都幾好啵。」Suki說。

「呵呵，係囉。」我敷衍帶過。

Cassandra站起來然後走到洗手間，而我也趁這個時候整頓一下自己的思緒。



沉默多時的Simon看著Cassandra進入廁所，然後開口：「呢啲野都唔多科學嘅，你唔係真係信嘛？」

「咁呢個世界好多野都唔係科學可以解釋到，好似啲靈異事件啊，外星人啊，世界咁大真係無奇不有。」May拿他沒辦法的說。

「哦，你鐘意啦。」Simon屈服了May，沒有說下去。

Cassandra回來了。然後，Simon說還有課業沒有做完，抱了一下May就離開了。

我也趁機離開：「你地玩得開心啲啦，多謝Cassandra幫我睇左我嘅前世。」

Cassandra悄悄的說：「希望你今世唔好再錯過喇。Bye。」

我轉身離開，腦海裡還是那個前世的故事。



「噠」的一聲，我攤在床上，想起那一句收不回的話，那一個轉身而去的兔子背面。他的樣子忽然就跟兔子的樣子毫不違和的融在一起。

有些人註定是要錯過。

人總愛這樣說。

「所謂嘅註定，未必係註定」

「今世唔好再錯過」

這兩句話和那雙似乎看透我內心的眼睛總是揮之不去，像跟著天花上的吊扇一同在腦海盤旋。這意義未明，不知所指何事的話，讓人忐忑的難以入眠。