「究竟有咩人膽敢背叛撒旦大人？」
「係一個叫抹大拉的馬利亞嘅妓女，佢後來更成為彌賽亞嘅妻子。」
「居然有咁嘅事？原來撬撒旦大人牆腳嘅人係彌賽亞？」
「喺好耐以前嘅抹大拉城，有個外表非常美艷，並且性感迷人嘅女人，名叫馬利亞。自從撒旦大人遇上咗馬利亞之後，一直好喜歡對方，每晚都同佢發生肉體關係。可惜天生性慾旺盛嘅撒旦大人仍然覺得一般嘅做愛未能令佢滿足，直到後來索性寄居喺馬利亞身上，然後利用馬利亞嘅身份去同其他男人發生性關係，藉此去體驗身體被男人進佔嗰種極致嘅慾望。」陳蓮娜一邊說，一邊向天花板呼出煙圈。
「後來點樣？」
「後來馬利亞聽聞彌賽亞嘅事跡，竟然未經撒旦大人嘅同意，擅自走去彌賽亞參加飲宴嘅地方，喺彌賽亞面前叫對方解放佢。就喺眾目睽睽之下，馬利亞先攞出一個盛滿香油膏嘅玉瓶出嚟，再走到彌賽亞背後，跟手挨住彌賽亞隻腳起勢喊。佢以淚水整濕彌賽亞隻腳，然後用嘴舔乾淨，最後將香油膏抹上。」
對於陳蓮娜的露骨描述，日光聽得目瞪口呆。
「正因為受到馬利亞唆擺，彌賽亞私底下運用自己嘅力量，將撒旦大人驅趕出馬利亞嘅身體，後來更加娶咗馬利亞為妻，所以撒旦大人非常痛恨呢個曾經背叛佢嘅妓女。」
當日光聽取完陳蓮娜的彙報後，雙方便終止了視像會議。
「入嚟。」陳蓮娜向著會議室外呼叫。
進來的人是洛不凡。
「一睇你個樣就知你精神仲係好差。」陳蓮娜以關心的口吻說。
「多謝老闆關心，我仲頂得住。」由於洛不凡的意識曾被辛梓玲重創，自從他由裡世界回來之後，經常出現頭痛欲裂的徵狀。
「我知你喺裡世界受到襲擊，引致精神受創，呢樣野我相信可以幫到你。」陳蓮娜示意洛不凡吸食她自己手中的香煙。
「我怕喺度食煙會違規。」
「No……係大麻.......對治療頭痛特別有效，況且呢度嘅規矩係由我去定。」說畢，陳蓮娜把嘴巴內的煙霧一口氣噴向洛不凡面龐。
在煙霧迷漫的會議室內，洛不凡接過末端染有唇膏的大麻煙，並開始吞雲吐霧起來。半晌過後，他竟看見一個濃妝艷抹，如同鬼魅一樣的陳蓮娜衣衫不整地坐在自己對面。