《我的MK妹同桌》第二季: 13

好快，水上活動玩完，我哋幾個滿足，但又拖住殘留些少精神嘅身軀返上岸，頭先激得制。
 
「呢啲真係試一次好，落水都唔係問題，最大問題係快，我塊面食唔少海水，依家仲feel到咸咸地。」我說。
 
「我扶到差啲扶唔住，要飛出去咁制。」子晴成個人亂曬咁，呀詩都係。
 
我哋無急住去除低個救生衣，而係坐係沙灘度，抖下。
 
後尾坐到夠，坐到痺先提議話唔好玩住，再落水玩下。
 


側邊都唔少身材火辣嘅台妹，啱啱有意無意咁瞄到呀詩唔友善嘅目光。
 
佢扭我耳仔，帶有醋意咁講：「你唔好以為我唔知你係度𥄫隔離個大波妹啊？」
 
「我邊有啊！我睇緊人滑浪咋喎，嗱～～個男人幾勁。」我指一指前面個大隻滑浪男。
 
「你睇下人哋啲腹肌，啲肌肉。」再摵下我個小肚腩，我一排無做下運動咋嘛！
 
「你睇人就得⋯⋯」
 


「你！」呀詩難得地霸氣外洩，托一托我下巴，將我拉返過嚟。
 
「淨、係、可、以、望、我、一、個！」佢個電死人嘅眼神，無邊幾個男人受得住。
 
「喂啊！越嚟越狼啊你。」
 
唔知係咪因為去旅行嘅原故，成個人都會大膽啲，但幾鍾意，可以唔洗理其他人嘅目光，專心咁去鍾意一個人，做一啲愛做嘅事。
 
係青春時期嘅幸福。
 


有啲嘢，第二次再做嘅時候，個感覺遠遠不及第一次來得悸動，甚至慢慢變得麻木。