《我的MK妹同桌》第二季: 134

「咁你唔叫！？」你叫我就做㗎啦，我心諗。
 
「要叫先做啊？你睇下你幾無心肝啊。」呀詩卻甜甜地笑，佢擺埋個舊式圓型嘅粉紅色鏡，由鏡嘅倒影見到呀詩係度笑。
 
「不過講開又講，又好似真係第一次幫你吹頭髮。」我吹吹下嗰陣回憶返，好似係段關係入面，我都有啲位做得唔好。
 
「咁樣幫你吹頭髮好似老夫老妻咁，每晚臨瞓前都幫你頭髮。」我幻想緊嗰個畫面，真係好好，實好幸福。
 
一邊幻想，一邊集細咁把玩佢嘅頭髮，確保佢頭髮每個地方都乾，咁多頭髮要吹乾佢都真係唔易⋯⋯
 




我仲等緊呀詩回應我，點知無曬聲氣。
 
我望望塊鏡，呀詩嘅眼皮已經低到合埋咗，佢真係太攰啦⋯⋯
 
我開始feel到佢個頭chock下chock下咁，咁樣佢都瞓得著，成個細路仔咁。
 
我確保吹到乾曬，隻手都好攰，我仲要唔知咁樣吹得啱唔啱，呀詩成個人彎曬落嚟，後面佢係趴咗係張枱度瞓著咗，我就照樣拎住佢嘅頭髮，繼續吹！
 
吹完之後公主抱佢上床度瞓，一抱，發覺條友都重咗幾多喎！俾佢知道我又會俾人鬧，但係呀詩身體仍舊咁柔軟。
 




輕輕放佢落床，係側邊照顧佢瞓，唔知係咪耐無見，耐無接觸，嗰種愛意特別濃厚，開始明啲人點解講小別勝新婚。
 
「嗯～～～～嗯～～」呀詩嬌嗲咁捉住我隻手，啊唔係，係抱住，兩隻手咁樣攬住我隻手，攬住我隻手嚟瞓。
 
我突然俾佢扯咗落張床度，我就咁俾佢扯住咗，除咗望住佢瞓，我都做唔到，手機又遠嚟。
 
我錫咗佢一啖，忍唔住。
 
呀詩睡姿幾可愛，而且將近排嘅陰霾一掃而空，驚覺我對呀詩係無變過，無可否認係淡咗，因為少見姐。
 




慢慢我嘅睡意來襲，我都攬住呀詩瞓，攬住佢真係零舍好瞓，攬攬下慢慢往上攬，發現呀詩件衫入面係咩都無著，無內衣，嗰個觸感軟綿綿！
 
忍唔住偷襲咗一下。
 
因為咁，我精神返⋯⋯
 
扯起咗。
 
好難平靜自己，然後入睡。
 
對住呀詩，我好似無厭過，仲成日會慾求不滿，只要係埋一齊嗰種，就會想要。
 
我忍住自己嘅慾望，叫自己唔好去諗呢啲，幾經辛苦，先瞓得著。
 
喺我難得瞓得冧嗰陣，我好似感覺到有人整緊我⋯⋯但嗰種感覺幾舒服，我仲以為自己係夢入面，我係睜開咗少少眼，懷念緊呢度係夢定現實。