是咁的，我同女神做咗鄰居: 15.

於是我便厚著面皮走了進去啊童家中。 

只見啊童家四處都放滿了盆栽，

難怪啊童身上總是帶有一陣花香味。 

我把收在身後的心太軟拿出來，放在桌上。

 「咩嚟㗎？」啊童好奇地問。





 「你打開佢咪知囉。」我笑著跟她說。

 她迅速把盒打開。 

「嘩，係心太軟啊。」她興奮地說。 

「係我自己整既心太軟啊。」我自豪地說。

 「估你唔到喎。我講個秘密比你聽丫，

其實呢我一直都冇嬲過你既， 只係諗住扮嬲，

跟住屈你請我食餐飯，先唔理你，嘻嘻。

 不過我估唔到你會為咗賠罪而自己整個心太軟比我食，

 所以我宜家決定原！諒！你！」啊童笑嘻嘻地說。

「你...你知唔知呢幾日以嚟，我每一日都係到擔心你嬲咗我，

唔理我， 不斷諗我要點做你先肯原諒我，

我白頭髮都多咗幾條啊！ 你宜家同我講你係扮嬲！？」我怒氣沖沖地說。

 「唉呀，唔好嬲啦，對唔住啊。」啊童扁了扁嘴，裝作可憐地說。

 我看到她這個可愛的樣子，心頓時軟了下來。

 啊童這個眼神，應該沒有男人能忍得住。 

「唉算啦，食心太軟啦，凍咗唔好食。」 

「好耶，我去攞餐具。」說罷她便進了去廚房。

 不久後，她便拿著兩隻叉子走了出來。 





「嗱，呢個我就係我整既，你食呢個啦。」 然後我便拿起文姨整的那個心太軟開始品嚐起來。

 「好冇食啊？」我問啊童。

 「唔，麻麻地。」啊童搖了搖頭說。

 「吓，係啊？我明明已經跟住文姨整㗎啦喎。」 

「講笑咋，個心太軟好好食丫，你睇下你個樣，

 一聽到我話唔好食，即刻成個人Down晒，哈哈哈。」啊童笑著說。

 「你又玩我！」





 「唔好嬲，唔好嬲。」啊童急忙說。 




跪求大家Follow我既IG: MaanYin05