她把一盒又一盒的Board game拿出來, 

「嘩你屋企有咁多Board game既?」我好奇地問。

 「係啊,我鍾意玩啊嘛。我搵到啦,玩大富翁丫好冇啊。」

 「好好好,你鍾意啦,反正都係陪你咋嘛。」 

「喂你唔講到好難為你咁喎,宜家我有冇揸住支槍對住你個頭迫你陪我玩丫?



 你唔滿意咪返過去隔離囉,你返去咪又係打機。」啊童怒視我。 

「係係係,小人知錯,小人係自願陪你玩既,小人亦都好真心咁想玩大富翁既。」 

「算你啦。」 

她把那盒大富翁拿過來,打開並把內裏所有東西倒出來。

 「你識玩㗎啦。」



 「緊係識啦,我玩大富翁好叻㗎,你小心啲啊。」我囂張地說。

 「睇下點~」啊童不屑地回應。

 遊戲就這樣開始了,

 「哎呀,又要坐監。」啊童說。 

「呵,平時成日打我,宜家咪要坐監囉。」我笑她。 



「食屎啦你!」說罷她打了我一拳。 

「仲打我?我祝你呢一世都要繼續留係監獄到!」 

「收皮啦你。」 

「哈,我行到太平山啦,等我買先。」

 「好買完啦我,到你啦監犯。我去個廁所先,你慢慢。」說罷我便起身。

 「監你個頭啊。去廁所都咁多嘢講。」

 當我走進廁所時,我突然想起一件事,

 於是我便偷偷地走回去。 



果然不出我所料,

 啊童正從銀行中,小心翼翼地拿了幾張錢,放進自己的那一疊錢中,

 我從褲袋中,拿出自己的電話,

把啊童偷錢這一幕拍下來。
 

成為了箱中第三張照片。 

然後她又把自己的棋子從「監獄」中移至「淺水灣」。

 看到這一幕後我搖了搖頭,然後走進廁所如廁。



 出來後,我若無其事地走回去並座下。 

「喂,你有冇趁我去廁所既時候出Cheat啊。」我笑著問她。

 「冇...冇啊,既係冇啦。」她好像被我說穿了一樣,眼神閃縮地回應。

 「係咪㗎?」

 「係㗎啦,我唔會呃你既,人無信而不立。」 

「唉好啦,我信你。我去斟杯水飲先。」說罷我便走到廚房。

 「喂水杯係邊啊?」我問啊童。 

「麻鬼煩。」然後她便進來廚房拿了個水杯給我。



 「喂過門都係客丫,你比下面好喎。」 

「咁駛唔駛姐姐幫你斟水啊?」她反了反白眼,走了出去。

 「收皮啦,我自己識斟。」 




跪求大家Follow我既IG: MaanYin05
已有 0 人追稿