是咁的，我同女神做咗鄰居: 18.

突然我的電話響起，竟然是老媽打來。

 「喂？」 

「你去咗邊啊。」 

「同朋友出咗街囉。」

 「咁點解我係屋企廚房會聽到你把聲既，咁奇怪，唔通我聽錯？」



 人類總要犯同樣的錯誤，我今天竟然犯了兩次同樣的錯，真失敗。

 「哦，係咩，哈哈，可能你聽錯啦咁。」 

「萬浩然！你得未啊，斟杯水都斟咁耐，你係咪真係要我幫啊？」 

啊童突然大叫，殺了我個措手不及。 

「唔係喎，我聽到廚房真係聽到有把女仔聲大叫萬浩然喎。」老媽疑惑地說。 



我跟啊童打手勢告訴她我正在講電話以及叫她安靜。

 「你係咪有幻聽啊？」我回應我媽。

 「啊~萬浩然你個賤人，你做咩唔要我啦。」啊童七情上面地說。

 我作勢要打她，再叫她收聲。

 此時啊童正笑得開懷。 



「啊仔唔係喎，我係廚房聽到個女仔話你唔要佢喎。」 

「哎呀你真係聽錯啦。」我回應。

 「你點解要打我啊，唔好再打啦，萬浩然！」 

啊童繼續她的表演，還特登大聲地叫出我的名字。

 我一邊衝上前捂著啊童的口，防止她再說話，

 一邊對著電話說

「我唔得閒啦 bye bye。」 然後便火速Cut線。

 我鬆了一口氣。 



「唔...唔」啊童發出聲音，

我才發現自己還捂著啊童的嘴。

我立即把手鬆開。

 「哈哈哈哈哈哈！笑死我。」啊童笑著說。

 「食屎啦你，我啊媽頭先問我點解係廚房會聽到有人叫我個名啊， 然後你仲不斷叫，被你玩死。」

 「哼，仲唔比我報返仇，抵死啦你。」

 「鈴鈴鈴」 



「又邊個打比我？」

我拿出電話，又是老媽。 

我示意啊童不要再吵。 

「喂啊媽，點啊？」 

「死仔，咁快Cut線，我打嚟係問你幾時返啊。」 

「哦。」

我看一看手錶，原來已經五點。

 「就快返㗎啦。」 



「哦，好啦Bye bye。」然後她便Cut了線。