回到家後,我便開始執拾上學要用的物品。

 「叮」 

我看一看電話。 

正:得唔得閒?吹陣水。

 我:OK 



過不多久,我的電腦變響起Discord的聲音。

 (For唔知咩係Discord既讀者: Discord係樣類似Skype既程式, 可以比用家通話,我同啊正平時無論打機定吹水都會用Discord。) 

「喂?」啊正的聲音從另一邊傳來。

 「做咩啊?聽日要開學太緊張所以打嚟啊?」我問他。

 「收皮啦你,我係打嚟問你入咗咩班啊?」 



「出咗分班通知啦咩?」

 「係啊,你上網睇下。」

 「等我搵下先...有啦,我係3B班。你呢?」 

「正喎,我都係3B班,咁即係我地又同班啦。」 

「我地已經係第三年同班,真係咁好彩次次都同你同班既。」



 「唔知仲有邊個同我地同班呢?」 

「聽日咪知囉。」 

「喂!我呢聽聞。」啊正刻意說到一半不說。

 「聽聞咩啊仆街,講到一半唔講。」 

「諗住有啲神秘感啊嘛。」 

「快啲講啦。」我催促他。 

「我地班好似會有個插班生。」 

「咦正喎,唔知係咪靚女呢。」我興奮地說。



 「你收啦,你都有你個『啊童』啦,唔好同我爭。」 

「你唔比個插班生係男仔嚟㗎?又或者係豬排呢?」

 「啋過你把口啊,我感應到呢個插班生會係女嚟,仲要係好靚個隻。」 

「你係咪恨出Pool恨到痴咗線。」 

「食屎啦你,你估個個都好似你咁好彩咩,無端端識咗個女神。」

 「唔同你講啦,我去瞓覺先。」 

「喂我地講咗兩分鐘咋喎,咁快Cut線?」



 我沒有理會他,Cut了線,

然後就上床睡覺。
 

老實說,

其實我也幾期待那個插班生的來臨,
 

因為我們男性總是會對插班生有莫名其妙的暇想...
已有 0 人追稿