是咁的，我同女神做咗鄰居: 24.

「又要返學啦，唉，點解個暑假咁短㗎。」

我一邊孭起書包一邊說。 

我家距離學校並不遠，

如果步行的話二十分鐘就到達了，

 前十五分鐘我路段都是平路，但最後五分鐘的路段就要行斜路。



 而從平路上那段斜路是需要乘坐一部升降機的。

 我出了那部升降機後，便要開始走那條斜得離譜的斜路。 

「嘩頂你個肺丫，點解間學校要起係山上面，痴L線好L辛苦啊。」我自言自語地說。

 突然，我的後腦比人打了一下。

 我轉身一望，是我的死黨，魚蛋。 



「你入咗邊班啊？」他問。

 「我係3B班，你呢？」 

「咦咁啱既，我都係入咗3B喎，仲有邊個係3B啊？」

 「啊正都係，其他就唔知啦。」 

「我知肥強都係3B既。」 



「正喎，我哋成班兄弟都係3B。」

 「係呀。」

 說時遲那時快，我們已經抵達學校。

 「終於都要返學啦。」

我看著學校正門，嘆了一口氣。 

「做咩啫，你家陣好唔想返學咩？」

 「又唔係既，只不過鍾意暑假個段日子多啲囉。」

 「有邊個唔鍾意暑假丫，入去啦屌。」說罷他便把我推了進去。



 開學日是要先在操場排隊，

接著上禮堂，最後才回到自己班房。

 因為開學禮在九時才開始，

而現在只是八點八，時間尚早，

 於是我便跟魚蛋過去一張已經被我兄弟們「佔領」了的枱櫈中坐下。

 「喂你班仆街仔入咗邊班啊？」我問。

 「我係3B。」啊正說。



 「屌駛L你講咩，我知啦，其他人呢？」我問。

 「我都係3B。」魚蛋說。 

「屌你地兩個可唔可以唔好再講廢話。」

 「我都係3B喎。」肥強。 

「屌我知啊，魚蛋同咗我講啦，我意思係，除咗你三件契弟之外，仲有邊個3B。」 

「我係！」此時一個叫Marcus的人說。 

「喂正啊喂，有人可以比我地玩Luu。」我開心地對著其他三人說。 

大家不要誤會，我們並不是欺凌，



只是「吱」下佢，最多都只是玩Happy Corner。

 「食屎啦你地，又搞9我。」Marcus說。

 「唔搞你搞邊個？」我奸笑著。

 「仲有冇3B班既同志，唔洗怕羞㗎。」我再問。 

「冇啦，應該係得我地五個咋。」啊正說。 

「鈴」學校的鐘聲響起。 

「去排隊啦，上禮堂瞓覺啦喂。」魚蛋高呼。 



「唉，又要聽班友廢噏。」我說。 

「都唔知係邊條撚樣發明開學禮㗎，根本就係得啲老師係到自High。」Marcus說。

 「排隊啦，咁多廢話。」我搭著他膊頭說。 



跪求大家Follow我既IG: MaanYin05