是咁的，我同女神做咗鄰居: 37.

我走近那個女子，

為確保我不會再柒多次，

所以我特意用力聞了一下，

 有沒有啊童獨有的花香味， 

真是啊童！



 我在她我旁邊坐下，

 聽到聲音的啊童轉過頭來，

眼淚在她的眼眶內打轉，實在是我見猶憐。 

「點啊，嬲完未啊？」我溫柔地問。

 「嗚...」她強忍著淚水，搖了搖頭。 



「做咩唔聽我解釋就走咗去啊？」

 「你...你知唔知...初吻對...嗚...一個女仔嚟講係幾咁重要？」她的臉上多了兩行眼淚。

 「我知我知，對唔住，我唔應該比佢地同你玩呢個遊戲既。」我輕撫著她的手臂說。 

「關...關佢地咩事，明明係你...」

 「我比條片你睇下你就知發生咗咩事㗎啦。」



說罷我拿出電話，打算播放魚蛋所錄影的那段影片。

 「嗱。」我把電話放在她的手中，讓她自己拿著去觀看那段不堪入目的影片。 

「睇到啦？係啊正推我，所以我先至會錫咗落你到。」我解釋說。 

「唔...但係你仍然攞咗我個初吻喎。」啊童此時已經停止了哭泣。 

「咁我都唔想㗎嘛，喂咁成件事其實我都係受害者嚟㗎喎，我仲要孭住兩個書包四周圍咁搵你，又熱喎宜家，我又擔心你喎，無端端自己走咗去。」我說。

 「但係你仍然係攞咗我個初吻喎，我原本諗住個初吻要係一個好浪漫既情境底下，比我自己鍾意既人攞走㗎嘛，宜家竟然係係一間快餐店比你搶走咗。」啊童扁著嘴說。

 「咁你駛唔駛我以身相許啊？」我笑說。 

「嘩，變態佬啊！」啊童聽到我這樣說後立即破涕為笑。 



「笑返咪好囉。」我說。 

「話說你係咪一直孭住兩個書包去搵我啊！」她問。 

「係啊！」 

「你痴線㗎？咁重，仲要你搵咗我咁耐。」她驚訝地說。

「係㗎，我出晒汗啦，為咗搵你，你睇下我幾慘。」 

「哼，比你錫到我，你賺咗啦！宜家都係孭住個書包行幾步路啫。」 

「痴線你知唔知我今日為咗你，行咗幾多路啊？我啊，由快餐店跑去你屋企，跟住我仲比個清潔啊姨當係賊，然後我再由屋企跑去文姨到，最後先由文姨到跑過嚟海旁，最好笑係，我認錯咗個女仔做你，好彩佢好好人冇鬧我，仲同我一齊搵你添。」我一口氣把我剛才一個小時的經歷講出來。 



「咁個女仔呢？」啊童問。

 「咦係喎，仲未好好多謝佢添。」

我經啊童提醒後才記起。

 我抬頭一望，卻見不到Candy的蹤影，

只剩下一堆在享受海風的老人家。 

「唔見咗既？不過唔緊要啦，可能佢幫完我之後就走咗，反正我有佢電話，遲啲先多謝佢都未遲。」我說。 

「點啊，走未啊，定你想坐多陣先？」我問她。 

「覺唔覺得個海好靚？」她問我。



 「吓，唔，Ok啦。」我被她這個突如其來的問題嚇倒。 

「嘖，唔識欣賞。」她一臉嫌棄地說。 

「敢問小姐大海靚在何處？」我問。 

「我覺得大海靚既原因，並非其本身，而係佢能夠襯托出其他事物既美。就好似宜家咁，你睇下，係夕陽既影射之下，成個大海幾靚，一片橙色咁，但係如果缺少咗大海既襯托，就咁單睇一個夕陽，就會顯得單調，相反地，缺少咗夕陽既顏色，大海亦會變得普通。唯有兩者相輔相成，先至能夠創出如此美境。」啊童解釋說。

 「你創造這太空~浮游失重。」我不自覺地唱起Supper Moment既橙海。 

啊童看著我笑了笑，然後說， 

「唱得幾好聽丫，首歌幾配合宜家呢個情境丫。」



 我點了點頭，然後繼續唱，直至把整首歌唱完。 



跪求大家Follow我既IG: MaanYin05