是咁的，我同女神做咗鄰居: 38.

「走啦！」啊童說。 

「好啊，係咪返屋企？」我問。 

「你好似應承咗我一啲野㗎喎，警告你唔好諗住走數啊，如果唔係...」

 「如果唔係點丫？」

「打獲你囉，仲可以點啫！」啊童說。





 「咁你打囉，隻揪啊笨！」我做個鬼臉說。

 「咁串！？我宜家就嚟打獲你！」我童說。

 「捉到我咪比你打囉！」

我話未說完就開始跑了， 

啊童發現我正在逃走後亦不甘示弱，緊追在我身後。 





「仆街！咪走啊你，比我捉到你就知死！」 

「嗄...你捉到我先算啦。」我上氣不接下氣地說。 

失策了，

第一，

我忘記了自己不久前才狂奔完，體力已經接近零了， 





第二，上次在甜品鋪時，我體力充足也敗給了啊童，如今更加不可能跑得嬴她。 

果然，跑了一少段後，

啊童跟我的距離明顯地被越拉越近，

相信被她捉到也只是時間問題而已。 

迫於無奈的我唯有使用大腦，

想出方法去解決眼前的劣勢。 

「唉呀！」

我趴在地上，假裝跌倒，雙手捂著膝頭。 





「喂！你有冇事啊？」身後的啊童立即上前來關心我。 

「痛！」我臉容扭曲地說。

 「唉！係咪衰呢，又唔係跑得，又要係到玩，乖乖地唔好反抗咪冇事囉。」啊童嘆了一口氣說。 

「痛唔痛啊？」 

「痛...好痛。」我七情上面地說。

 「邊到痛啊？」啊童繼續問，眼中展示出擔憂。

 「呢到。」我手指著膝頭。 





「咁你宜家行唔行到啊？」 

看見她如此關心我，我雖然不忍心繼續欺騙她，

但我知道若我告訴她事情的真相，我會死得很慘。 

「行...行到。」

 「咁我扶你返去先啦。」

 「唔該。」 於是我的手便搭著她的膊頭上，一拐一拐地走回去。

 「係呢，今日Mr Wong做咩叫你留低既？」我問。

 「哦冇啊，佢話我地學校規定每個學生都一定要參加一樣課外活動，叫我睇下對邊樣有興趣之嘛。」 





「咁你揀咗咩丫？」 

「唔...未諗啊。你呢，你參加咗咩課外活動啊？」 

「我就係羽毛球校隊既。」我自豪地說。

 「咁啊...咁我都入羽毛球隊啦。」啊童想了想後說。 

「你得唔得㗎？睇你好似弱不禁風咁，因住比個羽毛球打中然後入醫院啊！」我打趣說。 

「收皮啦你，唔知邊個宜家跑幾步就跌親仲要我扶呢下~」啊童囂張地說。

 「得啦得啦，知你勁啦。但係認真你打唔打到㗎，我驚你打兩打就無力喎。」





 「食屎啦你，你等住比我虐殺啦。」 

「哼~睇下點？唔好話我唔提你啊，我話晒都係打A Grade㗎，實力唔差㗎。」 

我沒有誇張，

我的確是以十四歲之齡越級打A grade，

不過原因是我校男羽不夠人， 

於是唯有把我以及一個跟我同齡的人升上校隊A grade去湊人數，

所以我們只是後備而已， 

主力是四個中五師兄。 

「咁咪好犀利？」啊童語帶諷刺地說。 

「到時你咪知囉。如果你入到羽毛球隊既話。」

 「你宜家係咪睇少我，覺得我入唔到丫？」她作勢打我。 

「小人不敢。」我恭敬地說。 


跪求大家Follow我既IG: MaanYin05