是咁的，我同女神做咗鄰居: 56.

這時，剛好升降機門打開，

到達了我們家所在的樓層， 

我背著她走到她家門前， 

她按下門鐘，等待她的家人打開大門， 

幾秒後，周叔叔打開了大門，





 他看到趴在我背上的啊童先呆了一呆， 

然後立即反應過來， 

「做咩野啊你？」他問。 

「我打波既時候扭親隻腳，行唔到，所以就比佢孭我返嚟囉。」啊童回應。 

「入嚟先入嚟先。」他聽到後急忙說。 





於是我便背著啊童走進她的家裏，並把她放在梳發化上。 

終於放下了她的我如釋重負，

連站也站不穩，我不顧儀態，

直接坐在地上大口大口地喘氣。 

周叔叔見狀立即走進廚房，為我拿來一杯水， 





他把水遞給我，示意我喝下，

 「唔該。」

我接過那杯水，

他見我大汗淋灕，特意在杯中加了冰塊，

好讓我可以降溫， 我一口氣把冰水喝掉， 

「都叫你唔好格硬嚟㗎，你睇下你宜家幾辛苦！」一滴汗也沒有出過的啊童坐在梳化上說。 

「啊童！唔準咁冇禮貌。」周叔叔大喝。 

「咩喎，平時我地都係咁相處㗎啦。」啊童撅一撅嘴看著我說。 





「哦，算啦算啦，我都唔介意，我習慣咗㗎啦。」我打完場。

 「今日真係麻煩晒你啊，係咁遠孭啊童返嚟。」周叔叔說。 

「客咩氣吖，好小事啫，都唔辛苦。」我回應。 

然後我轉頭看向啊童，

做口形說：有得抽水。 

啊童看見後輕輕用腳踢了我一下。 

「佢又係既，成日都咁唔小心，以後就要繼續麻煩你幫我睇住佢啦。」周叔叔無視我們之間的互動繼續說。 





「你放心啦，我會幫你係學校到睇住佢㗎啦。」 

「時間都唔早啦，我要過返去隔離食飯啦，多謝你杯水。」我起身把空杯遞給他說。

 「我多謝你就真，我嚟幫你開門吖。」他走向大門並打開它說。 

「唔該晒。」我走出去穿起鞋子說。 

「以後如果你屋企人唔得閒既話隨時歡迎你過嚟食飯㗎。」他對著門外的我說。

 「多謝你既好意先。Bye Bye啦。」

我對著周叔叔以及啊童揮手。

 回到家後，我的手機「叮」一聲響起。





 我打開電話一看，

原來是毛毛傳來了一張相片，

 我按入去一看，竟是毛毛不知何時，

趁我在孭啊童回家的時候，

 拍了一張我背著啊童的相片，

理所當然地，這張照片成為了箱中的第四張照片。

我：做咩偷影我？





 毛毛：咁啱行行下見到你孭住佢係到行緊，咪幫你影低佢囉。

 我：咁好心啊？我係咪要多謝你？

 毛毛：點止多謝啊，直頭要請我食餐飯添啦，我難得幫你記錄低咗重要既一刻。

 我：又屈我請食飯，你死心啦。

 他之後便已讀了我。



跪求大家Follow我既IG: MaanYin05