是咁的，我同女神做咗鄰居: 55.

「痴線，做咩無啦啦講呢啲。你都係乖乖地唔好再講野啦，我冇咁多氣嚟應你啊。」早已汗流浹背的我辛苦的說。

 「仲有幾耐先返到屋企啊，快啲啦。」啊童說。

 「就...就快啦，你比人孭，緊係覺得輕鬆啦，我就慘啦，孭住個咁重既人。」 

「唓，你攰咪放返我落嚟囉，唔使死頂喎。」 

「你頭先痛到路都行唔到啊，我點可以放返你落嚟啫？我一定要孭你返到屋企為止。」





 「你睇下你咁緊張我，仲唔係鍾意我？」啊童又把話題轉回我是否喜歡她這個問題上。 

「咁上次我扮跌親既時候你咪一樣係咁緊張我，咁唔通你又鍾意我啦喎？」我反擊說。

 「咩呀，我...我上次邊有咁緊張你呀，我上次只係...只係。」啊童一時語塞。 

「你講吖，你上次只係咩吖？」我不讓她有思考的時間。 

「哼，你又蝦我。」





 「哈，駁唔到啦，啫係你都緊張我啦。喂，老老實實，你係咪鍾意我啫。」

我緊咬著她不放，以其人之道，還治其人之身。 

「咩...咩呀。我...我緊係唔鍾意你啦。」

 「鍾意我咪講囉，我可能都會考慮下既。」 

「你收皮啦。你唔好叉開個話題啊，明明係我問緊你，做咩會變咗做你問我㗎？你講，你係咪鍾意我。」啊童嘗試取回主導權。 





「我係唔同你講呀，你吹咩！」

 實情是我沒有足夠勇氣，

 要說出自己對她的感覺，真的很困難， 

硬是開不了口，

 有一刻，我有想過要一口氣，

不理後果，

對她說我愛你，

 但我很快就打消了這個念頭， 





懦弱的我最終選擇不答她的問題。 

「我比多次機會你答，你宜家唔答你之後唔好後悔。你係咪鍾意我？」她問多一次。 

「我...」我心裏再次交戰起來，

猶豫不決的我，

吐出了一隻字後便靜了下來。 

「得，我唔迫你，你唔講就算。」啊童看見我久久未能回答後說。 

「我都未見過啲男仔咁廢，講句野都唔敢。」過了良久，在我背上趴著的啊童細聲說。





 「...」

我們再次陷入冷場，互不說話。

 十分鐘過後，我們終於回到家了。

 我背著啊童在大堂等待升降機，

卻恰好撞見從升降機剛走出來的那個清潔工。

 我沒有理會她，

自顧自走進去升降機入面， 

由於我雙手要勾著啊童的雙腳，

所以我便讓啊童為我按下樓層按鍵。 

「頭先個清潔姐姐係咪個朝係咁煩住你個個？」啊童率先打開話匣子。

 「係呀，個陣我激嬲咗你吖嘛，咪諗住係你屋企門口出面等你然後同你道歉囉，跟住我就比佢煩啦，又話咩我唔係呢到既住客，仲話我係小偷添啊，好彩你地及時出現，佢先冇咗煩我。」我回應她說。

 「講開又講，你好似仲爭我啲野喎。」啊童說。

 「咩野啊？」 

「道歉囉，你激嬲咗我唔洗道歉㗎？我未話原諒你㗎。」

 「吓，之前個幾日我都唔知自己講咗幾多次對唔住啦喎，你仲要聽？」我問。





 「之前個啲唔算數，你都冇誠意既，宜家見你咁辛苦，又幫我按摩，又孭我返嚟我先比個機會你講㗎咋，你再唔講就冇㗎啦，我呢世都唔原諒你㗎啦。」啊童說。

 「講講講，周樂童小姐，我宜家就之前我扮跌親，然後鬧你一事向你致歉，希望你能夠原諒我。」我一本正經地說。

 「哼，睇咗你今日為我做咗咁多事既份上，我就勉為其難咁原諒你啦。」

 「謝主隆恩。」我恭敬地說。 



跪求大家Follow我既IG: MaanYin05